ന്യൂഡൽഹി: രാജ്യം നിങ്ങൾക്ക് ബിസിനസ് ചെയ്യാനുള്ള സൗകര്യം എളുപ്പമാക്കും, നിങ്ങൾ ദരിദ്രരുടെ ജീവിതസൗകര്യങ്ങൾ വർധിപ്പിക്കാൻ പരിശ്രമിക്കണമെന്ന് പ്രധാനമന്ത്രി നരേന്ദ്ര മോദി. ഐ.ഐ.ടി ഡൽഹിയിലെ ബിരുദധാരികളായ വിദ്യാർത്ഥികളെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.
പുതിയ കണ്ടുപിടിത്തങ്ങൾ നടത്തിക്കൊണ്ട് നിങ്ങൾ ദരിദ്രരിൽ ദരിദ്രർക്ക് ജീവിതസൗകര്യമൊരുക്കണം. രാജ്യത്തിന്‍റെ ആവശ്യങ്ങൾ തിരിച്ചറിയാനും സ്വാശ്രയ ഇന്ത്യ കെട്ടിപ്പടുക്കാനുമായി നിങ്ങൾ പ്രവർത്തിക്കണം -പ്രധാനമന്ത്രി നരേന്ദ്ര മോദി പറഞ്ഞു.
'ഗുണനിലവാരത്തിൽ ശ്രദ്ധ കേന്ദ്രീകരിക്കുക, വിട്ടുവീഴ്ച ചെയ്യാതിരിക്കുക, പുതുമയെ വലിയ തോതിൽ പ്രോത്സാഹിപ്പിക്കുക, വിശ്വാസ്യത ഉറപ്പുവരുത്തുക, വിപണിയിൽ ദീർഘകാല വിശ്വാസം വളർത്തുക, മാറ്റത്തിനായി കാതോർത്തിരിക്കുക' തുടങ്ങിയ ഉപദേശങ്ങളും അദ്ദേഹം വിദ്യാർഥികൾക്ക് നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.