മണിപ്പൂരിൽ അറസ്റ്റിലായവർ ഭീഷണിപ്പെടുത്തി പണം തട്ടുന്ന സംഘമെന്ന് പൊലീസ്

ന്യൂ​ഡ​ൽ​ഹി/​ഇം​ഫാ​ൽ: ഭീ​ഷ​ണി​പ്പെ​ടു​ത്തി പ​ണം ത​ട്ടി​യെ​ടു​ക്കു​ന്ന സം​ഘ​ത്തി​ലെ അ​ഞ്ചു​പേ​രെ​യാ​ണ് ഞാ​യ​റാ​ഴ് അ​റ​സ്റ്റ്ചെ​യ്ത​തെ​ന്ന് മ​ണി​പ്പൂ​ർ പൊ​ലീ​സ് അ​റി​യി​ച്ചു. പൊ​ലീ​സ് ആ​യു​ധ​ശാ​ല​യി​ൽ​നി​ന്ന് കൊ​ള്ള​യ​ടി​ച്ച എ.​കെ47 തോ​ക്കു​ക​ൾ ഉ​ൾ​പ്പെ​ടെ​യു​ള്ള ആ​യു​ധ​ങ്ങ​ൾ കൈ​യി​ലേ​ന്തി​യാ​ണ് ഇ​വ​ർ ജ​ന​ങ്ങ​ളെ ഭീ​ഷ​ണി​പ്പെ​ടു​ത്തി പ​ണം പി​ടി​ച്ചു​പ​റി​ക്കു​ന്ന​ത്. യു.​എ.​പി.​എ നി​യ​മ​പ്ര​കാ​രം നി​രോ​ധി​ക്ക​പ്പെ​ട്ട കാം​ഗ്ലീ​പാ​ക്ക് ക​മ്യൂ​ണി​സ്റ്റ് പാ​ർ​ട്ടി (കെ.​സി.​പി) ന്യോ​ൺ ഗ്രൂ​പ്പി​ലെ അം​ഗ​മെ​ന്ന് സം​ശ​യി​ക്കു​ന്ന എം. ​ആ​ന​ന്ദ്സി​ങ് (45) ഉ​ൾ​പ്പെ​ടെ​യു​ള്ള​വ​രാ​ണ് പി​ടി​യി​ലാ​യ​ത്. ആ​ന​ന്ദ്സി​ങ് ദേ​ശ​സു​ര​ക്ഷ നി​യ​മ​​പ്ര​കാ​രം ഉ​ൾ​പ്പെ​ടെ ആ​റു​ത​വ​ണ ജ​യി​ലി​ലാ​യി​ട്ടു​ണ്ടെ​ന്ന് അ​ധി​കൃ​ത​ർ അ​റി​യി​ച്ചു.

പൊ​ലീ​സ് യൂ​നി​ഫോം ദു​രു​പ​യോ​ഗം ചെ​യ്താ​ൽ ക​ർ​ശ​ന ന​ട​പ​ടി​യെ​ടു​ക്കു​മെ​ന്ന് മ​ണി​പ്പൂ​ർ പൊ​ലീ​സ് ആ​വ​ർ​ത്തി​ച്ചു. ക​ലാ​പ​കാ​രി​ക​ൾ പൊ​ലീ​സ് യൂ​നി​ഫോം ധ​രി​ക്കു​ന്നു​വെ​ന്ന റി​പ്പോ​ർ​ട്ടി​നെ​ത്തു​ട​ർ​ന്ന് ജൂ​ലൈ​യി​ൽ പൊ​ലീ​സ് മു​ന്ന​റി​യി​പ്പ് ന​ൽ​കി​യി​രു​ന്നു. പൊ​ലീ​സ് യൂ​നി​ഫോ​മി​ലെ​ത്തി​യ ആ​യു​ധ​ധാ​രി​ക​ളാ​യ സം​ഘ​മാ​ണ് ഒ​രാ​ഴ്ച​മു​മ്പ് മൂ​ന്ന് ആ​ദി​വാ​സി​ക​ളെ കൊ​ല​പ്പെ​ടു​ത്തി​യ​ത്. ഇ​തേ​തു​ട​ർ​ന്ന് പ​രി​ശോ​ധ​ന ശ​ക്ത​മാ​ക്കി​യി​രു​ന്നു.

അ​തേ​സ​മ​യം, ആ​യു​ധ​ങ്ങ​ളു​മാ​യി അ​റ​സ്റ്റി​ലാ​യ അ​ഞ്ചു​പേ​രെ വി​ട്ട​യ​ക്ക​ണ​മെ​ന്നാ​വ​ശ്യ​പ്പെ​ട്ട് മെ​യ്തേ​യി വ​നി​ത​ക​ളു​ടെ കൂ​ട്ടാ​യ്മ​യാ​യ മീ​ര പെ​യ്ബി​യും അ​ഞ്ച് പ്രാ​ദേ​ശി​ക ക്ല​ബു​ക​ളും ആ​ഹ്വാ​നം​ചെ​യ്ത 48 മ​ണി​ക്കൂ​ർ ബ​ന്ദ് ഇം​ഫാ​ൽ താ​ഴ്വ​ര​യി​ലെ ജി​ല്ല​ക​ളി​ൽ ജ​ന​ജീ​വി​ത​ത്തെ ബാ​ധി​ച്ചു.

വ്യാ​പാ​ര സ്ഥാ​പ​ന​ങ്ങ​ൾ അ​ട​ഞ്ഞു​കി​ട​ന്നു. കു​റ​ച്ച് വാ​ഹ​ന​ങ്ങ​ൾ മാ​ത്ര​മാ​ണ് ഓ​ടി​യ​ത്. ബ​ന്ദി​നെ​ത്തു​ട​ർ​ന്ന് ചൊ​വ്വാ​ഴ്ച​യി​ലെ 10ാം ക്ലാ​സ് പ​രീ​ക്ഷ മാ​റ്റി​വെ​ച്ചു. ഇ​വ​രെ വി​ട്ട​യ​ക്ക​ണ​മെ​ന്നാ​വ​ശ്യ​പ്പെ​ട്ട് മെ​യ്തേ​യ് വ​നി​ത​ക​ളു​ടെ കൂ​ട്ടാ​യ്മ തി​ങ്ക​ളാ​ഴ്ച പ്ര​ധാ​ന ​പാ​ത​ക​ൾ ഉ​പ​രോ​ധി​ച്ചി​രു​ന്നു.