ന്യൂഡൽഹി: മധ്യപ്രദേശിലെ ഗുണയിൽ ട്രക്ക് ബസുമായി കൂട്ടിയിടിച്ചുണ്ടായ അപകടത്തിൽ എട്ട് അന്തർ സംസ്ഥാന തൊഴിലാളികൾ മരിച്ചു. 50 പേർക്ക് പരിക്കേറ്റിട്ടുണ്ട്. ബുധനാഴ്ച രാത്രിയിലാണ് സംഭവം.
തൊഴിലാളികൾ മഹാരാഷ്ട്രയിൽ നിന്ന് തങ്ങളുടെ സംസ്ഥാനമായ ഉത്തർപ്രദേശിലേക്ക് ട്രക്കിൽ യാത്ര ചെയ്യവെ ഗുണയിൽ വെച്ച് ബസുമായി കൂട്ടിയിടിക്കുകയായിരുന്നു. പരിക്കേറ്റവരെ തൊട്ടടുത്ത ജില്ല ആശുപത്രിയിൽ പ്രവേശിപ്പിച്ചു.
അതേസമയം ഉത്തർപ്രദേശിലെ മുസാഫർനഗറിൽ ബുധനാഴ്ച രാത്രിയിലുണ്ടായ മറ്റൊരു അപകടത്തിൽ ആറ് അന്തർ സംസ്ഥാന തൊഴിലാളികൾക്കും ജീവൻ നഷ്ടമായി. നാല് പേർക്ക് പരിക്കേൽക്കുകയും ചെയ്തിട്ടുണ്ട്. തൊഴിലാളികൾ യു.പിയിൽ നിന്ന് കാൽനടയായി തങ്ങളുടെ സംസ്ഥാനമായ ബിഹാറിലേക്ക് പോകവെ നിയന്ത്രണം വിട്ട ബസ് ഇവരെ ഇടിച്ചിടുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.