ചെന്നൈ: പശ്ചിമ ബംഗാൾ തെരഞ്ഞെടുപ്പിൽ ബി.ജെ.പി പരാജയപ്പെടുമെന്ന ആത്മവിശ്വാസം പങ്കുവെച്ച് മുൻ കേന്ദ്ര മന്ത്രിയും കോൺഗ്രസ് നേതാവുമായ പി.ചിദംബരം.
സ്വാമി വിവേകാനന്ദൻ, രാജ റാം മോഹൻ റോയ്, ഈശ്വർ ചന്ദ്ര വിദ്യാസാഗർ, രബീന്ദ്രനാഥ് ടാഗോർ, സുഭാഷ് ചന്ദ്ര ബോസ്, സത്യജിത് റായ് അടക്കമുള്ളവരുടെ മണ്ണിൽ വർഗീയതയുടെ വൈറസുകൾക്ക് ഇരപിടിക്കാനാകുമെന്ന് ഞാൻ വിശ്വസിക്കുന്നില്ലെന്ന് പി.ചിദംബരം ട്വീറ്റ് ചെയ്തു.
ബംഗാളിൽ വലിയ തോതിൽ സാമൂഹിക ധ്രുവീകരണം നടക്കുകയാണെന്നും ഇത്തരം വലിയ ദുരന്തം സംസ്ഥാനത്തിന് നൽകിയതിൽ വലിയ പങ്ക് വഹിച്ചത് ബി.ജെ.പിയാണെന്നും പി. ചിദംബരം നേരത്തേ ട്വീറ്റ് ചെയ്തിരുന്നു. ഇതിന് പിന്നാലെയാണ് ബംഗാളിൽ വർഗീയത വിജയിക്കില്ലെന്ന് ചിദംബരം ആത്മവിശ്വാസം പ്രകടിപ്പിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.