ന്യൂഡൽഹി: നിർത്താതെ കരഞ്ഞതിന് 25 ദിവസം പ്രായമായ കുഞ്ഞിനെ അമ്മ വാഹനത്തിൽ നിന്ന് അഴുക്കുചാലിലേക്ക് എറിഞ്ഞ് കൊന്നു. ഡൽഹി വിനോദ് നഗറിലാണ് സംഭവം. തുടർച്ചയായി കരയാൻ ആരംഭിച്ച പെൺകുഞ്ഞിനെ മാലിന്യ കൂമ്പാരത്തിലേക്ക് അമ്മ വലിച്ചെറിയുകയായിരുന്നു. കേസിൽ കുട്ടിയുടെ അമ്മ നേഹയെ പൊലീസ് അറസ്റ്റ് ചെയ്തു. ഇവർ പൊലീസിനോട് കുറ്റം സമ്മതിച്ചിട്ടുണ്ട്.
കുഞ്ഞിനെ കാണാനില്ലെന്ന കുടുംബത്തിൻെറ പരാതിയെ തുടർന്ന് പൊലീസ് അന്വേഷണം നടത്തുകയായിരുന്നു. കുട്ടിയെ ആരോ തട്ടിക്കൊണ്ടു പോയെന്നായിരുന്നു കുടുംബം കരുതിയിരുന്നത്. എന്നാൽ യുവതി വാഹനത്തിൽ നിന്നും എന്തോ വലിച്ചെറിയുന്നത് കണ്ടതായി ഒരാൾ പൊലീസിന് മൊഴി നൽകുകയായിരുന്നു. ഇതിൻറെ അടിസ്ഥാനത്തിൽ പൊലീസ് യുവതിയെ കസ്റ്റഡിയിലെടുത്ത് ചോദ്യം ചെയ്തപ്പോഴാണ് യുവതി കുറ്റം സമ്മതിച്ചത്. തുടർന്ന് പൊലീസ് മാലിന്യക്കുഴിയിൽ എത്തി കുട്ടിയെ കണ്ടെത്തുമ്പോൾ കുട്ടിക്ക് ജീവനുണ്ടായിരുന്നു. എന്നാൽ ആശുപത്രിയിൽ വെച്ച് കുഞ്ഞ് മരണപ്പെടുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.