മുംബൈ: കടം വാങ്ങിയ 100 രൂപ തിരികെ നൽകാത്തതിന് യുവാവ് സുഹൃത്തിനെ കഴുത്ത് ഞെരിച്ച് കൊലപ്പെടുത്തി. മുംബൈയിലെ ദഹിസാറിൽ ഇരുപത്തെട്ടുകാരനായ യുവാവാണ് സുഹൃത്തിനെ കഴുത്ത് ഞെരിച്ച് കൊലപ്പെടുത്തയത്. സംഭവത്തിൽ പ്രതിയായ പരമേശ്വർ കൊക്കാട്ടെയെ പൊലീസ് അറസ്റ്റ് ചെയ്തു.
സുഹൃത്തായ രാജു പാട്ടീലിനെയാണ് പ്രതി പരമേശ്വർ കഴുത്തു ഞെരിച്ചുകൊന്നത്. പാട്ടീലിന്റെ ബന്ധു പ്രതിയിൽ നിന്ന് നേരത്തെ നൂറ് രൂപ കടംവാങ്ങിയിരുന്നു. ഇത് തിരികെ തരാത്തതിനെക്കുറിച്ച് ചോദ്യംചെയ്തതാണ് കലാശത്തിലേക്ക് നയിച്ചതെന്നും പൊലീസ് പറഞ്ഞു.
പാട്ടീലിനെ കൊലപ്പെടുത്തിയ ശേഷം ആത്മഹത്യയാണെന്ന് വരുത്തിത്തീർക്കാൻ പ്രതി മൃതദേഹം കത്തിച്ചുകളഞ്ഞതായും പൊലീസ് പറഞ്ഞു. ചോദ്യം ചെയ്യലിനിടെ പ്രതി കുറ്റം സമ്മതിച്ചെന്ന് പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.