പുതിയ പാർലമെന്റിന്റെ ലോക്സഭയുടെ പ്രത്യേക സെഷൻ
ഏറെ പ്രത്യേകതകളുള്ള പുതിയ പാർലമെന്റ് മന്ദിരത്തിലേക്കാണ് പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ പാർലമെന്റ് അംഗങ്ങൾ കാലെടുത്തുവെച്ചത്.
• നാല് നിലകളുള്ള പാർലമെന്റ് മന്ദിരത്തിന് 64,500 ചതുരശ്ര മീറ്റർ വിസ്തീർണം.
• ലോക്സഭയിൽ 888 ഇരിപ്പിടങ്ങൾ. രാജ്യസഭയിൽ 384ഉം. 1272 അംഗങ്ങൾക്ക് സംയുക്തമായി ലോക്സഭയിൽ ഇരിക്കാനും സൗകര്യം.
• ആൽമരമുള്ള നടുമുറ്റം
• ആറ് പുതിയ കമ്മിറ്റി മുറികളും മന്ത്രിമാരുടെ ഓഫിസാവശ്യത്തിന് 92 മുറികളും.
• ലോക്സഭ ചേംബറിന്റെ ഇന്റീരിയർ ദേശീയ പക്ഷിയായ മയിലിനെ അടിസ്ഥാനമാക്കിയും രാജ്യസഭയുടേത് ദേശീയ പുഷ്പമായ താമരയെ അടിസ്ഥാനമാക്കിയും.
• പാർലമെന്റ് മന്ദിരത്തിന്റെ മാതൃക, ഹിന്ദുക്കളുടെ ആരാധനക്കായി ഉപയോഗിക്കുന്നതും ഊർജസ്രോതസ്സായി കണക്കാക്കപ്പെടുന്നതുമായ ശ്രീ യന്ത്രയുടേതാണ്.
• പുരാതന ശിൽപങ്ങളിൽനിന്ന് പ്രചോദനം ഉൾക്കൊണ്ട് ആറ് ദ്വാരങ്ങൾ (കവാടങ്ങൾ)
• ഗജദ്വാറിൽ (ഗജകവാടം) കർണാടക ബനവാസിയിലെ മധുകേശ്വര ക്ഷേത്രത്തിലെ പ്രതിമകളിൽനിന്ന് പ്രചോദനമുൾക്കൊണ്ട് രണ്ട് ആനകളുടെ പ്രതിമകൾ. അശ്വദ്വാറിൽ ഒഡിഷ സൂര്യക്ഷേത്രത്തിലെ കുതിര പ്രതിമകൾ.
• ഗ്വാളിയോറിലെ ഗുജ്രി മഹൽ, ഹംപിയിലെ വിജയ് വിത്തല ക്ഷേത്രം, കർണാടകയിലെ ഹൊയ്സാലേശ്വര ക്ഷേത്രം എന്നിവിടങ്ങളിലെ ശിൽപങ്ങളിൽ നിന്ന് മാതൃകയാക്കിയാണ് ഷാർദുല, ഹംസ, മകര എന്നീ മൂന്ന് ദ്വാരങ്ങളിലെ പ്രതിമകൾ.
• ശേഷിക്കുന്ന ഗരുഡ ദ്വാരത്തിൽ തമിഴ്നാട്ടിൽനിന്നുള്ള നായക് കാലഘട്ടത്തിലെ ശില്പങ്ങളുടേതിന് സമാനമായ ഗരുഡ പ്രതിമ.
• പഴവർഗങ്ങളിൽ ഏറ്റവും കൂടുതൽ ചുവന്ന നിറമുള്ള കോകം പഴത്തിന്റെ (പുനംപുളി) നിറത്തിൽനിന്ന് പ്രചോദനമുൾക്കൊണ്ട് രാജ്യസഭയിലെ പരവതാനിയുടെ നിറം.
• ലോക്സഭയിൽ മയിലിന്റെ തൂവലിൽ നിന്ന് പ്രചോദനമുൾക്കൊണ്ട് ഇന്ത്യൻ അഗേവ് പച്ചയാണ് നിറം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.