എ​ൻ.​വി. ര​മ​ണ ന​ട​ത്തി​യ ര​ജി​സ്ട്രാ​ർ നി​യ​മ​നം സു​പ്രീം​കോ​ട​തി റ​ദ്ദാ​ക്കി

ന്യൂ​ഡ​ൽ​ഹി: സു​പ്രീം​കോ​ട​തി മു​ൻ ചീ​ഫ് ജ​സ്റ്റി​സ് എ​ൻ.​വി. ര​മ​ണ ത​ന്റെ കാ​ലാ​വ​ധി അ​വ​സാ​നി​ക്കു​ന്ന അ​വ​സാ​ന ആ​ഴ്ച ന​ട​ത്തി​യ ര​ജി​സ്ട്രാ​ർ നി​യ​മ​നം റ​ദ്ദാ​ക്കി. പ്ര​സാ​ർ ഭാ​ര​തി ജോ​യ​ന്റ് ഡ​യ​റ​ക്ട​റാ​യ പ്ര​സ​ന്ന​കു​മാ​ർ സൂ​ര്യ​ദേ​വ​ര​ക്ക് ര​ജി​സ്ട്രാ​റാ​യി സ്ഥി​ര​നി​യ​മ​നം ന​ൽ​കി​യ ന​ട​പ​ടി​യാ​ണ് സു​പ്രീം​കോ​ട​തി റ​ദ്ദാ​ക്കി​യ​ത്. സൂ​ര്യ​ദേ​വ​ര​യെ സെ​പ്റ്റം​ബ​ർ 30ന്റെ ​മു​ൻ​കാ​ല പ്രാ​ബ​ല്യ​ത്തോ​ടെ ഡെ​പ്യൂ​ട്ടേ​ഷ​നി​ൽ വ​ന്ന ആ​കാ​ശ​വാ​ണി​യി​ലേ​ക്ക് ത​ന്നെ തി​രി​ച്ച​യ​ച്ചു.

ആ​കാ​ശ​വാ​ണി​യി​ൽ തെ​ലു​ങ്ക് വാ​ർ​ത്താ​വാ​യ​ന​ക്കാ​ര​നാ​യി​രു​ന്ന സൂ​ര്യ​ദേ​വ​ര 2009-15 കാ​ല​യ​ള​വി​ൽ ലോ​ക്സ​ഭ സ്പീ​ക്ക​ർ സോ​മ​നാ​ഥ് ചാ​റ്റ​ർ​ജി​യു​ടെ ഓ​ഫി​സ​ർ ഓ​ൺ സ്പെ​ഷ​ൽ ഡ്യൂ​ട്ടി​യാ​യി​രു​ന്നു. പി​ന്നീ​ട് രാ​ജ്യ​സ​ഭ ചെ​യ​ർ​മാ​ൻ ഹാ​മി​ദ് അ​ൻ​സാ​രി​ക്കു​വേ​ണ്ടി സേ​വ​ന​മ​നു​ഷ്ഠി​ച്ചു.

ആം ​ആ​ദ്മി പാ​ർ​ട്ടി അ​ധി​കാ​ര​ത്തി​ലെ​ത്തി​യ​തോ​ടെ ഡ​ൽ​ഹി നി​യ​മ​സ​ഭ സെ​ക്ര​ട്ട​റി​യാ​യി. സൂ​ര്യ​ദേ​വ​ര​യെ ആ​കാ​ശ​വാ​ണി​യി​ലേ​ക്ക് തി​രി​ച്ച​യ​ച്ച് മു​ൻ ല​ഫ്. ഗ​വ​ർ​ണ​ർ ന​ജീ​ബ് ജം​ഗ് ഉ​ത്ത​ര​വി​ട്ടെ​ങ്കി​ലും നി​യ​മ​സ​ഭ സ്പീ​ക്ക​ർ രാം ​നി​വാ​സ് ഗോ​യ​ൽ ഇ​ത് നി​ര​സി​ച്ചു.

തു​ട​ർ​ന്ന് സ്പീ​ക്ക​റു​ടെ ന​ട​പ​ടി​ക്കെ​തി​രെ ഡ​ൽ​ഹി ഹൈ​കോ​ട​തി രൂ​ക്ഷ​വി​മ​ർ​ശ​ന​മു​ന്ന​യി​ച്ചി​രു​ന്നു. ഇ​തി​നി​ടെ ആ​കാ​ശ​വാ​ണി​യി​ൽ തി​രി​ച്ചു​വ​രാ​തി​രു​ന്ന​തി​ന് സൂ​ര്യ​ദേ​വ​ര​ക്കെ​തി​രെ വ​കു​പ്പു​ത​ല ന​ട​പ​ടി​യു​മു​ണ്ടാ​യി.

2021ൽ ​പ്ര​സാ​ർ ഭാ​ര​തി ​ജോ​യ​ന്റ് ഡ​യ​റ​ക്ട​റാ​യ സൂ​ര്യ​ദേ​വ​ര​യെ മാ​ധ്യ​മ​ചു​മ​ത​ല ന​ൽ​കി​യാ​ണ് ഓ​ഫി​സ​ർ ഓ​ൺ സ്പെ​ഷ​ൽ ഡ്യൂ​ട്ടി​യാ​യി സു​പ്രീം​കോ​ട​തി​യി​ൽ മൂ​ന്ന് വ​ർ​ഷ​ത്തേ​ക്ക് നി​യ​മി​ച്ച​ത്. വി​ര​മി​ക്കാ​നി​രി​ക്കെ അ​വ​സാ​ന ആ​ഴ്ച​യാ​ണ് ര​ജി​സ്ട്രാ​റാ​യി സ്ഥാ​ന​ക്ക​യ​റ്റം ന​ൽ​കി​യ​ത്.