ന്യൂഡൽഹി: ആർ.എസ്.എസ് ഇൗജിപ്തിലെ ബ്രദർഹുഡിനു സമാനമാണെന്ന കോൺഗ്രസ് അധ്യക്ഷൻ രാഹുൽ ഗാന്ധിയുടെ ആരോപണത്തിന് ആർ.എസ്.എസിെൻറ മറുപടി. രാഹുൽ ഗാന്ധിക്ക് ഇന്ത്യയെ അറിയില്ലെന്നും അതിനാൽതന്നെ ആർ.എസ്.എസിനെ മനസ്സിലാവില്ലെന്നും അഖിലേന്ത്യാ പ്രചാർ പ്രമുഖ് അരുൺ കുമാർ വ്യക്തമാക്കി.
മാധ്യമ പ്രവർത്തകരുടെ ചോദ്യങ്ങൾക്കു മറുപടിയായാണ് അദ്ദേഹം ഇക്കാര്യം അഭിപ്രായപ്പെട്ടത്. ഇസ്ലാമിക് സ്റ്റേറ്റ്, മുസ്ലിം ഭീകരവാദികൾ, മുസ്ലിം ബ്രദർഹുഡ് എന്നിവർ േലാകം കീഴടക്കിയതെങ്ങനെയെന്ന കാര്യത്തെ കുറിച്ച് ധാരണയുണ്ടായിരുന്നെങ്കിൽ അത്തരമൊരു താരതമ്യം ഒരു പക്ഷെ രാഹുൽ നടത്തില്ലായിരുന്നുവെന്നും അരുൺ കുമാർ പറഞ്ഞു.
താൻ ഇന്ത്യയെ മനസ്സിലാക്കാൻ ശ്രമിക്കുകയാണെന്നാണ് രാഹുൽ പറയുന്നത്. ഇന്ത്യയെ മനസിലാക്കാത്തവർക്ക് ആർ.എസ്.എസിനെ മനസ്സിലാവില്ലെന്നും അരുൺ കുമാർ ചൂണ്ടിക്കാട്ടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.