ന്യൂഡൽഹി: മാനേജ്മെൻറിെൻറ പകപോക്കൽ നടപടിക്ക് ഇരയായതിനെത്തുടർന്ന് മലയാളി നഴ്സ് ആത്മഹത്യക്ക് ശ്രമിച്ച സംഭവത്തിൽ ഡൽഹി ഐ.എൽ.ബി.എസ് ആശുപത്രിയിലെ നഴ്സുമാർ നടത്തുന്ന സമരം മൂന്നാം ദിവസം പിന്നിട്ടു. വിഷയത്തിൽ ഇടപെടണമെന്ന് ആവശ്യെപ്പട്ട്, ഡൽഹിയിലെത്തിയ കേരള മുഖ്യമന്ത്രി പിണറായി വിജയന് നഴ്സുമാരുടെ സംഘടന പ്രതിനിധികൾ നിവേദനം നൽകി. ഇടെപടുന്നതിൽ പരിമിതിയുണ്ടെന്നും ഇക്കാര്യത്തെക്കുറിച്ച് ഡല്‍ഹി മുഖ്യമന്ത്രി അരവിന്ദ് കെജ്രിവാളുമായി സംസാരിക്കാമെന്നും മുഖ്യമന്ത്രി ഉറപ്പുനല്‍കി.
പിരിച്ചുവിട്ട നഴ്സിനെ തിരിച്ചെടുക്കില്ലെന്ന നിലപാടിലാണ് മാനേജ്‌മെെൻറന്നും അമിത ഡോസില്‍ മരുന്നു നല്‍കി ആശുപത്രിയിൽ ചികിത്സയിൽ കഴിയുന്ന നഴ്സിെന അപായപ്പെടുത്താൻ ശ്രമം നടന്നെന്നും സമരക്കാർ ആരോപിച്ചു. ഇതുസംബന്ധിച്ച് ഡല്‍ഹി വനിത കമീഷനും പൊലീസിനും പരാതി നല്‍കി.
എംപ്ലോയീസ് വെല്‍ഫെയര്‍ അസോസിയേഷെൻറ നേതൃത്വത്തില്‍ ഭാരവാഹികളായ ബ്രിജിത്, പ്രിന്‍സി, ജയമോള്‍, ഷിജോ, ബിബിൻ കൃഷ്ണന്‍ തുടങ്ങിയവരാണ് മുഖ്യമന്ത്രിയെ സന്ദര്‍ശിച്ച് നിവേദനം നൽകിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.