വിദ്യാർഥിയുടെ മുഖത്തടിപ്പിച്ച സംഭവം; നടുക്കവും രോഷവും പ്രകടിപ്പിച്ച് രാജ്യം

 മു​സ്‍ലിം കു​ട്ടി​യെ സ​ഹ​പാ​ഠി​ക​ളെ​ക്കൊ​ണ്ട് മു​ഖ​ത്ത​ടി​പ്പി​ക്കു​ക​യും അ​ധി​ക്ഷേ​പി​ക്കു​ക​യും ചെ​യ്ത സംഭവത്തിൽ രാജ്യവ്യാപക ​പ്രതിഷേധം. അധ്യാപികയുടെ നടപടിക്കെതിരെ രാഷ്ട്രീയ നേതാക്കളും ചലച്ചിത്ര താരങ്ങളും ഉൾപ്പെടെ രംഗത്തുവന്നു.

ഇ​തി​ലും മോ​ശം ഒ​രു അ​ധ്യാ​പി​ക​ക്ക് ചെ​യ്യാ​നി​ല്ല -രാ​ഹു​ൽ ഗാന്ധി

ഈ ​രാ​ജ്യ​ത്തി​നാ​യി ഇ​തി​ലും മോ​ശ​പ്പെ​ട്ട​ത് ഒ​രു അ​ധ്യാ​പി​ക​ക്ക് ഇ​നി ചെ​യ്യാ​നി​ല്ലെ​ന്ന് കോ​ൺ​ഗ്ര​സ് നേ​താ​വും എം.​പി​യു​മാ​യ രാ​ഹു​ൽ ഗാ​ന്ധി. സ്കൂ​ളി​നെ​പ്പോ​ലൊ​രു വി​ശു​ദ്ധ​മാ​യ ഇ​ട​ത്തെ വി​ദ്വേ​ഷ​​ത്തി​ന്റെ ച​ന്ത​യാ​ക്കി അ​ധ്യാ​പി​ക മാ​റ്റി. വി​വേ​ച​ന​ത്തി​ന്റെ വി​ഷം നി​ഷ്‍ക​ള​ങ്ക​രാ​യ കു​ഞ്ഞു​മ​ന​സ്സു​ക​ളി​ൽ വി​ത​ക്കു​ക​യാ​ണ് അ​വ​ർ ചെ​യ്ത​ത്.

രാ​ജ്യ​ത്തി​ന്റെ മു​ക്കി​ലും മൂ​ല​യി​ലും ബി.​ജെ.​പി ഒ​ഴി​ച്ച അ​തേ മ​ണ്ണെ​ണ്ണ​ക്കാ​ണ് തീ​പി​ടി​ച്ചു​കൊ​ണ്ടി​രി​ക്കു​ന്ന​ത്. ഭാ​ര​ത​ത്തി​ന്റെ ഭാ​വി​യാ​യ കു​ട്ടി​ക​ൾ​ക്ക് വി​ദ്വേ​ഷ​മ​ല്ല, എ​ല്ലാ​വ​രെ​യും കൂ​ട്ടി​പ്പി​ടി​ച്ചു​ള്ള സ്നേ​ഹ​മാ​ണ് പ​ഠി​പ്പി​ക്കേ​ണ്ട​തെ​ന്നും രാ​ഹു​ൽ ആ​വ​ശ്യ​പ്പെ​ട്ടു.

തൃ​പ്ത ത്യാ​ഗി​യെ ശി​ക്ഷി​ക്കാ​ൻ അ​ധ്യാ​പ​ക​ർ ശ​ബ്ദ​മു​യ​ർ​ത്ത​ണം -അ​ഖി​ലേ​ഷ്

ബി.​ജെ.​പി സ​ർ​ക്കാ​റി​ന്റെ വി​ദ്വേ​ഷ അ​ജ​ണ്ട എ​ന്തു​മാ​ത്രം യാ​ഥാ​ർ​ഥ്യ​മാ​യെ​ന്ന് ജി 20 ​ഉ​ച്ച​​കോ​ടി​യി​ൽ കാ​ണി​ക്കാ​ൻ അ​ധ്യാ​പി​ക​യു​ടെ വി​ഡി​യോ ഉ​പ​ക​രി​ക്കു​മെ​ന്ന് യു.​പി മു​ൻ മു​ഖ്യ​മ​ന്ത്രി​യും സ​മാ​ജ്‍വാ​ദി പാ​ർ​ട്ടി നേ​താ​വു​മാ​യ അ​ഖി​ലേ​ഷ് യാ​ദ​വ്. വി​ദ്യാ​ർ​ഥി​യെ ആ​ക്ര​മി​ക്കു​ക​യും മ​റ്റു​ള്ള​വ​രെ​ക്കൊ​ണ്ട് അ​ക്ര​മം ന​ട​ത്തി​ക്കു​ക​യും ചെ​യ്ത ഇ​ര​ട്ട​ക്കു​റ്റ​മാ​ണ് അ​ധ്യാ​പി​ക ചെ​യ്ത​ത്.

ക​ഴി​ഞ്ഞ ഒ​മ്പ​തു​വ​ർ​ഷം കൊ​ണ്ട് രാ​ജ്യ​ത്ത് ഉ​ൽ​പാ​ദി​പ്പി​ക്ക​പ്പെ​ട്ട വി​ദ്വേ​ഷ​ത്തി​ന്റെ അ​ന​ന്ത​ര ഫ​ല​മാ​ണ് സം​ഭ​വ​മെ​ന്ന് എ.​ഐ.​എം.​ഐ.​എം നേ​താ​വ് അ​സ​ദു​ദ്ദീ​ൻ ഉ​വൈ​സി പ്ര​തി​ക​രി​ച്ചു.

‘അ​ഴി​ക്കു​ള്ളി​ലാ​ക്കു​മോ അ​വാ​ർ​ഡ് ന​ൽ​കു​മോ?’

മു​സ്‍ലിം വി​ദ്യാ​ർ​ഥി​യെ സ​ഹ​പാ​ഠി​ക​ളെ​ക്കൊ​ണ്ട് ത​ല്ലി​ച്ച അ​ധ്യാ​പി​ക​യെ ജ​യി​ലി​ല​ട​ക്കു​മോ അ​തേ ദേ​ശീ​യോ​ദ്ഗ്ര​ഥ​നം പ്രോ​ത്സാ​ഹി​പ്പി​ച്ച​തി​നു​ള്ള ദേ​ശീ​യ അ​വാ​ർ​ഡ് ന​ൽ​കു​മോ എ​ന്ന് പ്ര​മു​ഖ ന​ടി രേ​ണു​ക സ​ഹാ​നെ ചോ​ദി​ച്ചു. ച​ല​ച്ചി​ത്ര താ​ര​ങ്ങ​ളാ​യ ഊ​ർ​മി​ള മ​​ന്ദോ​ദ്ക​റും സ്വ​ര ഭാ​സ്ക​റും അ​പ​ല​പി​ച്ച് ട്വീ​റ്റ് ചെ​യ്തു.

‘ഏ​തു​ത​രം ക്ലാ​സ് മു​റി​യാ​ണ് നാം ​ഭാ​വി ത​ല​മു​റ​ക്ക് ന​ൽ​കു​ന്ന​ത് ?

ഭാ​വി​ത​ല​മു​റ​ക്ക് ഏ​തു​ത​രം സ​മൂ​ഹ​വും ക്ലാ​സ് മു​റി​യു​മാ​ണ് നാം ​ന​ൽ​കാ​നാ​ഗ്ര​ഹി​ക്കു​ന്ന​തെ​ന്ന് പ്രി​യ​ങ്ക ഗാ​ന്ധി ചോ​ദി​ച്ചു. ച​​ന്ദ്ര​നി​ലേ​ക്ക് പോ​കു​ന്ന സാ​​ങ്കേ​തി​ക വി​ദ്യ പ​ക​ർ​ന്നു​കൊ​ടു​ക്കേ​ണ്ട ഇ​ട​ത്തി​ൽ വി​​ദ്വേ​ഷ​ത്തി​ന്റെ ചു​റ്റു​മ​തി​ൽ കെ​ട്ടു​ന്ന കാ​ര്യ​ങ്ങ​ളാ​ണ് സം​സാ​രി​ക്കു​ന്ന​ത്. വി​ദ്വേ​ഷ​മാ​ണ് പു​രോ​ഗ​തി​യു​ടെ ഏ​റ്റ​വും വ​ലി​യ ശ​ത്രു​വെ​ന്ന് പ്രി​യ​ങ്ക ഓ​ർ​മി​പ്പി​ച്ചു.

വി​ഡി​യോ നീ​ക്കി​യാ​ൽ യാ​ഥാ​ർ​ഥ്യം മാ​റി​ല്ല -റാ​ണ അ​യ്യൂ​ബ്

ഇ​ന്റ​ർ​നെ​റ്റി​ൽ​നി​ന്ന് വി​ഡി​യോ നീ​ക്കി​യ​തു​കൊ​ണ്ട് യാ​ഥാ​ർ​ഥ്യം മാ​റി​ല്ലെ​ന്ന് പ്ര​മു​ഖ മാ​ധ്യ​മ പ്ര​വ​ർ​ത്ത​ക റാ​ണ അ​യ്യൂ​ബ് പ്ര​തി​ക​രി​ച്ചു. ക​മീ​ഷ​ൻ പ​റ​ഞ്ഞ​പോ​ലെ താ​ൻ വി​ഡി​യോ മാ​യ്ച്ചു​വെ​ന്നും അ​ടി​യേ​റ്റ കു​ട്ടി​ക്ക് എ​ന്ത് നീ​തി​യാ​ണ് ല​ഭി​ക്കു​ന്ന​തെ​ന്ന​റി​യാ​ൻ കാ​ത്തി​രി​ക്കു​ക​യാ​ണെ​ന്നും അ​വ​ർ പ​റ​ഞ്ഞു.