ന്യൂഡൽഹി: 2019ലെ പൊതു തെരഞ്ഞെടുപ്പിൽ ബി.ജെ.പിയുടെ സീറ്റ് കുറയുമെന്ന് ആർ.പി.െഎ നേതാവും കേന്ദ്രമന്ത്രിയുമായ രാമദാസ് അത്വാല. ബി.ജെ.പിയുടെ സീറ്റിൽ 30 മുതൽ 40 എണ്ണത്തിെൻറ വരെ കുറവുണ്ടാകുമെന്നാണ് പ്രവചനം. എങ്കിലും എൻ.ഡി.എ അധികാരം നിലനിർത്തുമെന്നും അദ്ദേഹം പറഞ്ഞു.
പാട്ടീദാർ നേതാവ് ഹാർദിക് പേട്ടലും ബി.ജെ.പിയും തമ്മിലുള്ള പ്രശ്നം പരിഹരിക്കാൻ ഇടനിലക്കാരനാവാനും തയാറാണെന്ന് രാമദാസ് അത്വാല വ്യക്തമാക്കി. പാട്ടീദാർ പ്രശ്നം പരിഹരിച്ചില്ലെങ്കിൽ ബി.ജെ.പിക്ക് അത് രണ്ട് മുതൽ മൂന്ന് ലോക്സഭ സീറ്റുകൾ നഷ്ടമാക്കുന്നതിന് ഇടയാക്കും. പ്രശ്നപരിഹാരത്തിനായി ഹാർദിക് പേട്ടലുമായി ഫോണിൽ സംസാരിച്ചുവെന്നും അദ്ദേഹം പറഞ്ഞു.
പാട്ടീദാർ പ്രശ്നം പ്രധാനമന്ത്രി നരേന്ദ്രമോദിയുമായി ചർച്ച ചെയ്തിട്ടുണ്ട്. എൻ.ഡി.എയിലെ മറ്റ് പാർട്ടികളുമായി ഇക്കാര്യത്തിൽ ആശയവിനിമയം ആവശ്യമാണെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.