പട്ന: ബിഹാറിലെ സ്വകാര്യ ആശുപത്രിയിൽ നഴ്സിനെ കൂട്ടബലാത്സംഗം ചെയ്യാൻ ശ്രമം. ഡോക്ടർ അടക്കം മൂന്നുപേരെ ബ്ലേഡ് കൊണ്ട് മുറിവേൽപ്പിച്ച് രക്ഷപ്പെടുകയായിരുന്നു നഴ്സ്. കൊൽക്കത്തയിലെ ആശുപത്രിയിൽ ഡോക്ടറെ ബലാത്സംഗം ചെയ്ത് കൊന്ന സംഭവത്തിൽ പ്രതിഷേധം ഇപ്പോഴും അടങ്ങിയിട്ടില്ല. ഇതിനിടെയാണ് ബിഹാറിൽ ഇത്തരമൊരു സംഭവം ഉണ്ടായിരിക്കുന്നത്.
സമസ്തിപുർ ജില്ലയിലെ മുസ്രിഘരാരി പൊലീസ് സ്റ്റേഷൻ പരിധിയിലെ ആർ.ബി.എസ് ഹെൽത്ത് കെയർ സെന്‍ററിലാണ് നടുക്കുന്ന സംഭവം. ബുധനാഴ്ച രാത്രി ജോലി കഴിഞ്ഞ് ഇറങ്ങുകയായിരുന്ന നഴ്സിനെ ആശുപത്രി അഡ്മിനിസ്‌ട്രേറ്റർ ഡോ. സഞ്ജയ് കുമാറും രണ്ട് സുഹൃത്തുക്കളും ചേർന്ന് മദ്യലഹരിയിൽ ബലാത്സംഗം ചെയ്യാൻ ശ്രമിക്കുകയായിരുന്നു. കൈയിൽ കിട്ടിയ ബ്ലേഡ് കൊണ്ട് ഡോക്ടറുടെ സ്വകാര്യ ഭാഗങ്ങളിൽ മുറിവേൽപ്പിച്ച് രക്ഷപ്പെടുകയായിരുന്നു നഴ്സ്. തുടർന്ന് ആശുപത്രിയിൽനിന്ന് പുറത്തിറങ്ങി ഓടി ഒളിച്ചിരുന്ന് പൊലീസിൽ വിളിച്ച് വിവരം അറിയിക്കുകയായിരുന്നു.
പൊലീസെത്തി മൂന്നു പേരെയും അറസ്റ്റ് ചെയ്തു. ഡോക്ടർക്കൊപ്പം സുനിൽ കുമാർ ഗുപ്ത, അവധേഷ് കുമാർ എന്നിവരാണ് അറസ്റ്റിലായത്. നഴ്സിനെ ആക്രമിക്കുന്നതിന് മുമ്പ് സംഘം ആശുപത്രിയിലെ സി.സി.ടി.വി ക്യാമറകൾ ഓഫ് ചെയ്തിരുന്നെന്നും വാതിലുകൾ പൂട്ടിയിരുന്നെന്നും പൊലീസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.