രാജ്യദ്രോഹ നിയമം; കോടതി ചൂണ്ടിക്കാട്ടിയ അഞ്ച് പ്രധാന നിർദേശങ്ങൾ

ഇന്ത്യൻ ശിക്ഷാനിയമത്തിലെ 124എ വകുപ്പ് സുപ്രീംകോടതി മരവിപ്പിച്ചതോടെ ഒന്നര നൂറ്റാണ്ടിലേറെയായി തുടർന്നുവന്ന നിയമത്തിന്‍റെ കാര്യത്തിലാണ് പുനർവിചിന്തനമുണ്ടാകാൻ പോകുന്നത്. രാജ്യദ്രോഹ നിയമമെന്ന് പൊതുവേ അറിയപ്പെടുന്ന ഈ വകുപ്പ് 1870ൽ ബ്രിട്ടീഷ് ഭരണകാലത്ത് ശിക്ഷാനിയമത്തിൽ ഉൾപ്പെടുത്തിയതാണ്. കേന്ദ്ര സർക്കാർ നിയമത്തിന്‍റെ പുന:പരിശോധന പൂർത്തിയാക്കുന്നത് വരെ 124എ വകുപ്പ് മരവിപ്പിക്കാനാണ് ചീഫ് ജസ്റ്റിസ് എൻ.വി. രമണ, ജസ്റ്റിസ് സൂര്യകാന്ത്, ജസ്റ്റിസ് ഹിമ കോഹ്ലി എന്നിവരടങ്ങിയ ബെഞ്ചിന്‍റെ ഉത്തരവ്.

പൊതുസമാധാനത്തെ ബാധിക്കുന്നതോ അക്രമത്തിലൂടെ ക്രമസമാധാനം തകർക്കുന്നതോ അതിന് പ്രേരിപ്പിക്കുന്നതോ ആയ പരാമർശങ്ങൾ, എഴുത്തുകൾ, മറ്റ് ആവിഷ്‌കാരങ്ങൾ എന്നിവയാണ് 124 എ വകുപ്പ് പ്രകാരം രാജ്യദ്രോഹമാകുന്നത്. മൂന്ന് വർഷം മുതൽ ജീവപര്യന്തം വരെ തടവോ പിഴയോ ലഭിക്കാവുന്ന കുറ്റമാണിത്.

സുപ്രീംകോടതിയുടെ അഞ്ച് പ്രധാന നിർദേശങ്ങൾ

• 124 എ വകുപ്പ് കാലാനുസൃതമല്ലെന്നും രാജ്യം കോളനിവാഴ്ചക്ക് കീഴിലായിരുന്ന കാലഘട്ടത്തിന് വേണ്ടിയുള്ളതായിരുന്നെന്നും കേന്ദ്ര സർക്കാർ അംഗീകരിച്ചിട്ടുണ്ട്. അതിനാൽ, കേന്ദ്ര സർക്കാറിന് നിയമത്തിന്‍റെ കാര്യത്തിൽ പുന:പരിശോധന നടത്താം. 
• പുന:പരിശോധന പൂർത്തിയാകുന്നത് വരെ 124 എ വകുപ്പ് മരവിപ്പിക്കുന്നു.
• 124എ വകുപ്പ് പ്രകാരം പുതിയ കേസ് രജിസ്റ്റർ ചെയ്യുകയോ കേസുകളിൽ അന്വേഷണം തുടരുകയോ മറ്റ് നടപടികൾ സ്വീകരിക്കുകയോ ചെയ്യരുത്. 
• നിലവിൽ വകുപ്പ് ചുമത്തി ജയിലിലുള്ളവർക്ക് ജാമ്യത്തിനായി കോടതികളെ സമീപിക്കാം. 
• 124എ വകുപ്പിന്‍റെ ദുരുപയോഗം തടയുന്നതിന് കേന്ദ്ര സർക്കാറിന് സംസ്ഥാനങ്ങൾക്ക് മാർഗനിർദേശങ്ങൾ നൽകാം.

വാദിച്ചു തോറ്റ് കേന്ദ്രം

ന്യൂ​ഡ​ൽ​ഹി: വി​വാ​ദ രാ​ജ്യ​ദ്രോ​ഹ നി​യ​മ​വ്യ​വ​സ്ഥ മ​ര​വി​പ്പി​ക്കു​ന്ന​തി​നെ​തി​രെ കേ​ന്ദ്ര​സ​ർ​ക്കാ​ർ സു​പ്രീം​കോ​ട​തി​യി​ൽ വാ​ദി​ച്ചു തോ​റ്റു. പു​നഃ​പ​രി​ശോ​ധി​ക്കു​ന്നു​വെ​ന്നു ക​രു​തി ഒ​രു നി​യ​മം തു​ട​ർ​ന്നും ന​ട​പ്പാ​ക്കു​ന്ന​ത് ത​ട​യാ​നാ​വി​ല്ലെ​ന്ന വാ​ദ​മാ​ണ്​ കേ​​ന്ദ്ര​സ​ർ​ക്കാ​റി​ന് വേ​ണ്ടി ഹാ​ജ​രാ​യ സോ​ളി​സി​റ്റ​ർ ജ​ന​റ​ൽ തു​ഷാ​ർ മേ​ത്ത പ്ര​ധാ​ന​മാ​യും ന​ട​ത്തി​യ​ത്. നി​ല​വി​ലെ കേ​സു​ക​ൾ സ്റ്റേ ​ചെ​യ്യാ​ൻ പാ​ടി​ല്ല.

പു​തി​യ കേ​സു​ക​ൾ ര​ജി​സ്റ്റ​ർ ചെ​യ്യാ​ൻ അ​നു​വ​ദി​ക്കു​ക​യും വേ​ണം. എ​ന്നാ​ൽ ചീ​ഫ് ജ​സ്റ്റി​സി​ന്റെ നേ​തൃ​ത്വ​ത്തി​ലു​ള്ള ബെ​ഞ്ച് അം​ഗീ​ക​രി​ച്ചി​ല്ല. നി​യ​മം മ​ര​വി​പ്പി​ക്കാ​ൻ സാ​ധ്യ​ത​യു​ണ്ടെ​ന്ന് വി​ല​യി​രു​ത്തി​യ കേ​ന്ദ്ര​സ​ർ​ക്കാ​ർ കേ​സും വി​ചാ​ര​ണ​യും ത​ട​യാ​ത്ത വി​ധം ചി​ല ക​ര​ട് നി​ർ​ദേ​ശ​ങ്ങ​ളു​മാ​യാ​ണ് ബു​ധ​നാ​ഴ്ച കോ​ട​തി​യി​ലെ​ത്തി​യ​ത്. പു​തി​യ എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്യു​ന്ന​തി​ന് പൊ​ലീ​സ് സൂ​പ്ര​ണ്ടി​ന്റെ നേ​രി​ട്ടു​ള്ള പ​രി​ശോ​ധ​ന വേ​ണ​മെ​ന്ന് വ്യ​വ​സ്ഥ ചെ​യ്യാ​മെ​ന്നാ​യി​രു​ന്നു ഒ​രു നി​ർ​ദേ​ശം. ഇ​പ്പോ​ഴു​ള്ള കേ​സു​ക​ളു​ടെ കാ​ര്യ​ത്തി​ൽ, പ്ര​തി​ക​ളു​ടെ ജാ​മ്യം വി​ചാ​ര​ണ കോ​ട​തി​ക​ൾ വേ​ഗ​ത്തി​ൽ പ​രി​ഗ​ണി​ക്ക​ണ​മെ​ന്ന് കോ​ട​തി​ക്ക് നി​ർ​ദേ​ശി​ക്കാ​മെ​ന്നും തു​ഷാ​ർ മേ​ത്ത അ​ഭി​പ്രാ​യ​പ്പെ​ട്ടു.

ക്രി​മി​ന​ൽ കു​റ്റ​ങ്ങ​ളി​ൽ കേ​സ് ര​ജി​സ്റ്റ​ർ ചെ​യ്യ​രു​തെ​ന്ന വി​ല​ക്ക് ശ​രി​യാ​യ സ​മീ​പ​ന​മാ​യി​രി​ക്കി​ല്ല. ക്രി​മി​ന​ൽ കു​റ്റം ചെ​യ്താ​ൽ കേ​സ് ര​ജി​സ്റ്റ​ർ ചെ​യ്യാ​തി​രി​ക്കു​ന്ന​ത് എ​ങ്ങ​നെ? നി​ല​വി​ലെ ചി​ല രാ​ജ്യ​ദ്രോ​ഹ കേ​സു​ക​ൾ​ക്ക് ഭീ​ക​ര​ത​യു​ടെ വ​ശം ഉ​ണ്ടാ​കാം. ക​ള്ള​പ്പ​ണ ഇ​ട​പാ​ട് ഉ​ണ്ടാ​കാം. അ​തി​ന്റെ ആ​ഴ​വും വ്യാ​പ്തി​യും വി​ചാ​ര​ണ കോ​ട​തി​ക​ൾ​ക്കേ അ​റി​യൂ. പൊ​ലീ​സി​നും സ​ർ​ക്കാ​റി​നും മു​മ്പാ​കെ​യ​ല്ല ഈ ​കേ​സു​ക​ൾ. കോ​ട​തി​ക്കു മു​മ്പാ​കെ​യു​ള്ള കേ​സു​ക​ളി​ൽ അ​ത​തു കോ​ട​തി​ക​ളാ​ണ് തീ​രു​മാ​ന​മെ​ടു​ക്കേ​ണ്ട​ത്. പ്ര​തി​ക​ളു​ടെ ജാ​മ്യം വേ​ഗ​ത്തി​ൽ പ​രി​ഗ​ണി​ക്ക​ണ​മെ​ന്ന് പ​റ​യാം.

എ​ന്നു മാ​ത്ര​മ​ല്ല, പൊ​തു​താ​ൽ​പ​ര്യ ഹ​ര​ജി​യു​ടെ അ​ടി​സ്ഥാ​ന​ത്തി​ൽ ഒ​രു നി​യ​മം സ്റ്റേ ​ചെ​യ്യാ​നാ​വി​ല്ല. ഭ​ര​ണ​ഘ​ട​ന ബെ​ഞ്ച് മു​മ്പ് ശ​രി​വെ​ച്ച വ്യ​വ​സ്ഥ​ക​ളു​ടെ കാ​ര്യ​ത്തി​ൽ മ​റ്റൊ​രു ഉ​ത്ത​ര​വ് ഇ​റ​ക്കു​ന്ന​ത് ശ​രി​യാ​യി​രി​ക്കി​ല്ലെ​ന്നും തു​ഷാ​ർ മേ​ത്ത വാ​ദി​ച്ചു.