സഞ്ജയ് റാവുത്ത്
മുംബൈ: പത്ര ചൗൾ ഭൂമി കേസിൽ ശിവസേന നേതാവ് സഞ്ജയ് റാവുത്തിനെ ഇ.ഡി അറസ്റ്റ് ചെയ്തതിനെ പരിഹസിച്ച് ബി.ജെ.പി നേതാവ് രാം കദം. ഇ.ഡി അറസ്റ്റ് റാവുത്തിന് ദൈവം നൽകിയ ശിക്ഷയാണെന്ന് രാം കദം ട്വീറ്റ് ചെയ്തു.
മറ്റുള്ളവരുടെ വീട് നിന്ന് കത്തുന്നത് കാണാൻ ആഗ്രഹിച്ചവർക്ക് ഇപ്പോൾ സ്വന്തം വീട് കത്തുന്നത് കണ്ടു നിൽക്കേണ്ട അവസ്ഥയാണ്. ഇത് അദ്ദേഹത്തിന് ദൈവം നൽകിയ ശിക്ഷയാണ്- രാം കദം പറഞ്ഞു. തീ കൊണ്ടുള്ള കളി വളരെ അപകടമാണ്. പുതിയ ഇന്ത്യയുടെ പുതിയ നിയമമാണിതെന്നും അത് ജനാധിപത്യത്തിന്‍റെ ശക്തിയാണെന്നും അദ്ദേഹം കൂട്ടിച്ചേർത്തു.
കേന്ദ്ര ഏജൻസിയെ ഉപയോഗിച്ച് ശിവസേനയെ ദുർബലപ്പെടുത്തുക എന്ന ലക്ഷ്യത്തോടെ തനിക്കെതിരെ കള്ള കേസ് കെട്ടിച്ചമച്ചതാമെന്ന് സഞ്ജയ് റാവുത്ത് ഞായറാഴ്ച അവകാശപ്പെട്ടിരുന്നു. ഭൂമി ഇടപാട് കേസുമായി ബന്ധപ്പെട്ട് മണിക്കൂറുകൾ നീണ്ട ചോദ്യം ചെയ്യലിനൊടുവിൽ ഇന്നലെ അർധരാത്രിയോടെയാണ് അദ്ദേഹത്തെ ഇ.ഡി അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.