(പ്രതീകാത്മക ചിത്രം)
ലഖ്നോ: സർക്കാർ ആശുപത്രിയിൽ കയറി മൃതദേഹത്തിൽനിന്ന് കണ്ണുകൾ കടിച്ചെടുത്ത് തെരുവ് നായ് കൂട്ടം. ഉത്തർ പ്രദേശിലെ അയോധ്യയിൽ സർക്കാർ ആശുപത്രിയിലാണ് ഞെട്ടിക്കുന്ന സംഭവം.
ആശുപത്രി വളപ്പിൽ ആളില്ലാതെ കിടക്കുകയായിരുന്നു മൃതദേഹം. സംഭവം കണ്ട പരിസരത്തുണ്ടായിരുന്ന നാട്ടുകാർ നായ്ക്കളെ ഓടിക്കുകയും പൊലീസിനെയും ആശുപത്രി അധികൃതരെയും വിവരം അറിയിക്കുകയായിരുന്നു.
സംഭവത്തിന്‍റെ ദൃശ്യങ്ങളും പുറത്തുവന്നിട്ടുണ്ട്. ഒരു വാർഡിലെ മതിലിന് സമീപം മൃതദേഹം കിടക്കുന്നത് വീഡിയോയിൽ കാണാം.
സംഭവം നടന്നതായി അയോധ്യ ചീഫ് മെഡിക്കൽ ഓഫീസർ അജയ് കുമാർ രാജ സമ്മതിച്ചിട്ടുണ്ട്. മാനസിക വെല്ലുവിളി നേരിട്ടിരുന്ന ആശുപത്രി പരിസരത്ത് സ്ഥിരം കറങ്ങി നടക്കാറുണ്ടായിരുന്ന ആളുടെ മൃതദേഹമാണിതെന്ന് അദ്ദേഹം പറഞ്ഞു.
ഇയാൾ ദിവസങ്ങൾക്ക് മുമ്പ് ആശുപത്രി വിട്ടതായിരുന്നെന്ന് അയോധ്യ ജില്ല ആശുപത്രി ചീഫ് മെഡിക്കൽ സൂപ്രണ്ട് ത്രിപാഠിയും പ്രതികരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.