ഹൈദരാബാദ്: ഇന്ത്യൻ പ്രതിരോധ മേഖലയുടെ കരുത്തായ ‘അഗ്നി’ മിസൈലുകളുടെ പിതാവെന്ന് അറിയപ്പെടുന്ന ആർ.എൻ. അഗർവാൾ (84) അന്തരിച്ചു.
ലോകമറിയുന്ന എയറോസ്പേസ് ശാസ്ത്രജ്ഞനും പദ്മശ്രീ, പദ്മഭൂഷൻ ബഹുമതി ജേതാവുമാണ്. വ്യാഴാഴ്ച ഹൈദരാബാദ് കാഞ്ചൻബാഗിലെ വസതിയിലായിരുന്നു അന്ത്യം. ഡി.ആർ.ഡി.ഒയുടെ ഹൈദരാബാദിലെ അഡ്വാൻസ്‍ഡ് സിസ്റ്റംസ്‍ ലബോറട്ടറി ഡയറക്ടറും അഗ്നി പദ്ധതി ഡയറക്ടറുമായിരുന്നു.
മുൻ രാഷ്ട്രപതി എ.പി.ജെ. അബ്ദുൽ കലാം നിർണായക പങ്കുവഹിച്ച ‘ഇന്റഗ്രേറ്റഡ് ഗൈഡഡ് മിസൈൽ വികസന പദ്ധതി’യിൽ ഏറെ പ്രാധാന്യമർഹിക്കുന്നതായിന്നു ‘അഗ്നി’ വികസനം. സുഹൃത്തുക്കൾക്കിടയിൽ അദ്ദേഹം ‘അഗ്നി അഗർവാൾ’, ‘അഗ്നി വാൾ’ എന്നീ പേരുകളിൽ അറിയപ്പെട്ടു. രാജസ്ഥാനിലെ ജയ്പുരിലാണ് ജനിച്ചത്. ശനിയാഴ്ച ഹൈദരാബാദ് ജൂബിലി ഹിൽസിലാണ് സംസ്കാരം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.