കൊൽക്കത്ത: പശ്ചിമ ബംഗാളിൽ ആൽമരത്തെ മകനെ പോലെ വളർത്തി വിവാഹം കഴിപ്പിച്ച് സ്ത്രീ. ബംഗാളിലെ പുർബ ബർധമാനിലെ മെമാരിയിലാണ് വിചിത്ര സംഭവം. രേഖാ ദേവിയാണ് സ്വന്തം കുഞ്ഞിനെ പോലെ ആൽമരത്തെ നോക്കി വളർത്തിയത്. മരം വളർന്ന് പന്തലിച്ചതോടെ രേഖ ദേവി ആൽമരത്തിന്റെ വിവാഹം നടത്തുകയായിരുന്നുവെന്ന് ദേശീയ മാധ്യമങ്ങൾ റിപ്പോർട്ട് ചെയ്തു.
വിവാഹിതരായ രണ്ട് പെൺകുട്ടികളുള്ള രേഖാ ദേവി ആൽമരത്തിന്റെ വിവാഹം നടത്തണമെന്ന് പലപ്പോഴായി ഭർത്താവിനോട് ആവശ്യപ്പെട്ടിരുന്നു. എന്നാൽ ആഗ്രഹം സാധിപ്പിക്കാതെ ഭർത്താവ് മരിച്ചു. ശേഷം തന്റെ ആഗ്രഹം സാക്ഷാത്കരിക്കാൻ രേഖാ ദേവി മുൻകൈ എടുക്കുകയും വിവാഹം നടത്തുകയുമായിരുന്നു. മകന്റെ വിവാഹം നടത്തണമെന്ന പിതാവിന്റെ ആഗ്രഹമാണ് ഇതോടെ സാധ്യമായത്- രേഖാ ദേവി മാധ്യമങ്ങളോട് പറഞ്ഞു.
പെൺമക്കളുടെ വിവാഹം നടത്തിയതു പോലെ നാട്ടുകരാരെയും സുഹൃത്തുക്കളെയും ചടങ്ങിലേക്ക് ക്ഷണിച്ചിരുന്നു. നാട്ടുകാരുടെ സഹായത്തോടെ നടന്ന വിവാഹത്തിൽ പുരോഹിതനും ചടങ്ങുകളും ഉണ്ടായിരുന്നു. പ്രദേശത്തെ നിരവധി പേരാണ് ഈ ചടങ്ങിൽ പങ്കെടുത്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.