പൂണെ: കൗമാരക്കാരൻ ഓടിച്ച കാറിടിച്ച് പൂണെയിൽ രണ്ട് പേർ മരിച്ച സംഭവത്തിൽ തനിക്ക് ഒന്നും ഓർമയില്ലെന്ന് 17 വയസുകാരൻ പൊലീസിനോട് പറഞ്ഞു. അപകട ദിവസം മദ്യപിച്ചാൽ എന്താണ് സംഭവിച്ചതെന്ന് അറിയില്ല.
കൗമാരക്കാരനെ പ്രായപൂർത്തിയാകുന്നതിന് മുമ്പ്തന്നെ ചോദ്യം ചെയ്യണമെന്ന് പൊലീസ് ആവശ്യപ്പെട്ടിരുന്നു. തുടർന്ന് ജുവനൈൽ ജസ്റ്റിസ് ബോർഡ് ഒബ്സർവേഷൻ ഹോമിൽ കഴിയുന്ന കൗമാരക്കാരനെ ചോദ്യം ചെയ്യുകയായിരുന്നു. അപകട ദിവസം താൻ നന്നായി മദ്യപിച്ചിരുന്നു. അതിനാൽ അപകടത്തിൽ എന്താണ് സംഭവിച്ചതെന്ന് തനിക്ക് ഓർക്കാൻ കഴിയുന്നില്ലെന്ന് കൗമാരക്കാരൻ പറയുകയായിരുന്നു.
അതേസമയം കൗമാരക്കാരന്റെ യഥാർത്ഥ രക്ത സാമ്പിൾ വീണ്ടെടുക്കാനുള്ള ശ്രമം തുടരുകയാണെന്ന് പൊലീസ് പറഞ്ഞു. കേസിലെ തെളിവ് നശിപ്പിക്കാൻ ശ്രമിച്ച കൗമാരക്കാരന്റെ അമ്മയെയും അച്ഛനെയും മുത്തച്ഛനേയും കഴിഞ്ഞ പൊലീസ് അറസ്റ്റ് ചെയ്തിരുന്നു. രക്ത സാമ്പിളുകളിൽ കൃത്രിമം കാണിച്ച സംഭവത്തിൽ സസൂൺ ആശുപത്രിയിലെ ഫോറൻസിക് വിഭാഗം മേധാവി ഉൾപ്പെടെ രണ്ട് ഡോക്ടർമാരെയും അറസ്റ്റ് ചെയ്തിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.