ഡോ​ക്​​ട​റെ ബ​ലാ​ത്സം​ഗം​ചെ​യ്​​ത്​ ചു​ട്ടു​കൊ​ന്ന ക്രൂരത; നടുങ്ങി രാജ്യം

ഹൈ​ദ​രാ​ബാ​ദ്​: വ​നി​ത ​വെ​റ്റ​റി​ന​റി ഡോ​ക്​​ട​റെ കൂ​ട്ട​ബ​ലാ​ത്സം​ഗം ചെ​യ്​​ത്​ ക്രൂ​ര​മാ​യി കൊ​ല​പ് പെ​ടു​ത്തി​യ സം​ഭ​വ​ത്തി​ൽ ഹൈ​ദ​രാ​ബാ​ദി​ൽ, പ്ര​തി​ക​ളെ ക​സ്​​റ്റ​ഡി​യി​ൽ​വെ​ച്ച പൊ​ലീ​സ്​ സ്​​റ്റേ​ഷ​ന ു മു​ന്നി​ൽ പ്ര​തി​ഷേ​ധ​മി​ര​മ്പി. പ്ര​തി​ക​ൾ​ക്ക്​ ക​ടു​ത്ത ശി​ക്ഷ വാ​ങ്ങി​ക്കൊ​ടു​ക്ക​ണ​മെ​ന്നാ​വ​ശ്യ ​പ്പെ​ട്ട്​ സ​ന്ന​ദ്ധ​പ്ര​വ​ർ​ത്ത​ക​രും പൊ​തു​ജ​ന​ങ്ങ​ളു​മ​ട​ങ്ങു​ന്ന വ​ൻ ജ​ന​ക്കൂ​ട്ട​മാ​ണ്​ ഷാ​ദ്​​ന ​ഗ​ർ പൊ​ലീ​സ്​ സ്​​റ്റേ​ഷ​നു മു​ന്നി​ൽ ധ​ർ​ണ സം​ഘ​ടി​പ്പി​ച്ച​ത്.

വ്യാ​ഴാ​ഴ്​​ച രാ​ത്രി​യാ​ണ്​ 25കാ​രി​ യെ ബ​ലാ​ത്സം​ഗ​ത്തി​നി​ര​യാ​ക്കി കൊ​ന്ന​ശേ​ഷം ബ്ലാ​ങ്ക​റ്റി​ൽ പൊ​തി​ഞ്ഞ്​ തീ​കൊ​ളു​ത്തി​യ​ത്. സം​ഭ​വ​ത്തി​ൽ ലോ​റി ജീ​വ​ന​ക്കാ​രാ​യ നാ​ലു യു​വാ​ക്ക​ളാ​ണ്​ അ​റ​സ്​​റ്റി​ലാ​യ​ത്. ഹീ​ന​മാ​യ കൊ​ല​പാ​ത​ക​ത്തി​നെ​തി​രെ രാ​ജ്യ​വ്യാ​പ​ക പ്ര​തി​ഷേ​ധം ഉ​യ​രു​ക​യാ​ണ്. ഇ​ര അ​നു​ഭ​വി​ച്ച വേ​ദ​ന, കോ​ട​തി​യി​ൽ ഹാ​ജ​രാ​ക്കു​ന്ന​തി​നു മു​മ്പ് പ്ര​തി​ക​ളും അ​നു​ഭ​വി​ക്ക​ണ​മെ​ന്നും ഇ​വ​ർ​ക്ക്​ വ​ധ​​ശി​ക്ഷ വാ​ങ്ങി​ക്കൊ​ടു​ക്ക​ണ​മെ​ന്നു​മെ​ല്ലാം പ്ര​തി​ഷേ​ധ​ക്കാ​ർ വി​ളി​ച്ചു​പ​റ​ഞ്ഞു. ഇ​തി​നി​ടെ, പ്ര​തി​ക​ൾ​ക്ക്​ നി​യ​മ​സ​ഹാ​യം ന​ൽ​കി​ല്ലെ​ന്ന്​ പ്രാ​ദേ​ശി​ക കോ​ട​തി​യി​ലെ അ​ഭി​ഭാ​ഷ​ക​ർ പ്ര​ഖ്യാ​പി​ച്ചു.

യു​വ​തി സ്​​കൂ​ട്ട​ർ പാ​ർ​ക്ക്​ ചെ​യ്യു​ന്ന​ത്​ ക​ണ്ട​പ്പോ​ൾ തു​ട​ങ്ങി​യ ആ​സൂ​ത്ര​ണം
ഹൈ​ദ​രാ​ബാ​ദ്​: ഹൈ​ദ​രാ​ബാ​ദി​ൽ വെ​റ്റ​റി​ന​റി ഡോ​ക്​​ട​റെ പീ​ഡി​പ്പി​ച്ചു​കൊ​ന്ന ​ക്രൂ​ര​ത​ക്കു പി​ന്നി​ൽ കൃ​ത്യ​മാ​യ ആ​സൂ​ത്ര​ണ​മെ​ന്ന്​ പൊ​ലീ​സ്. ന​ഗ​ര​പ്രാ​ന്ത​ത്തി​ലെ ഷാ​ദ്​​ന​ഗ​റി​ൽ ടോ​ൾ പ്ലാ​സ​ക്ക​രി​കി​ൽ യു​വ​തി സ്​​കൂ​ട്ട​ർ പാ​ർ​ക്ക്​ ചെ​യ്യു​ന്ന​തു​ക​ണ്ട പ്ര​തി​ക​ൾ, മ​ദ്യ​പാ​ന​ത്തി​നി​ടെ പ​ദ്ധ​തി ആ​സൂ​ത്ര​ണം ചെ​യ്യു​ക​യാ​യി​രു​ന്നു​വെ​ന്നും പൊ​ലീ​സ്​ പ​റ​ഞ്ഞു. യു​വ​തി പോ​യ​ശേ​ഷം പ്ര​തി​ക​ളി​ലൊ​രാ​ൾ സ്​​കൂ​ട്ട​റി​​​​​െൻറ കാ​റ്റ​ഴി​ച്ചു​വി​ട്ടു.

പി​ന്നീ​ട് യു​വ​തി തി​രി​ച്ചു​വ​ന്ന​പ്പോ​ൾ മ​റ്റൊ​രു പ്ര​തി, ട​യ​ർ ന​ന്നാ​ക്കാ​ൻ സ​ഹാ​യി​ക്കാം എ​ന്നു പ​റ​ഞ്ഞ്​ സ​മീ​പി​ക്കു​ക​യാ​യി​രു​ന്നു. സ​മീ​പ​ത്ത്​ നി​ർ​ത്തി​യി​ട്ട ലോ​റി​യി​ൽ​നി​ന്ന്​ മ​റ്റു പ്ര​തി​ക​ൾ തു​റി​ച്ചു​നോ​ക്കു​ന്ന​ത്​ ക​ണ്ട്​ ഭ​യ​ന്ന യു​വ​തി, ​അ​പ​രി​ചി​ത​​​​​െൻറ സ​ഹാ​യം സ്വീ​ക​രി​ക്കാ​ൻ നി​ർ​ബ​ന്ധി​ത​യാ​യി. ട​യ​റി​ൽ കാ​റ്റു​നി​റ​ച്ച്​ കൊ​ണ്ടു​വ​രാം എ​ന്ന്​ വാ​ഗ്​​ദാ​നം ചെ​യ്​​ത്​ പ്ര​തി സ്​​കൂ​ട്ട​റു​മാ​യി പോ​യ​പ്പോ​ൾ യു​വ​തി ടോ​ൾ പ്ലാ​സ​ക്കു സ​മീ​പം കാ​ത്തു​നി​ന്നു.

ക​ട അ​ട​ച്ചു​പോ​യി എ​ന്നും പ​റ​ഞ്ഞ്​ ഇ​യാ​ൾ തി​രി​ച്ചു​വ​ന്നു. തു​ട​ർ​ന്ന്​ മ​റ്റു പ്ര​തി​ക​ളും ഒ​പ്പം​ചേ​ർ​ന്ന്​ യു​വ​തി​യെ ബ​ല​മാ​യി പി​ടി​കൂ​ടി സ​മീ​പ​ത്തെ ഒ​രു കെ​ട്ടി​ട​ത്തി​ലേ​ക്ക്​ കൊ​ണ്ടു​പോ​യി ബ​ലാ​ത്സം​ഗം ചെ​യ്​​തു. ബ​ല​പ്ര​യോ​ഗ​ത്തി​ൽ ശ്വാ​സം​മു​ട്ടി യു​വ​തി​യു​ടെ ജീ​വ​ൻ​പോ​യി. തു​ട​ർ​ന്ന്​ മൃ​ത​ദേ​ഹം ബ്ലാ​ങ്ക​റ്റി​ൽ പൊ​തി​ഞ്ഞ്​ ആ​ളൊ​ഴി​ഞ്ഞ സ്ഥ​ല​ത്തു കൊ​ണ്ടു​പോ​യി തീ​കൊ​ളു​ത്തു​ക​യാ​യി​രു​ന്നു -പൊ​ലീ​സ്​ പ​റ​ഞ്ഞു.

പി​ടി​യി​ലാ​യ ജോ​ലു ശി​വ (20), ജോ​ലു ന​വീ​ൻ (20), ചി​ന്ത​കു​ണ്ട ചെ​ന്ന​കേ​ശ​വ​ലു എ​ന്നി​വ​ർ ലോ​റി ക്ലീ​ന​ർ​മാ​രും മു​ഖ്യ​പ്ര​തി ആ​രി​ഫ്​ (24) ഡ്രൈ​വ​റു​മാ​ണ്.