ന്യൂഡൽഹി: ഉൽസവ സീസണ് മുന്നോടിയായി ഇന്ത്യൻ റെയിൽവ ട്രെയിനുകളുടെ മുഖം മിനുക്കുന്നു. ശതാബ്ദി, രാജധാനി ട്രെയിനുകളിലാണ് ഒക്ടോബർ മുതൽ പുതിയ സൗകര്യങ്ങൾ ഏർപ്പെടുത്തുക.
ശുചിത്വമുള്ള കോച്ചുകൾ, കാറ്ററിങ് സർവീസ്, യൂണിഫോം അണിഞ്ഞ ജീവനക്കാർ, വിനോദസൗകര്യങ്ങൾ എന്നിവയാണ് ട്രെയിനുകളിൽ ഒരുക്കുക. ആദ്യ ഘട്ടമായി 15 ശതാബ്ദി ട്രെയിനുകളിലും 15 രാജധാനി ട്രെയിനിലുമാണ് ആധുനിക സൗകര്യങ്ങൾ ലഭ്യമാക്കുക. പദ്ധതി നടപ്പിലാക്കുന്നതിനായി 25 കോടി രൂപയാണ് റെയിൽവെ മാറ്റിവെച്ചിരിക്കുന്നത്.
പ്രൊജക്ട് സ്വർണ്ണ എന്ന പദ്ധതിക്ക് കീഴിലാണ് ഇന്ത്യൻ റെയിൽവെ മന്ത്രാലയം ട്രെയിനുകൾ മോടി കൂട്ടുന്നത്. മുംബൈ, ഹൗറ, പട്ന, റാഞ്ചി, ഭുവനേശ്വർ എന്നിവിടങ്ങളിലേക്കുള്ള 15 രാജധാനി ട്രെയിനുകളാണ് മോടി കൂട്ടുക. ഹൗറ-പുരി, ന്യൂഡൽഹി-ഛണ്ഡിഗഢ്, ന്യൂഡൽഹി-കാൺപൂർ, ഹൗറ-റാഞ്ചി എന്നീ റൂട്ടുകളിലെ ശതാബ്ദി ട്രെയിനുകളിലും ആധുനിക സൗകര്യങ്ങൾ ഒരുക്കും. ഇതിനൊപ്പം ട്രെയിനുകളിലെ സുരക്ഷ വർധിപ്പിക്കാനും റെയിൽവെക്ക് പദ്ധതിയുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.