‘ജഡ്ജിമാരെ സമ്മർദത്തിലാക്കുന്നത്​ സർക്കാർ തന്ത്രം’

ഒ​രു സ​ർ​ക്കാ​ർ ദു​ർ​ബ​ല​മാ​യാ​ൽ കോ​ട​തി​ക​ൾ ശ​ക്തി കാ​ണി​ക്കു​മെ​ന്ന് പ​റ​ഞ്ഞ​തു​പോ​ലെ സ​ർ​ക്കാ​ർ ശ​ക്ത​മാ​ണെ​ങ്കി​ൽ തി​രി​ച്ചും സം​ഭ​വി​ക്കും. ക​ന​ത്ത ഭൂ​രി​പ​ക്ഷ​ത്തി​ലു​ള്ള സ​ർ​ക്കാ​റാ​ണ് 2014ൽ ​വ​ന്ന​ത്, 2019ൽ ​അ​വ​ർ ഭ​ര​ണ​ത്തു​ട​ർ​ച്ച​യും നേ​ടി. അ​ത്ര​യും ഭൂ​രി​പ​ക്ഷ​ത്തി​ൽ ഒ​രു സ​ർ​ക്കാ​ർ വ​രു​മ്പോ​ൾ ​ജു​ഡീ​ഷ്യ​റി ദു​ർ​ബ​ല​മാ​കും. ഇ​വ പ​ര​സ്പ​ര ബ​ന്ധി​ത​മാ​ണ്. ഇ​ന്ദി​ര ശ​ക്ത​മാ​യ കാ​ല​ത്ത് ജു​ഡീ​ഷ്യ​റി​ക്കു​ണ്ടാ​യ അ​പ​ച​യ​വും ഇ​തു​പോ​ലെ​യാ​യി​രു​ന്നു

കാ​ൽ നൂ​റ്റാ​ണ്ടു​മു​മ്പ് എ​റ​ണാ​കു​ളം ലോ ​കോ​ള​ജി​ൽ​നി​ന്ന് നി​യ​മ​ബി​രു​ദ​വും ​നേ​ടി രാ​ജ്യ​ത​ല​സ്ഥാ​ന ന​ഗ​രി​യി​ലെ​ത്തു​മ്പോ​ൾ ഹാ​രി​സ് ബീ​രാ​ന്റെ മ​ന​സ്സി​ൽ സി​വി​ൽ സ​ർ​വി​സ് സ്വ​പ്ന​ങ്ങ​ളാ​യി​രു​ന്നു.

വി​ഖ്യാ​ത അ​ഭി​ഭാ​ഷ​ക​ൻ ദു​ഷ്യ​ന്ത് ദ​വെ​ക്കൊ​പ്പം പ്രാ​ക്ടി​സ് ആ​രം​ഭി​ച്ച ഹാ​രി​സ് പി​ൽ​ക്കാ​ല​ത്ത് പൗ​ര​ത്വ നി​യ​മ ഭേ​ദ​ഗ​തി, മു​ത്ത​ലാ​ഖ്, ഹി​ജാ​ബ് നി​രോ​ധ​നം, അ​ബ്ദു​ന്നാ​സി​ർ മ​അ്ദ​നി​യു​ടെ ജാ​മ്യം തു​ട​ങ്ങി രാ​ജ്യം ഉ​റ്റു​നോ​ക്കി​യ നി​ര​വ​ധി കേ​സു​ക​ളി​ൽ വീ​റോ​ടെ വാ​ദി​ച്ചു. കെ​ട്ടി​ച്ച​മ​ക്ക​പ്പെ​ട്ട കേ​സു​ക​ളി​ൽ കു​രു​ങ്ങി​യ നി​ര​വ​ധി മ​നു​ഷ്യ​ർ​ക്കു വേ​ണ്ടി​യും പ്ര​വാ​സി​ക​ളു​ടെ വോ​ട്ട​വ​കാ​ശ​ത്തി​നു​വേ​ണ്ടി​യും സു​പ്രീം​കോ​ട​തി സ​മ​ക്ഷം ഹാ​ജ​രാ​യി.

ഡ​ൽ​ഹി കെ.​എം.​സി.​സി പ്ര​സി​ഡ​ന്റ് എ​ന്ന നി​ല​യി​ൽ രാ​ജ്യ​ത​ല​സ്ഥാ​ന​ത്തെ സാ​മൂ​ഹി​ക-​വി​ദ്യാ​ഭ്യാ​സ മു​ന്നേ​റ്റ​ങ്ങ​ളി​ൽ സ​ജീ​വ​മാ​യി​രു​ന്ന അ​ദ്ദേ​ഹ​ത്തി​ന്റെ വി​ലാ​സം വീ​ണ്ടും മാ​റി​യി​രി​ക്കു​ന്നു. ഇ​ന്ത്യ​ൻ യൂ​നി​യ​ൻ മു​സ്‍ലിം ലീ​ഗ് പ്ര​തി​നി​ധി​യാ​യി രാ​ജ്യ​സ​ഭ​യി​ലെ​ത്തി​യ ഹാ​രി​സ് ക​ണ്ടു​ക​ണ്ടി​രി​ക്കെ മാ​റി​യ ഇ​ന്ത്യ​ൻ രാ​ഷ്ട്രീ​യാ​വ​സ്ഥ​യെ​ക്കു​റി​ച്ച് ‘മാധ്യമ’ത്തോട് സം​സാ​രി​ക്കു​ന്നു

.....................

സി​വി​ൽ സ​ർ​വി​സ് സ്വ​പ്ന​വു​മാ​യി ഡ​ൽ​ഹി​യി​ൽ വ​ന്ന അ​ഡ്വ. ഹാ​രി​സ് ബീ​രാ​ൻ മു​സ്‍ലിം ലീ​ഗി​ന്റെ രാ​ജ്യ​സ​ഭ എം.​പി​യാ​യി​രി​ക്കു​ന്നു. എ​ന്ത് തോ​ന്നു​ന്നു?

1998ൽ ​ഡ​ൽ​ഹി​യി​ൽ വ​ന്ന​പ്പോ​ൾ 18 ഫി​​റോ​സ് ഷാ ​റോ​ഡി​ൽ പോ​യി ഇ. ​അ​ഹ​മ്മദി​നെ കാ​ണു​ക​യാ​ണ് ആ​ദ്യ​മാ​യി ചെ​യ്ത​ത്. അ​ദ്ദേ​ഹ​ത്തി​ന്റെ വീ​ടി​ന് എ​തി​ർ​വ​ശ​ത്തെ ഔ​ട്ട്ഹൗ​സി​ൽ പ്ര​വ​ർ​ത്തി​ച്ചി​രു​ന്ന ച​ന്ദ്രി​ക ഡ​ൽ​ഹി ബ്യൂ​റോ​യു​ടെ ചു​മ​ത​ല​യു​ണ്ടാ​യി​രു​ന്ന മു​തി​ർ​ന്ന മാ​ധ്യ​മ പ്ര​വ​ർ​ത്ത​ക​ൻ മു​ഹ​മ്മ​ദ് കു​ട്ടി​ക്ക​യാ​ണ് എ​ന്റെ ഡ​ൽ​ഹി ജീ​വി​തം രൂ​പ​പ്പെ​ടു​ത്തു​ന്ന​ത്.

ദേ​ശീ​യ രാ​ഷ്ട്രീ​യ വി​ഷ​യ​ങ്ങ​ളി​ൽ അ​ഹ​മ്മ​ദ് സാ​ഹി​ബും മു​ഹ​മ്മ​ദ് കു​ട്ടി​ക്ക​യും ത​മ്മി​ൽ ന​ട​ത്തു​ന്ന സം​വാ​ദ​ങ്ങ​ൾ കൗ​തു​ക​ക​ര​മാ​യി​രു​ന്നു. പ​ല​പ്പോ​ഴും വാ​ഗ്വാ​ദം പോ​ലെ തോ​ന്നും. എ​ന്നാ​ൽ, ത​ന്റെ രാ​ഷ്ട്രീ​യ നി​ല​പാ​ടു​ക​ൾ​ക്ക് അ​ഹ​മ്മ​ദ് സാ​ഹി​ബ് കൃ​ത്യ​ത വ​രു​ത്തി​യി​രു​ന്ന​ത് മാ​ധ്യ​മ​പ്ര​വ​ർ​ത്ത​ക​രു​മാ​യു​ള്ള ഇ​ത്ത​രം സം​ഭാ​ഷ​ണ​ങ്ങ​ളി​ലൂ​ടെ​യാ​യി​രു​ന്നു. 2004ൽ ​കേ​ന്ദ്ര​മ​ന്ത്രി​യാ​യ​​തോ​ടെ​യാ​ണ് അ​ഹ​മ്മ​ദ് സാ​ഹി​ബ് ത​ട്ട​കം പൂ​ർ​ണ​മാ​യും ഡ​ൽ​ഹി​യി​ലേ​ക്ക് മാ​റ്റു​ന്ന​ത്.

പാ​ർ​ല​മെ​ന്റ് സ​മ്മേ​ള​ന​ത്തി​ന് ര​ണ്ടു ദി​വ​സം മു​മ്പ് അ​ദ്ദേ​ഹം ഒ​രു​ക്ക​ങ്ങ​ൾ തു​ട​ങ്ങും. കാ​ണാ​നെ​ത്തു​ന്ന മാ​ധ്യ​മ പ്ര​വ​ർ​ത്ത​ക​ർ​ക്കു​മു​ന്നി​ൽ അ​വ​ർ​ക്ക് താ​ൽ​പ​ര്യ​മു​ള്ള വി​ഷ​യ​മെ​ടു​ത്തി​ടും. അ​വ​രി​ൽ നി​ന്ന് കി​ട്ടു​ന്ന പോ​യ​ന്റു​ക​ൾ മ​ന​സ്സി​ൽ കു​റി​ച്ചു​വെ​ക്കും, പ​ല വി​ഷ​യ​ങ്ങ​ളി​ലും അ​വ​ർ പു​ല​ർ​ത്തു​ന്ന തെ​റ്റി​ദ്ധാ​ര​ണ​ക​ളെ സൗ​ഹൃ​ദ​ബു​ദ്ധി​യോ​ടെ തി​രു​ത്തി​ക്കു​ക​യും ചെ​യ്യും.

പി​താ​വ് ആ​ലു​വ മ​ണ്ഡ​ലം ഇ​ന്ത്യ​ൻ യൂ​നി​യ​ൻ മു​സ്‍ലിം ലീ​ഗ് പ്ര​സി​ഡ​ന്റാ​യി​രു​ന്ന കാ​ലം തൊ​ട്ടേ പാ​ണ​ക്കാ​ട് കു​ടും​ബ​വു​മാ​യു​ള്ള ബ​ന്ധ​മു​ണ്ട്. പാ​ണ​ക്കാ​ട് ത​ങ്ങ​ൾ വീ​ട്ടി​ലേ​ക്ക് വ​രു​ക​യും പി​താ​വി​നൊ​പ്പം ഞാ​ൻ പാ​ണ​ക്കാ​ട്ടേ​ക്ക് പോ​കു​ക​യും ചെ​യ്യു​മാ​യി​രു​ന്നു. മു​ന​വ്വ​റ​ലി ത​ങ്ങ​ളു​മാ​യി അ​ന്ന് തു​ട​ങ്ങി​യ സൗ​ഹൃ​ദ​മാ​ണ്.

​26 വ​ർ​ഷ​മാ​യി അ​ടു​ത്തു​നി​ന്ന് കാ​ണു​ന്ന ഡ​ൽ​ഹി​ക്കും ദേ​ശീ​യ രാ​ഷ്ട്രീ​യ​ത്തി​നും സം​ഭ​വി​ച്ച ഗ​തി​മാ​റ്റ​ത്തെ​ക്കു​റി​ച്ച് എ​ന്തു തോ​ന്നു​ന്നു? ​ഈ ​മാ​റ്റം കോ​ട​തി​ക​ളി​ലും പ്ര​തി​ഫ​ലി​ക്കു​ന്നി​ല്ലേ?

ഭ​ര​ണ​ത്തു​ട​ർ​ച്ച ല​ഭി​ക്കു​ന്ന​തോ​ടെ, ഏ​തൊ​രു സ​ർ​ക്കാ​റും പൊ​തു​ജ​ന​ങ്ങ​ളോ​ട് ഒ​രു ഉ​ത്ത​ര​വാ​ദി​ത്ത​വും വേ​ണ്ട​തി​ല്ല എ​ന്ന മ​ട്ടി​ലാ​ണ് പെ​രു​മാ​റു​ക. അ​താ​ണ് ര​ണ്ടാം യു.​പി.​എ സ​ർ​ക്കാ​റി​നും സം​ഭ​വി​ച്ച​ത്. ഒ​ന്നാ​മ​താ​യി ധാ​രാ​ളം അ​ഴി​മ​തി ആ​രോ​പ​ണ​ങ്ങ​ൾ സ​ർ​ക്കാ​റി​നെ​തി​രെ ഉ​യ​ർ​ന്നു​വ​ന്നു. ആ ​ആ​രോ​പ​ണ​ങ്ങ​ൾ​ക്ക് പി​ന്നി​ലെ വ​സ്തു​ത ജ​ന​ങ്ങ​ളി​ലേ​ക്കെ​ത്തി​ക്കാ​ൻ അ​വ​ർ​ക്ക് സാ​ധി​ച്ചി​ല്ല.

ര​ണ്ടാ​മ​ത് അ​വ​ർ കോ​ട​തി​ക​ളി​ൽ നി​ന്ന് നേ​രി​ട്ട തി​രി​ച്ച​ടി​യാ​ണ്. സ​ർ​ക്കാ​ർ ദു​ർ​ബ​ല​മാ​ണെ​ന്ന് തോ​ന്നു​ന്ന ഘ​ട്ട​ങ്ങ​ളി​ലെ​ല്ലാം കോ​ട​തി​ക​ൾ അ​വ​ക്കെ​തി​രെ ആ​ഞ്ഞ​ടി​ച്ചി​രി​ക്കും. ക​ൽ​ക്ക​രി, കോ​മ​ൺ​വെ​ൽ​ത്ത്, 2 ജി ​അ​ഴി​മ​തി ആ​രോ​പ​ണ​ങ്ങ​ളി​ലെ​ല്ലാം കോ​ട​തി യു.​പി.​എ സ​ർ​ക്കാ​റി​നെ നി​ര​ന്ത​രം അ​ടി​ച്ചു​കൊ​ണ്ടി​രു​ന്നു.

അ​ണ്ണാ ഹ​സാ​രെ​യു​ടെ അ​ഴി​മ​തി വി​രു​ദ്ധ സ​മ​രം ഒ​രു പൊ​തു​ജ​ന വി​കാ​ര​മാ​യി മാ​റു​ന്ന സാ​ഹ​ച​ര്യ​വും സൃ​ഷ്ടി​ക്ക​​പ്പെ​ട്ടു. അ​തൊ​രു അ​ഴി​മ​തി സ​ർ​ക്കാ​റാ​ണെ​ന്നു​ള്ള ധാ​ര​ണ പ​ര​ന്നു. അ​തി​നി​ടെ, ഡ​ൽ​ഹി കൂ​ട്ട​മാ​ന​ഭം​ഗ​മു​ണ്ടാ​യി. ഇ​തോ​ടെ, ജ​ന​ങ്ങ​ൾ​ക്ക് സം​ര​ക്ഷ​ണം ഉ​റ​പ്പു​വ​രു​ത്താ​ൻ ക​ഴി​വി​ല്ലാ​ത്ത സ​ർ​ക്കാ​റാ​ണെ​ന്ന പ്ര​തി​ച്ഛാ​യ​യു​മു​ണ്ടാ​യി.

ഇ​ത്ത​രം ധാ​ര​ണ​ക​ൾ മാ​റ്റാ​നു​ള്ള ഒ​രു ശ്ര​മ​വും ന​ട​ത്തി​യി​ല്ല. അ​ണ്ണാ ഹ​സാ​രെ സ​മ​ര​ത്തി​നി​റ​ങ്ങി​യ​പ്പോ​ൾ ത​ന്നെ അ​വ​രു​മാ​യി സം​ഭാ​ഷ​ണം ന​ട​ത്തി അ​ത് അ​വ​സാ​നി​പ്പി​ക്കാ​ൻ നോ​ക്കേ​ണ്ട​താ​യി​രു​ന്നു. എ​ന്നാ​ൽ, അ​തു​ണ്ടാ​യി​ല്ല. തു​ട​ർ​ഭ​ര​ണ​ത്തി​ലെ അ​ഹ​ങ്കാ​രം കൊ​ണ്ട് സം​ഭ​വി​ച്ച​താ​ണ​ത്.

ശേ​ഷം ന​രേ​ന്ദ്ര മോ​ദി​യു​ടെ നേ​തൃ​ത്വ​ത്തി​ലെ സ​ർ​ക്കാ​ർ വ​ന്ന​തോ​ടെ കാ​ര്യ​ങ്ങ​ളെ​ല്ലാം കീ​ഴ്മേ​ൽ മ​റി​ഞ്ഞു, ജു​ഡീ​ഷ്യ​റി​യി​ൽ അ​തി​ന്റെ പ്ര​തി​ഫ​ല​ന​വും ശ​ക്ത​മാ​യ​താ​യ​ല്ലേ നാം ​കാ​ണു​ന്ന​ത്?

ഒ​രു സ​ർ​ക്കാ​ർ ദു​ർ​ബ​ല​മാ​യാ​ൽ കോ​ട​തി​ക​ൾ ശ​ക്തി കാ​ണി​ക്കു​മെ​ന്ന് പ​റ​ഞ്ഞ​തു​പോ​ലെ സ​ർ​ക്കാ​ർ ശ​ക്ത​മാ​ണെ​ങ്കി​ൽ തി​രി​ച്ചും സം​ഭ​വി​ക്കും. ക​ന​ത്ത ഭൂ​രി​പ​ക്ഷ​ത്തി​ലു​ള്ള സ​ർ​ക്കാ​റാ​ണ് 2014ൽ ​വ​ന്ന​ത്, 2019ൽ ​അ​വ​ർ ഭ​ര​ണ​ത്തു​ട​ർ​ച്ച​യും നേ​ടി. അ​ത്ര​യും ഭൂ​രി​പ​ക്ഷ​ത്തി​ൽ ഒ​രു സ​ർ​ക്കാ​ർ വ​രു​മ്പോ​ൾ ​ജു​ഡീ​ഷ്യ​റി ദു​ർ​ബ​ല​മാ​കും.

ഇ​വ പ​ര​സ്പ​ര ബ​ന്ധി​ത​മാ​ണ്. ഇ​ന്ദി​ര ശ​ക്ത​മാ​യ കാ​ല​ത്ത് ജു​ഡീ​ഷ്യ​റി​ക്കു​ണ്ടാ​യ അ​പ​ച​യ​വും ഇ​തു​പോ​ലെ​യാ​യി​രു​ന്നു. ര​ണ്ട് ജ​ഡ്ജി​മാ​രെ മ​റി​ക​ട​ന്ന് ചീ​ഫ് ജ​സ്റ്റി​സി​നെ നി​യ​മി​ക്കു​ക പോ​ലു​മു​ണ്ടാ​യി. അ​തു ത​ന്നെ​യാ​ണ് 2014ൽ ​ന​രേ​ന്ദ്ര മോ​ദി അ​ധി​കാ​ര​ത്തി​ൽ വ​ന്ന​പ്പോ​ൾ സം​ഭ​വി​ച്ച​തു​മെ​ന്നാ​ണ് എ​നി​ക്ക് തോ​ന്നു​ന്ന​ത്. ഏ​ത് കേ​സി​ന്റെ സ്റ്റാ​റ്റ​സ് എ​ടു​ത്താ​ലും ഇ​ത് കാ​ണാ​ൻ ക​ഴി​യും.

പ്ര​മാ​ദ​മാ​യ കേ​സു​ക​ൾ പ്ര​ത്യേ​ക ജ​ഡ്ജി​മാ​ർ​ക്ക് മാ​ത്രം ന​ൽ​കു​ന്ന സ്ഥി​തി​വി​ശേ​ഷ​മു​ണ്ടാ​യി. അ​ത് കൊ​ണ്ടാ​ണ​ല്ലോ നാ​ല് ജ​ഡ്ജി​മാ​ർ വാ​ർ​ത്ത​സ​മ്മേ​ള​നം ന​ട​ത്തി​യ​ത്. ചീ​ഫ് ജ​സ്റ്റി​സി​നെ​യും ജ​ഡ്ജി​മാ​രെ​യും സ​മ്മ​ർ​ദ​ത്തി​ലാ​ക്കു​ക​യെ​ന്ന​ത് സ​ർ​ക്കാ​റി​ന്റെ ഒ​രു ത​ന്ത്ര​മാ​ണ്. മൂ​ന്നാം മോ​ദി സ​ർ​ക്കാ​ർ വ​ന്ന ശേ​ഷം സു​പ്രീം​കോ​ട​തി തു​റ​ക്കാ​ൻ പോ​കു​ന്നേ​യു​ള്ളൂ. അ​തി​നു​ശേ​ഷ​മേ സ​മീ​പ​ന​ത്തി​ൽ വ​ല്ല മാ​റ്റ​വു​മു​ണ്ടോ എ​ന്ന് പ​റ​യാ​നാ​കൂ.

കെ.​എം.​സി.​സി ഘ​ട​കം അ​ധ്യ​ക്ഷ​നാ​യ താ​ങ്ക​ൾ ഡ​ൽ​ഹി​യി​ലെ വി​വി​ധ മു​സ്‍ലിം സം​ഘ​ട​ന​ക​ളെ ഏ​കോ​പ​ന സ്വ​ഭാ​വ​ത്തി​ലേ​ക്ക് പ​രി​വ​ർ​ത്തി​പ്പി​ച്ച​ത് എ​ങ്ങ​നെ​യാ​ണ്?

വ​ട​ക്കു​കി​ഴ​ക്ക​ൻ ഡ​ൽ​ഹി​യി​ൽ ന​ട​ന്ന ക​ലാ​പ​ത്തി​ന്റെ ഇ​ര​ക​ൾ​ക്കി​ട​യി​ൽ ദു​രി​താ​ശ്വാ​സ​വും പു​ന​ര​ധി​വാ​സ പ്ര​വ​ർ​ത്ത​ന​ങ്ങ​ളും ന​ട​ത്താ​ൻ കെ.​എം.​സി.​സി-​എം.​എ​സ്.​എ​ഫ് പ്ര​വ​ർ​ത്ത​ക​ർ രം​ഗ​ത്തി​റ​ങ്ങി​യി​രു​ന്നു. മ​റ്റു പ​ല മ​ല​യാ​ളി സം​ഘ​ട​ന​ക​ളും മി​ക​ച്ച രീ​തി​യി​ൽ ഇ​ര​ക​ൾ​ക്ക് ആ​ശ്വാ​സ​വു​മാ​യി എ​ത്തി.

അ​ർ​ഹ​രാ​യ ആ​ളു​ക​ൾ​​ക്ക് സ​ഹാ​യം ഉ​റ​പ്പു​വ​രു​ത്തു​ന്ന​തി​ന് ഒ​രു ഐ​ക്യ​സ്വ​ഭാ​വം ആ​വ​ശ്യ​മാ​യി​രു​ന്നു. കേ​ര​ള​ത്തി​ലെ പോ​ലെ ആ​ശ​യ സം​ഘ​ട്ട​ന​ങ്ങ​ളി​ല്ലാ​ത്ത ഡ​ൽ​ഹി​യി​ൽ എ​ല്ലാ മ​ല​യാ​ളി സം​ഘ​ട​ന​ക​ളു​ടെ​യും യോ​ഗം വി​ളി​ച്ച് ഏ​കോ​പ​ന​ത്തി​ന്റെ ബ്ലൂ ​പ്രി​ന്റ് ഉ​ണ്ടാ​ക്കാ​ൻ ആ​ലോ​ചി​ച്ച​ത് ഇ​ത്ത​ര​മൊ​രു ഘ​ട്ട​ത്തി​ലാ​ണ്. വ​ള​രെ ന​ല്ല പ്ര​തി​ക​ര​ണ​മാ​ണ് എ​ല്ലാ​വ​രി​ൽ നി​ന്നും ല​ഭി​ച്ച​ത്.

കാ​ന്ത​പു​രം അ​ബൂ​ബ​ക്ക​ർ മു​സ്‍ലി​യാ​രു​ടെ ഡ​ൽ​ഹി മ​ർ​ക​സ്, കെ.​എം.​സി.​സി, മു​സ്‍ലിം ലീ​ഗ്, ജ​മാ​അ​ത്തെ ഇ​സ്‍ലാ​മി, മു​ജാ​ഹി​ദ് വി​ഭാ​ഗ​ങ്ങ​ൾ എ​ന്നി​വ​രെ​ല്ലാം സ​ഹ​ക​രി​ച്ചു. എ​ടു​ത്ത തീ​രു​മാ​ന​ങ്ങ​ളെ​ല്ലാം പ്ര​യോ​ഗ​വ​ത്ക​രി​ക്കാ​ൻ ക​ഴി​ഞ്ഞ​താ​ണ് ആ ​കൂ​ട്ടാ​യ്മ​യു​ടെ വി​ജ​യം.

ഗു​ണ​ഭോ​ക്താ​ക്ക​ളെ ക​ണ്ടെ​ത്താ​ൻ ഓ​രോ സം​ഘ​ട​ന​യും ന​ട​ത്തി​യ സ​ർ​വേ​യു​ടെ വി​ശ​ദാം​ശ​ങ്ങ​ളും ഗു​ണ​ഭോ​ക്തൃ പ​ട്ടി​ക​യും പ​ര​സ്പ​രം പ​ങ്കു​വെ​ച്ചു. ഡ​ൽ​ഹി ക​ലാ​പ ദു​രി​താ​ശ്വാ​സം ന​ല്ല രീ​തി​യി​ൽ നി​ർ​വ​ഹി​ക്കാ​ൻ ഇ​തു സ​ഹാ​യ​ക​മാ​യി.

അ​ന്ന​ത്തെ കൂ​ട്ടാ​യ്മ​ക്ക് പി​ന്നീ​ടെ​ന്ത് സം​ഭ​വി​ച്ചു, ഇപ്പോഴുമുണ്ടോ?

കോ​വി​ഡ് കാ​ല​ത്ത് ദു​രി​താ​ശ്വാ​സ പ്ര​വ​ർ​ത്ത​നം ഏ​കോ​പി​പ്പി​ച്ച് ന​ട​ത്താ​നും ക്വാ​റ​​ന്റീ​നി​ലാ​യി പ​ട്ടി​ണി കി​ട​ന്ന​വ​ർ​ക്ക് ഭ​ക്ഷ​ണ​മെ​ത്തി​ച്ചു​കൊ​ടു​ക്കാ​നും മ​ല​യാ​ളി സം​ഘ​ട​ന​ക​ൾ​ക്ക് ക​ഴി​ഞ്ഞ​ത് ഇ​തേ കൂ​ട്ടാ​യ്മ കൊ​ണ്ടാ​യി​രു​ന്നു. എ​ല്ലാ സം​ഘ​ട​ന​ക​ൾ​ക്കും ലോ​ക്ഡൗ​ൺ പാ​സ് കി​ട്ടി​യി​രു​ന്നി​ല്ല.

മ​ർ​ക​സ്, വി​ഷ​ൻ 2026 പോ​ലു​ള്ള​വ​ർ​ക്ക് സ​ന്ന​ദ്ധ​പ്ര​വ​ർ​ത്ത​ന​ത്തി​നു​ള്ള പാ​സു​ക​ൾ ല​ഭി​ച്ചി​രു​ന്നു. മ​റ്റു സം​ഘ​ട​ന​ക​ൾ സ്വ​രൂ​പി​ച്ച വി​ഭ​വ​ങ്ങ​ൾ ഇ​രു​കൂ​ട്ട​രെ​യും ഏ​ൽ​പി​ച്ച് എ​ല്ലാ​വ​ർ​ക്കും ഭ​ക്ഷ​ണം കി​ട്ടി​യെ​ന്ന് ഉ​റ​പ്പു​വ​രു​ത്തി. കെ.​എം.​സി.​സി സ​ഹാ​യ​ധ​നം കൈ​മാ​റി​യ​ത് കാ​ന്ത​പു​രം അ​ബൂ​ബ​ക്ക​ർ മു​സ്‍ലി​യാ​ർ ഒ​രി​ക്ക​ൽ ഫേ​സ്ബു​ക്കി​ലെ​ഴു​തു​ക​യും ചെ​യ്തി​രു​ന്നു.

അ​ന്ന​​ത്തെ ആ ​സൗ​ഹാ​ർ​ദം ഇ​ന്നുംതു​ട​രു​ന്നു​ണ്ട്. കേ​ര​ള മു​സ്‍ലിം വെ​ൽ​ഫെ​യ​ർ അ​സോ​സി​യേ​ഷ​ൻ എ​ന്ന പ്ലാ​റ്റ് ഫോ​മും ഇ​ത്ത​രം ഏ​കോ​പി​ച്ച പ്ര​വ​ർ​ത്ത​ന​ങ്ങ​ൾ​ക്കാ​യി ഉ​പ​യോ​ഗ​പ്പെ​ടു​ത്തു​ന്നു​ണ്ട്. സം​ഘ​ട​ന​ക​ൾ ത​മ്മി​ൽ ഐ​ക്യ​മു​ണ്ടെ​ങ്കി​ൽ മാ​ത്ര​മേ സ​മു​ദാ​യ​ത്തി​ന് പു​രോ​ഗ​തി​യി​ലേ​ക്ക് കു​തി​ക്കാ​നു​ള്ള ശ​ക്തി​യും പ്രാ​പ്തി​യു​മു​ണ്ടാ​കൂ.