ലഖ്നോ: കോൺഗ്രസ് പ്രവർത്തകരെ രൂക്ഷമായി വിമർശിച്ച് എ.ഐ.സി.സി ജനറൽ സെക്രട്ടറി പ്രിയങ്ക ഗാന്ധി. ലോക്സഭ തെരഞ്ഞെടുപ ്പിൽ പാർട്ടിക്ക് വേണ്ടി പണിയെടുക്കാത്ത പ്രവർത്തകരെ കണ്ടെത്തുമെന്ന് പ്രിയങ്ക പറഞ്ഞു. സോണിയ ഗാന്ധിയുടെ മണ്ഡലമായ റായ്ബറേലിയിൽ തെരഞ്ഞെടുപ്പ് വിജയത്തിന് നന്ദി അറിയിക്കാൻ സംഘടിപ്പിച്ച യോഗത്തിൽ സംസാരിക്കുകയായിരുന്നു പ്രിയങ്ക. സോണിയാ ഗാന്ധിയും പ്രിയങ്കക്കൊപ്പമുണ്ടായിരുന്നു.
റായ്ബറേലിയിലേത് സോണിയാ ഗാന്ധിയുടെ വിജയമാണ്. ജയിച്ചത് റായ്ബറേലിയിലെ ജനങ്ങളുടെ പിന്തുണയോടെയാണ്. അല്ലാതെ കോൺഗ്രസ് പ്രവർത്തകരുടെ സഹായത്തോടെയല്ല. ഈ സത്യം പറയാതിരിക്കാനാവില്ല -പ്രിയങ്ക പറഞ്ഞു.
പാർട്ടിയിൽ കിഴക്കൻ ഉത്തർപ്രദേശിന്‍റെ ചുമതലയാണ് പ്രിയങ്കക്ക്. തെരഞ്ഞെടുപ്പിൽ ഉത്തർ പ്രദേശിലെ റായ്ബറേലിയിൽ മാത്രമാണ് കോൺഗ്രസിന് വിജയക്കൊടി ഉയർത്താനായത്. തൊട്ടടുത്ത മണ്ഡലമായ അമേത്തിയിൽ സഹോദരനും കോൺഗ്രസ് അധ്യക്ഷനുമായ രാഹുൽ ഗാന്ധി ഞെട്ടിക്കുന്ന തോൽവിയാണ് ഏറ്റുവാങ്ങിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.