ന്യൂഡൽഹി: ഡൽഹിയിലെ സർക്കാർ സ്കൂളിൽ വിരമിക്കുന്ന ദിവസം വൈസ് പ്രിൻസിപ്പലിന് സസ്പെൻഷൻ. അഴിമതിക്കുറ്റം ആരോപിച്ചാണ് പ്രിൻസിപ്പലിനെ സസ്പെൻഡ് ചെയ്തത്. വെള്ളിയാഴ്ചയായിരുന്നു ഡൽഹി വിദ്യഭ്യാസ വകുപ്പ് പ്രിൻസിപ്പലിനെ സസ്പെൻഡ് ചെയ്തത്.
മായൂർ വിഹാറിലെ സർവോദയ കന്യാ വിദ്യാലയത്തിലെ വൈസ് പ്രിൻസിപ്പലായ ഗോമതി ദേവിയാണ് സസ്പെൻഷൻ നടപടി േനരിട്ടത്. സ്കുളിലെ 20 അധ്യാപകർക്ക് അനുവദിച്ച ടീച്ചേഴ്സ് ഗ്രാൻഡിൽ അഴിമതി നടത്തിയെന്നാണ് ഗോമതിക്കെതിരായ ആരോപണം. ഒാരോ അധ്യാപകർക്കും 500 രൂപയാണ് ഗ്രാൻഡായി നൽകിയത്. ഇതിൽ 350 രൂപ മാത്രമേ വൈസ് പ്രിൻസിപ്പൽ അധ്യാപകർക്ക് കൈമാറിയുള്ളു.
പിന്നീട് വിദ്യാഭ്യാസ വകുപ്പ് നടത്തിയ അന്വേഷണത്തിനൊടുവിലാണ് വൈസ് പ്രിൻസിപ്പൽ അഴിമതി നടത്തിയ വിവരം പുറത്തറിഞ്ഞത്. തുടർന്ന് സർവീസിലെ അവസാന ദിവസം അധ്യാപികക്ക് സസ്പെൻഷൻ നൽകാൻ വിദ്യഭ്യാസ വകുപ്പ് തീരുമാനിക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.