ന്യൂഡൽഹി: മുതിർന്ന ബി.ജെ.പി നേതാവ് എൽ.കെ അദ്വാനി അന്തരിച്ച ഗായിക ലതാ മങ്കേഷ്‌കറിന് ആദരാഞ്ജലികൾ അർപ്പിച്ചു. ലത ഒരു നല്ല മനുഷ്യനായിരുന്നുവെന്നും അവരുടെ ലാളിത്യവും മഹത്തായ രാജ്യസ്നേഹവും തന്നെ വളരെ സ്പർശിച്ചുവെന്നും അദ്ദേഹം പറഞ്ഞു. സോമനാഥിൽ നിന്ന് അയോധ്യയിലേക്ക് നടന്ന തന്റെ രഥയാത്രക്കായി ലതാ മങ്കേഷ്കർ പാടിയ രാമഭജൻ ഏറെ ശ്രദ്ധിക്കപ്പെട്ടിരുന്നതായും അദ്ദേഹം അനുസ്മരിച്ചു. തനിക്ക് ഏറെ ഇഷ്ടമുള്ള ഗായികയാണ് ലതയെന്നുംഅ വരുമായി അടുത്ത സൗഹൃദം കാത്തുസൂക്ഷിക്കാൻ കഴിഞ്ഞിട്ടുണ്ടെന്നും അദ്വാനി പറഞ്ഞു.
'സോമനാഥിൽ നിന്ന് അയോധ്യയിലേക്ക് രാമന് വേണ്ടി ഞാൻ രഥയാത്ര നടത്തുമ്പോൾ അവർ മനോഹരമായ ഒരു ശ്രീരാമ ഭജൻ റെക്കോർഡു ചെയ്‌ത് എനിക്ക് അയച്ച് തന്നത് ഞാൻ ഓർക്കുന്നു. അവിസ്മരണീയമായ ആ ഗാനം രഥയാത്രയിൽ ഉടനീളം മുഴങ്ങി കേട്ടു' -അദ്വാനി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.