മൊഗാദിഷു: സോമാലിയൻ കടൽക്കൊള്ളക്കാർ തട്ടിക്കൊണ്ടുപോയ ഇന്ത്യൻ ചരക്കുകപ്പൽ മോചിപ്പിച്ചു. 'അൽ കൗസർ' എന്ന കപ്പലാണ് സോമാലിയൻ സുരക്ഷ സേന മോചിപ്പിച്ചത്. അതേസമയം, കപ്പലിലുണ്ടായിരുന്ന പതിനൊന്നു ജീവനക്കാരിൽ ഒൻപതുപേരെയും കൊള്ളക്കാർ തങ്ങൾക്കൊപ്പം സങ്കേതത്തിലേക്കു കൊണ്ടുപോയെന്നും അധികൃതർ പറഞ്ഞു.
ഈമാസം ആദ്യമാണ് യെമനിൽനിന്നു ദുബൈയിലേക്കു പോകുകയായിരുന്ന അൽ കൗസർ എന്ന ഇന്ത്യൻ ചരക്കു കപ്പൽ സൊമാലിയൻ കടൽക്കൊള്ളക്കാർ തട്ടിയെടുത്തത്. മുംബൈ സ്വദേശികളാണ് കപ്പലിലുണ്ടായിരുന്നത്. ആയുധധാരികളായ ഒരു സംഘം കടൽക്കൊള്ളക്കാർ കപ്പൽ ആക്രമിച്ചെന്ന വാർത്ത ക്യാപ്റ്റനാണ് ദുബൈയിലെ ഓഫിസിൽ അറിയിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.