പ്രശസ്ത ബോളിവുഡ് താരം രാജ്കുമാര്‍ റാവുവും നടി പത്രലേഖയും വിവാഹിതരായി. ഇരുവരും സമൂഹ മാധ്യമങ്ങൾ വഴിയാണ് വിവാഹ വിവരം പുറത്തുവിട്ടത്. തിങ്കളാഴ്ച ഛണ്ഡീഗഡില്‍ നടന്ന ചടങ്ങില്‍ ഇരുവരുടെയും അടുത്ത ബന്ധുക്കളും സുഹൃത്തുക്കളുമാണ് പങ്കെടുത്തത്.
ക്രീം നിറത്തിലുള്ള പരമ്പരാഗത വേഷമണിഞ്ഞാണ് രാജ്കുമാര്‍ ചടങ്ങിനെത്തിയത്. ചുവപ്പ് നിറത്തിലുള്ള ബ്രൈഡല്‍ ഡ്രസായിരുന്നു പത്രലേഖയുടേത്. വിവാഹത്തിന്‍റെ ചിത്രങ്ങള്‍ രാജ്കുമാര്‍ പങ്കുവച്ചിട്ടുണ്ട്.
''ഒടുവിൽ 11 വർഷത്തെ പ്രണയത്തിനും പ്രണയത്തിനും സൗഹൃദത്തിനും ശേഷം ഞാൻ ഇന്ന് എന്‍റെ എല്ലാമായവളെ വിവാഹം കഴിച്ചു, എന്‍റെ പങ്കാളി, എന്‍റെ ഉറ്റ സുഹൃത്ത്, എന്‍റെ കുടുംബം. പത്രലേഖ..നിങ്ങളുടെ ഭര്‍ത്താവ് എന്നു വിളിക്കപ്പെടുന്നതിനെക്കാള്‍ സന്തോഷം വേറെയില്ല''- രാജ്കുമാര്‍ കുറിച്ചു. പ്രിയങ്ക ചോപ്ര, ആയുഷ് മാന്‍ ഖുറാന ഉള്‍പ്പെടെയുള്ള താരങ്ങള്‍ നവദമ്പതികള്‍ക്ക് ആശംസകള്‍ നേര്‍ന്നിട്ടുണ്ട്. സമൂഹ മാധ്യമങ്ങളിൽ നിരവധി സിനിമ പ്രേമികൾ ഇവർക്ക് ആശംസ നേർന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.