നേമം പോ​രാ​ട്ടം വ​ർ​ഗീ​യതക്കെ​തി​രെ​; ബി.​ജെ.​പി -​സി.​പി.​എം ഗൂ​ഢാ​ലോ​ച​ന​ പൊളിക്കും -കെ. മുരളീധരൻ

നേമം മണ്ഡലത്തിലെ യു.ഡി.എഫ്​ സ്​ഥാനാർഥി കെ. മുരളീധരൻ 'മാധ്യമ'ത്തിന്​ നൽകിയ അഭിമുഖം

? എ​ന്തു​കൊ​ണ്ട്​ നേ​മം വെ​ല്ലു​വി​ളി ഏ​റ്റെ​ടു​ക്കാ​ൻ തീ​രു​മാ​നി​ച്ചു?

ക​ഴി​ഞ്ഞ ത​വ​ണ യു.​ഡി.​എ​ഫി​െൻറ നേ​മ​ത്തെ ദ​യ​നീ​യ പ്ര​ക​ട​നം മു​ന്ന​ണി​ക്കും കോ​ൺ​ഗ്ര​സി​നും ഒ​രു​പാ​ട്​ ചീ​ത്ത​പ്പേ​രു​ണ്ടാ​ക്കി. വോ​ട്ട്​ ബി.​ജെ.​പി​ക്ക്​ മ​റി​ച്ചു​കൊ​ടു​ത്തി​ട്ടാ​ണ്​ ഒ. ​രാ​ജ​ഗോ​പാ​ൽ ജ​യി​ച്ച​തെ​ന്ന്​ ദു​ഷ്​​പേ​രു​ണ്ടാ​യി. മാ​ത്ര​മ​ല്ല, നേ​മം വെ​ച്ച്​ ബി.​ജെ.​പി​യു​മാ​യി ര​ഹ​സ്യ​ധാ​ര​ണ​യി​ലാ​ണ്​ യു.​ഡി.​എ​ഫ്​ എ​ന്ന പ്ര​ചാ​ര​ണം എ​ൽ.​ഡി.​എ​ഫ്​ അ​ഞ്ചു വ​ർ​ഷ​മാ​യി വ്യാ​പ​ക​മാ​യി ന​ട​ത്തി​ക്കൊ​ണ്ടി​രി​ക്കു​ന്നു. അ​തു ര​ണ്ടും പൊ​ളി​ക്കു​ക മാ​ത്ര​മ​ല്ല നേ​മ​ത്തെ മ​ത്സ​ര​ത്തി​ലൂ​ടെ ചെ​യ്യു​ന്ന​ത്. ബി.​ജെ.​പി ക​ഴി​ഞ്ഞ ത​വ​ണ ജ​യി​ച്ച മ​ണ്ഡ​ല​ത്തി​ൽ പാ​ർ​ട്ടി​യു​ടെ​യും മു​ന്ന​ണി​യു​ടെ​യും പോ​രാ​ട്ടം വ​ർ​ഗീ​യ ക​ക്ഷി​ക​ൾ​ക്കെ​തി​രെ​യാ​ണ്. അ​തി​ൽ ജ​യി​ക്കാ​നാ​ണ്​ പാ​ർ​ട്ടി എ​ന്നെ ചു​മ​ത​ല​പ്പെ​ടു​ത്തി​യ​ത്.

? വ​ട്ടി​യൂ​ർ​ക്കാ​വി​ൽ നി​ന്ന്​ വ​ട​ക​ര, വ​ട​ക​ര​യി​ൽ നി​ന്ന്​ നേ​മം. മ​റ്റാ​രു​മി​ല്ലേ പാ​ർ​ട്ടി​യി​ൽ?

അ​ത​ങ്ങ​നെ​യ​ല്ല. അ​ക്ര​മ രാ​ഷ്​​ട്രീ​യ​ത്തി​നെ​തി​രാ​യ വെ​ല്ലു​വി​ളി​യാ​ണ്​ ക​ഴി​ഞ്ഞ ലോ​ക്​​സ​ഭ തെ​ര​ഞ്ഞെ​ടു​പ്പി​ൽ ഏ​റ്റെ​ടു​ക്കേ​ണ്ടി​യി​രു​ന്ന​ത്. ഞാ​ൻ മാ​ത്ര​മ​ല്ല, വേ​റെ​യും എം.​എ​ൽ.​എ​മാ​ർ മ​ത്സ​രി​ച്ചു. നേ​മ​ത്ത്​ വ​ർ​ഗീ​യ ശ​ക്​​തി​ക​ളെ​യാ​ണ്​ നേ​രി​ടേ​ണ്ട​ത്. സം​സ്​​ഥാ​ന ത​ല​ത്തി​ൽ അ​റി​യ​പ്പെ​ടു​ന്ന നേ​താ​ക്ക​ളി​ൽ ആ​രെ​ങ്കി​ലും നേ​മ​ത്ത്​ മ​ത്സ​രി​ച്ച്​ എ​ൽ.​ഡി.​എ​ഫ്​ പ്ര​ചാ​ര​ണ​ത്തി​െൻറ മു​ന​യൊ​ടി​ക്ക​ണ​മെ​ന്നും പാ​ർ​ട്ടി​യും മു​ന്ന​ണി​യും തീ​രു​മാ​നി​ച്ചി​രു​ന്നു. അ​ത​നു​സ​രി​ച്ച്​ പ​ല​രെ പ​രി​ഗ​ണി​ച്ച കൂ​ട്ട​ത്തി​ലാ​ണ്​ എ​ന്നെ​യും പ​രി​ഗ​ണി​ച്ച​ത്. മ​റ്റൊ​രു കാ​ര​ണം കൂ​ടി​യു​ണ്ട്. നേ​മ​ത്തോ​ട്​ ചേ​ർ​ന്നു​കി​ട​ക്കു​ന്ന മ​ണ്ഡ​ല​മാ​ണ്​ വ​ട്ടി​യൂ​ർ​ക്കാ​വ്. അ​വി​ടെ എ​ട്ടു വ​ർ​ഷം പ്ര​വ​ർ​ത്തി​ച്ച സ​മ​യ​ത്ത്​ നേ​മ​ത്തെ പ​ല കാ​ര്യ​ങ്ങ​ളി​ലും സം​ഘ​ട​നാ വി​ഷ​യ​ങ്ങ​ളി​ലു​മൊ​ക്കെ പ​ങ്കു​ചേ​രാ​ൻ എ​നി​ക്ക്​ ക​ഴി​ഞ്ഞി​ട്ടു​ണ്ട്. മ​ണ്ഡ​ല​വു​മാ​യി പ​രി​ച​യ​മു​ള്ള വ്യ​ക്​​തി എ​ന്ന നി​ല​യി​ൽ മു​ൻ​ഗ​ണ​ന​യും ല​ഭി​ച്ചു.

? എ​ന്തു​കൊ​ണ്ട്​ ഉ​മ്മ​ൻ ചാ​ണ്ടി വ​ന്നി​ല്ല?

ഉ​മ്മ​ൻ ചാ​ണ്ടി പു​തു​പ്പ​ള്ളി​യു​ടെ അ​വി​ഭാ​ജ്യ ഘ​ട​ക​മാ​ണ്. ഒ​​ട്ടേ​റെ വ​ർ​ഷ​ങ്ങ​ളാ​യി ഉ​മ്മ​ൻ ചാ​ണ്ടി എ​ന്നാ​ൽ പു​തു​പ്പ​ള്ളി​യും പു​തു​പ്പ​ള്ളി എ​ന്നാ​ൽ ഉ​മ്മ​ൻ ചാ​ണ്ടി​യു​മാ​ണ്. അ​വി​ടെ നി​ന്ന്​ പെ​​ട്ടെ​ന്ന്​ മാ​റി​യാ​ൽ, അ​ദ്ദേ​ഹ​ത്തി​ന്​ എ​വി​ടെ നി​ന്നും ജ​യി​ക്കാം. പ​ക്ഷേ, പു​തു​പ്പ​ള്ളി കോ​ൺ​ഗ്ര​സി​ന്​ ന​ഷ്​​ട​പ്പെ​​​ട്ടെ​ന്നു വ​രും. അ​​തു​കൊ​ണ്ട്, അ​ദ്ദേ​ഹം ത​യാ​റാ​യി​രു​ന്നെ​ങ്കി​ലും പാ​ർ​ട്ടി അ​ദ്ദേ​ഹ​ത്തെ പു​തു​പ്പ​ള്ളി​യി​ൽ ത​ന്നെ നി​യോ​ഗി​ച്ചു.

? ബി.​ജെ.​പി​യു​ടെ ഏ​ക സീ​റ്റാ​യി​ട്ടും അ​നു​പാ​തം വി​ട്ട പ​രി​ഗ​ണ​ന നേ​മ​ത്തി​ന്​ കോ​ൺ​ഗ്ര​സ്​ ക​ൽ​പി​ച്ചു കൊ​ടു​ത്തോ? നേ​മ​ത്തെ അ​ന്താ​രാ​ഷ്​​ട്ര മ​ണ്ഡ​ല​മാ​ക്കി പാ​ർ​ട്ടി ചി​ത്രീ​ക​രി​ച്ചോ?

അ​ത്​ ബി.​ജെ.​പി-​സി.​പി.​എം ഗൂ​ഢാ​ലോ​ച​ന​യാ​ണോ എ​ന്നു​പോ​ലും എ​നി​ക്ക്​ സം​ശ​യു​ണ്ട്. നേ​മം ബി.​ജെ.​പി​യു​ടെ ഉ​രു​ക്കു​കോ​ട്ട​യാ​ണെ​ന്ന രീ​തി​യി​ൽ പ്ര​ചാ​ര​ണം വ​ന്നു. ദു​ർ​ബ​ല സ്​​ഥാ​നാ​ർ​ഥി​യെ നി​ർ​ത്തി വോ​ട്ടു മ​റി​ക്കാ​ൻ നേ​മ​ത്ത്​ വീ​ണ്ടും ക​ളി ന​ട​ക്കു​ന്നു​വെ​ന്ന്​ പ​റ​ഞ്ഞു. അ​​പ്പോ​ൾ പാ​ർ​ട്ടി​ക്ക്​ മ​റു​പ​ടി​പ​റ​യേ​ണ്ടി വ​ന്നു. ജാ​ഗ്ര​ത​യോ​ടെ പാ​ർ​ട്ടി​യും മു​ന്ന​ണി​യും നീ​ങ്ങി.

നേ​മം പോ​ലൊ​രു ഉ​ദാ​ഹ​ര​ണ​മാ​ണ്​ മ​ല​മ്പു​ഴ. അ​വി​ടെ വീ​രേ​ന്ദ്ര​കു​മാ​ർ മു​ന്ന​ണി വി​ട്ട​പ്പോ​ഴും യു.​ഡി.​എ​ഫി​നൊ​പ്പം ഉ​റ​ച്ചു​നി​ന്ന ജോ​ൺ ജോ​ണി​നാ​ണ്​ സീ​റ്റ്​ കൊ​ടു​ത്ത​ത്. അ​ദ്ദേ​ഹം പാ​ല​ക്കാ​ട്​ ജി​ല്ല​ക്കാ​ര​നാ​ണ്. മു​മ്പ്​ കേ​ര​ള ജ​ന​താ പാ​ർ​ട്ടി​യു​ടെ പ്ര​സി​ഡ​ൻ​റാ​യി​രു​ന്നു. ആ ​പാ​ർ​ട്ടി​ക്ക്​ പാ​ല​ക്കാ​ട്ട്​ നേ​ര​ത്തേ ന​ല്ല സ്വാ​ധീ​ന​മു​ണ്ടാ​യി​രു​ന്നു. അ​ങ്ങ​നെ​യൊ​രാ​ളെ​യാ​ണ്​ മ​ല​മ്പു​ഴ​യി​ൽ പ​രി​ഗ​ണി​ച്ച​ത്. പ​ക്ഷേ, ദു​ഷ്​​പ്ര​ചാ​ര​ണം വ​ന്നു. നേ​മ​ത്തി​നു പ​ക​രം മ​ല​മ്പു​ഴ വെ​ച്ചാ​ണ്​ അ​ഡ്​​ജ​സ്​​റ്റ്​​മെൻറ്​ എ​ന്നാ​യി പ്ര​ചാ​ര​ണം. അ​തു​കൊ​ണ്ട്,​ അ​ദ്ദേ​ഹ​ത്തെ കാ​ര്യം പ​റ​ഞ്ഞു മ​ന​സ്സി​ലാ​ക്കി സീ​റ്റ്​ തി​രി​ച്ചു​വാ​ങ്ങി കോ​ൺ​ഗ്ര​സ്​ ത​ന്നെ മ​ത്സ​രി​ക്കു​ക​യാ​ണ്.

? നേ​മ​ത്തെ ജ​യ​സാ​ധ്യ​ത? നേ​മം കോ​ൺ​ഗ്ര​സി​െൻറ​യോ ഘ​ട​ക​ക​ക്ഷി​ക​ളു​ടെ​യോ ശ​ക്​​തി​കേ​ന്ദ്ര​മ​ല്ല...

ഒ. ​രാ​ജ​ഗോ​പാ​ൽ ത​ന്നെ പ​റ​ഞ്ഞി​ട്ടു​ണ്ട്. എ​നി​ക്ക്​ വ്യ​ക്​​തി​പ​ര​മാ​യ വോ​ട്ടു കി​ട്ടി​യ​തു​കൊ​ണ്ടാ​ണ്​ ജ​യി​ച്ച​ത്, ഭാ​വി​യി​ൽ അ​തു കി​ട്ട​ണ​മെ​ന്നി​ല്ല എ​ന്ന്. അ​തു​കൊ​ണ്ട്​ നേ​മ​ത്ത്​ ന​ല്ലൊ​രു മ​ത്സ​രം കാ​ഴ്​​ച​വെ​ച്ചാ​ൽ ജ​യി​ക്കാ​ൻ ക​ഴി​യും. കോ​ൺ​ഗ്ര​സ്​ മ​ത്സ​രി​ക്കു​േ​മ്പാ​ൾ ആ​വേ​ശ​മു​ണ്ടാ​കും. വ​ള​രെ അ​നു​കൂ​ല​മാ​യ പ്ര​തി​ക​ര​ണ​ങ്ങ​ളാ​ണ്​ എ​ല്ലാ ഭാ​ഗ​ത്തു​നി​ന്നും വ​രു​ന്ന​ത്.

പ​ല മ​ണ്ഡ​ല​ങ്ങ​ളി​ലും അ​സ്വാ​ര​സ്യ​ങ്ങ​ൾ ഉ​ണ്ടാ​യ​പ്പോ​ഴും നേ​മ​ത്ത്​ പാ​ർ​ട്ടി​യും മു​ന്ന​ണി​യും ഒ​റ്റ​ക്കെ​ട്ടാ​യാ​ണ്​ നി​ൽ​ക്കു​ന്ന​ത്. ക​ഴി​ഞ്ഞ ത​വ​ണ 10 ശ​ത​മാ​നം വോ​ട്ടാ​ണ്​ കി​ട്ടി​യ​തെ​ന്ന​ത്​ ശ​രി​യാ​ണ്. എ​ന്നാ​ൽ, വി​പ​രീ​ത ഘ​ട​ക​ങ്ങ​ൾ മാ​റ്റി​യെ​ടു​ക്കു​ക​യാ​ണ്​ യു.​ഡി.​എ​ഫി​െൻറ ല​ക്ഷ്യം. അ​ത്​ സാ​ധി​ക്കു​മെ​ന്നാ​ണ്​ വി​ശ്വാ​സം. നേ​മം മു​മ്പ്​ കോ​ൺ​ഗ്ര​സി​െൻറ ശ​ക്​​തി​കേ​ന്ദ്ര​മാ​യി​രു​ന്നു. പ​ക്ഷേ, ര​ണ്ടു നി​യ​മ​സ​ഭ തെ​ര​ഞ്ഞെ​ടു​പ്പു​ക​ളി​ലെ തോ​ൽ​വി പാ​ർ​ട്ടി​യു​ടെ അ​ടി​ത്ത​റ ദു​ർ​ബ​ല​മാ​ക്കി. അ​ത്​ ഇ​ത്ത​വ​ണ പ​രി​ഹ​രി​ക്കാ​ൻ ക​ഴി​യു​മെ​ന്ന വി​ശ്വാ​സം എ​നി​ക്കു​ണ്ട്. നേ​മ​ത്തെ ന​ല്ലൊ​രു നി​യോ​ജ​ക മ​ണ്ഡ​ല​മാ​ക്കി മാ​റ്റു​ക​യാ​ണ്​ എ​െൻറ ല​ക്ഷ്യം. അ​തി​ന​നു​സ​രി​ച്ച പ്ര​വ​ർ​ത്ത​ന​ങ്ങ​ൾ തു​ട​ങ്ങാ​ൻ പോ​വു​ക​യാ​ണ്.

? ഹൈ​ക​മാ​ൻ​ഡ്​ വി​ളി​ച്ചി​ട്ടാ​ണോ ഇ​പ്പോ​ഴ​ത്തെ ഡ​ൽ​ഹി യാ​ത്ര?

അ​ല്ല. പാ​ർ​ല​മെൻറ്​ സ​മ്മേ​ള​ന​ത്തി​ൽ പ​​ങ്കെ​ടു​ക്കാ​നാ​ണ്​ വ​ന്ന​ത്. നേ​ര​ത്തേ തീ​രു​മാ​നി​ച്ച യാ​ത്ര​യാ​ണ്. അ​തി​നി​ടെ​യാ​ണ്​ പാ​ർ​ട്ടി സ്​​ഥാ​നാ​ർ​ഥി​യാ​യി പ്ര​ഖ്യാ​പി​ച്ച​ത്. അ​ത്യാ​വ​ശ്യം കു​റ​ച്ചു കാ​ര്യ​ങ്ങ​ൾ പാ​ർ​ല​മെൻറി​ൽ ചെ​യ്യാ​നു​ണ്ട്. അ​തു ക​ഴി​ഞ്ഞാ​ൽ മ​ണ്ഡ​ല​ത്തി​ലേ​ക്ക്​ പോ​കും.

? നേ​മ​ത്ത്​ മ​ത്സ​രി​ക്കു​േ​മ്പാ​ൾ​ പാ​ർ​ട്ടി​യു​ടെ ഓ​ഫ​ർ, സ്​​​ഥാ​നാ​ർ​ഥി​ക്ക്​ പാ​ർ​ട്ടി​യോ​ടു​ള്ള ഡി​മാ​ൻ​റ്, എ​ന്താ​ണ്​? ഈ ​ച​ല​ഞ്ച്​ ഏ​റ്റെ​ടു​ക്കു​ക വ​ഴി പാ​ർ​ട്ടി​യി​ലും ഭ​ര​ണ​ത്തി​നും നേ​തൃ​പ​ര​മാ​യ പ്രാ​മു​ഖ്യം പ്ര​തീ​ക്ഷി​ക്കു​ന്നി​ല്ലേ?

ഒ​രു ഓ​ഫ​റു​മി​ല്ല. ഒ​രു ച​ല​ഞ്ച്​ ഏ​റ്റെ​ടു​ക്കാ​ൻ പാ​ർ​ട്ടി ആ​വ​ശ്യ​പ്പെ​ട്ടാ​ൽ ച​ല​ഞ്ച്​ ഏ​റ്റെ​ടു​ക്കും. അ​ങ്ങ​നെ വ​രു​േ​മ്പാ​ൾ ഒ​രു ഡി​മാ​ൻ​റും വെ​ക്കി​ല്ല. പാ​ർ​ട്ടി വെ​ല്ലു​വി​ളി ഏ​റ്റെ​ടു​ക്കാ​ൻ പ​റ​ഞ്ഞാ​ൽ പ്ര​തി​ഫ​ലം ചോ​ദി​ക്കു​ന്ന പാ​ര​മ്പ​ര്യം കെ. ​ക​രു​ണാ​ക​ര​െൻറ കു​ടും​ബ​ത്തി​നി​ല്ല. നി​യോ​ജ​ക മ​ണ്ഡ​ലം പി​ടി​ച്ചെ​ടു​ക്കാ​നാ​ണ്​ പാ​ർ​ട്ടി ആ​വ​ശ്യ​പ്പെ​ട്ട​ത്. അ​ത്​ നി​ർ​വ​ഹി​ക്കു​ക​യാ​ണ്​ എ​െൻറ ചു​മ​ത​ല. എ​ന്നെ വി​ശ്വ​സി​ച്ച്​ ഏ​ൽ​പി​ച്ച ച​ല​ഞ്ചാ​ണ്. വി​ശ്വ​സി​ച്ച്​ ഏ​ൽ​പി​ച്ച​തി​ൽ എ​നി​ക്ക്​ സം​തൃ​പ്​​തി​യു​ണ്ട്.