‘മതത്തിന്റെ പേരിലുള്ള രാഷ്ട്രീയം അവസാനിക്കുന്നതിന്റെ തുടക്കം’

ഹി​ന്ദു - മു​സ്‍ലിം ധ്രു​വീ​ക​ര​ണ​ത്തി​ലേ​ക്ക് പ​ടി​ഞ്ഞാ​റ​ൻ യു.​പി​യെ ന​യി​ച്ച മു​സ​ഫ​ർ ക​ലാ​പ​ത്തി​ന് മു​മ്പു​ണ്ടാ​യി​രു​ന്ന തെ​ര​ഞ്ഞെ​ടു​പ്പ് സ്ഥി​തി​യി​ലേ​ക്ക് പ​ടി​ഞ്ഞാ​റ​ൻ യു.​പി​യി​ലെ പ്ര​ചാ​ര​ണ​രം​ഗം ഒ​ര​ള​വോ​ളം മാ​റി​യി​രി​ക്കു​ന്നു. അ​തുകൊ​ണ്ടാ​ണ് ഭി​ന്നി​പ്പി​ന്റെ വ​ർ​ഗീ​യ അ​ജ​ണ്ട​ക​ൾ ജ​ന​ങ്ങ​ളി​ൽ ഏ​ശു​ന്നി​ല്ലെ​ന്ന് കോ​ൺ​ഗ്ര​സും സ​മാ​ജ്‍വാ​ദി പാ​ർ​ട്ടി​യും പ​റ​യു​ന്ന​ത്. വ​ർ​ഗീ​യ ധ്രു​വീ​ക​ര​ണം ശ​ക്തി​യാ​ർ​ജി​ക്കു​ന്ന​തി​ന് മു​മ്പ് ലോ​ക്സ​ഭ​യി​ൽ കൈ​രാ​ന​യു​ടെ ശ​ബ്ദ​മാ​യി​രു​ന്ന മു​ന​വ​ർ ഹ​സ​ന്റെ 25കാ​രി​യാ​യ മ​ക​ൾ ഇ​ക്റ ഹ​സ​ൻ ജാ​തി​മ​ത​ഭേ​ദ​മ​ന്യേ ത​നി​ക്ക് ല​ഭി​ക്കു​ന്ന പി​ന്തു​ണ പ​ടി​ഞ്ഞാ​റ​ൻ യു.​പി​യു​ടെ മ​ന​സ്സ് മാ​റ്റ​ത്തി​ന്റെ ദൃ​ഷ്ടാ​ന്ത​മാ​യി ചൂ​ണ്ടി​ക്കാ​ണി​ക്കു​ന്നു. ഇവിടെ ഇൻഡ്യ സഖ്യം സ്ഥാനാർഥിയായ ഇ​ക്റ ഹ​സ​ൻ ‘മാ​ധ്യ​മ’​ത്തി​ന് ന​ൽ​കി​യ അ​ഭി​മു​ഖം

• ഇ​ത്ര​യും ചെ​റു​പ്പ​ത്തി​ൽ പാ​ർ​ല​മെ​ന്റി​ലേ​ക്ക് ക​ന്നി​യ​ങ്കം കു​റി​ക്കാ​ൻ ആ​ത്മ​വി​ശ്വാ​സം ല​ഭി​ച്ച​തെ​ങ്ങ​നെ?

ഈ ​മ​ണ്ഡ​ല​ത്തി​ന്റെ മ​ക​ൾ എ​ന്ന നി​ല​യി​ലാ​ണ് ഞാൻ വോ​ട്ടു​ചോ​ദി​ക്കു​ന്ന​ത്. ഞാ​ൻ വ​ള​രെ ചെ​റു​പ്പ​മാ​ണ്. എ​ന്തെ​ങ്കി​ലും തെ​റ്റ് പ​റ്റി​യാ​ൽ​ത​ന്നെ തി​രു​ത്താ​ൻ അ​ധി​കാ​ര​മു​ണ്ടെ​ന്നാ​ണ് മു​തി​ർ​ന്ന​വ​രോ​ട് വോ​ട്ടു​ചോ​ദി​ക്കു​മ്പോ​ൾ ഞാ​ൻ പ​റ​യു​ന്ന​ത്. മു​തി​ർ​ന്ന​വ​രു​ടെ ഉ​പ​ദേ​ശ നി​ർ​ദേ​ശ​ങ്ങ​ളും ആ​ശീ​ർ​വാ​ദ​ങ്ങ​ളു​​മി​ല്ലാ​തെ എനി​ക്ക് മു​ന്നോ​ട്ടു​പോ​കാ​നാ​വി​ല്ല. എന്റെ പി​താ​വും കൈ​രാ​ന​യി​ലെ മു​ൻ എം.​പി​യു​മാ​യി​രു​ന്ന ചൗ​ധ​രി മു​ന​വ​ർ ഹ​സ​ൻ ജീ​വ​ൻ​പോ​ലും വ​ക​വെ​ക്കാ​തെ​യാ​ണ് മ​ണ്ഡ​ല​ത്തി​ലെ ജ​ന​ങ്ങ​ൾ​ക്കാ​യി പ്ര​വ​ർ​ത്തി​ച്ച​ത്.

എ​ന്റെ പി​താ​വി​നൊ​പ്പം നി​ന്ന് പ്ര​വ​ർ​ത്തി​ച്ച​വ​​രേ​റെ​യു​ണ്ട് ഈ ​മ​ണ്ഡ​ല​ത്തി​ൽ. ജാ​തി​യും മ​ത​വും നോ​ക്കാ​തെ രാ​ഷ്ട്രീ​യ പ്ര​വ​ർ​ത്ത​നം ന​ട​ത്തു​ക​യാ​യി​രു​ന്നു പി​താ​വ്. ആ​രെ​ങ്കി​ലും വ​ല്ല ആ​വ​ശ്യ​ങ്ങ​ളു​മാ​യി വ​രു​മ്പോ​ൾ അ​​ദ്ദേ​ഹം ത​നി​ക്ക് വോ​ട്ടു ചെ​യ്ത​യാ​ളാ​ണോ അ​ല്ല​യോ എ​ന്ന് ഒ​രി​ക്ക​ലും പി​താ​വ് നോ​ക്കി​യി​ല്ല. ഏ​റ്റ​വും പി​റ​കി​ൽ നി​ന്ന വ്യ​ക്തി​യെ ആ​ദ്യം വി​ളി​ച്ച് അ​ദ്ദേ​ഹ​ത്തി​ന്റെ ആ​വ​ശ്യം ആ​ദ്യം നി​റ​വേ​റ്റി​ക്കൊ​ടു​ക്കു​ക​യാ​യി​രു​ന്നു പി​താ​വ് ചെ​യ്തി​രു​ന്ന​ത്. അ​തേ വ​ഴി​യി​ൽ മു​ന്നോ​ട്ടു​പോ​കാ​നാ​ണ് ഞാൻ ആ​ഗ്ര​ഹി​ക്കു​ന്ന​ത്.

• 2014ലെ​യും 2019ലെ​യും തെ​ര​ഞ്ഞെ​ടു​പ്പു​ക​ളി​ൽ​നി​ന്ന് വ്യ​ത്യ​സ്ത​മാ​യി 2024ൽ ​എ​ന്തു വ്യ​ത്യാ​സ​മാ​ണ് തോ​ന്നു​ന്ന​ത്​?

2014ലെ​യും 2019ലെ​യും ലോ​ക്സ​ഭ തെ​ര​ഞ്ഞെ​ടു​പ്പ് ദേ​ശീ​യ വി​ഷ​യ​ങ്ങ​ളി​ലാ​യി​രു​ന്നു​​വെ​ങ്കി​ൽ ഇ​താ​ദ്യ​മാ​യി ലോ​ക്സ​ഭ തെ​ര​ഞ്ഞെ​ടു​പ്പി​ൽ പ്രാ​ദേ​ശി​ക വി​ഷ​യ​ങ്ങ​ൾ ജ​നം ച​ർ​ച്ച ചെ​യ്യു​ന്ന​താ​ണ് കാ​ണു​ന്ന​ത്. ദേ​ശീ​യ​ത​ല​ത്തി​ൽ ബി.​ജെ.​പി സൃ​ഷ്ടി​ക്കു​ന്ന ന​രേ​റ്റീ​വി​ന്റെ പ്ര​ഭാ​വ​മൊ​ന്നും മ​ണ്ഡ​ല​ത്തി​ലി​റ​ങ്ങു​മ്പോ​ൾ ത​നി​ക്ക് കാ​ണാ​നാ​കു​ന്നി​ല്ല. രാ​മ​ക്ഷേ​ത്ര​ത്തി​ന്റെ പേ​രി​ൽ ബി.​ജെ.​പി പ്ര​തീ​ക്ഷി​ച്ച ത​രം​ഗം പോ​ലും പ​ടി​ഞ്ഞാ​റ​ൻ യു.​പി​യി​ലി​ല്ല.

• 2014ലും 2019​ലും തെ​ര​ഞ്ഞെ​ടു​പ്പ് റി​പ്പോ​ർ​ട്ട് ചെ​യ്യാ​ൻ വ​ന്ന​പ്പോ​ൾ പ​ടി​ഞ്ഞാ​റ​ൻ യു.​പി​യി​ൽ മു​സ്‍ലിം -ഹി​ന്ദു സ​മു​ദാ​യ നേ​താ​ക്ക​ൾ ഒ​രു​മി​ച്ച് പ്ര​ചാ​ര​ണം ന​ട​ത്തു​ന്ന​ത് കാ​ണാ​നാ​യി​രു​ന്നി​ല്ല. എ​ന്നാ​ൽ, ഇ​ക്കു​റി കൈ​രാ​ന​യി​ലും മു​സ​ഫ​ർ ന​ഗ​റി​ലും അ​ത​ല്ല സ്ഥി​തി. ഇ​തൊ​രു മാ​റ്റ​മാ​യി കാ​ണു​ന്നോ?

തീ​ർ​ച്ച​യാ​യും. രാ​ജ്യ​ത്തി​ന്റെ ന​ല്ല ഭാ​വി​ക്കാ​യു​ള്ള ​ഒ​രു മാ​റ്റ​ത്തി​ന്റെ തു​ട​ക്ക​മാ​ണ് ആ​ദ്യ​ഘ​ട്ട വോ​ട്ടെ​ടു​പ്പ് ന​ട​ക്കു​ന്ന പ​ടി​ഞ്ഞാ​റ​ൻ യു.​പി​യി​ലേ​തെ​ന്നാ​ണ് ഞാൻ ക​രു​തു​ന്ന​ത്. സ്വ​ന്തം ജീ​വി​ത​പ്ര​ശ്ന​ങ്ങ​ളി​ൽ​നി​ന്ന് ശ്ര​ദ്ധ​ തെ​റ്റി​ക്കാ​നു​ള്ള ബി.​ജെ.​പി​യു​ടെ അ​ജ​ണ്ട യു.​പി​യി​ൽ​പോ​ലും ജ​നം മ​ന​സ്സി​ലാ​ക്കി തു​ട​ങ്ങി​യി​രി​ക്കു​ന്നു. ത​ങ്ങ​ളു​ടെ പ്ര​ശ്ന​ങ്ങ​ളും പ്ര​യാ​സ​ങ്ങ​ളും തെ​ര​ഞ്ഞെ​ടു​പ്പ് വി​ഷ​യ​ങ്ങ​ളാ​യി ജ​നം ച​ർ​ച്ച ചെ​യ്യാ​ൻ തു​ട​ങ്ങി​യി​രി​ക്കു​ന്നു.

വ​ർ​ഗീ​യ​ത​ക്ക് പ​ക​രം ലോ​ക്സ​ഭ മ​ണ്ഡ​ല​ത്തി​ന്റെ ആ​വ​ശ്യ​ങ്ങ​ളെ​ക്കു​റി​ച്ച് ജ​നം സം​സാ​രി​ച്ച് തു​ട​ങ്ങി​യി​രി​ക്കു​ന്നു. മ​ത​ത്തി​ന്റെ പേ​രി​ലു​ള്ള രാ​ഷ്ട്രീ​യം യു.​പി​യി​ലും രാ​ജ്യ​ത്തും അ​വ​സാ​നി​ക്കു​ന്ന​തി​ന്റെ തു​ട​ക്ക​മാ​കും ഇ​ത്.അ​തി​നാ​ൽ ഇ​ൻ​ഡ്യ സ​ഖ്യ​ത്തി​ന്റെ വി​ജ​യം അ​നി​വാ​ര്യ​വു​മാ​ണ്.

• ലോ​ക്സ​ഭ തെ​ര​ഞ്ഞെ​ടു​പ്പി​ൽ ദേ​ശീ​യ വി​ഷ​യ​ങ്ങ​ളെ​പോ​ലെ പ്ര​ധാ​ന​മാ​ണോ മ​ണ്ഡ​ല​ത്തി​ലെ ജ​ന​ങ്ങ​ളു​ടെ കാ​ര്യം​?

പ​ടി​ഞ്ഞാ​റ​ൻ യു.​പി​യെ സം​​ബ​ന്ധി​ച്ചേ​ട​ത്തോ​ളം ദേ​ശീ​യ, സം​സ്ഥാ​ന രാ​ഷ്ട്രീ​യ വി​ഷ​യ​ങ്ങ​​ളെ​പോ​ലെ പ്ര​ധാ​ന​മാ​ണ് മ​ണ്ഡ​ല​ത്തി​ന്റെ സ്വ​ന്തം പ്ര​ശ്ന​ങ്ങ​ൾ. ക​ർ​ഷ​ക​രു​ടെ പ്ര​ശ്ന​ങ്ങ​ളും വി​ല​ക്ക​യ​റ്റ​വും തൊ​ഴി​ലി​ല്ലാ​യ്മ​യും സ്വ​ന്തം ലോ​ക്സ​ഭ മ​ണ്ഡ​ല​ത്തി​​ന്റേ​തെ​ന്ന​പോ​ലെ രാ​ജ്യ​ത്തി​ന്റേ​തു​മാ​ണ്. ക​​ഴി​ഞ്ഞ അ​ഞ്ചു​വ​ർ​ഷം കൈ​രാ​ന മ​ണ്ഡ​ല​ത്തി​ലെ ജ​നം എ​ന്ത് പ്ര​തീ​ക്ഷി​ച്ചോ അ​ത​വ​ർ​ക്ക് കി​ട്ടി​യി​ട്ടി​ല്ല. ഉ​ത്ത​ർ​പ്ര​ദേ​ശി​ലെ ഡ​ബി​ൾ എ​ൻ​ജി​ൻ സ​ർ​ക്കാ​റി​ന്റെ ലാ​ഭം കൈ​രാ​ന​യി​ലേ​ക്ക് എ​ത്തി​യി​ട്ടി​ല്ല.

• മോ​ദി -യോ​ഗി ഡ​ബി​ൾ എ​ൻ​ജി​ന്റെ ലാ​ഭം എ​ന്തു​കൊ​ണ്ടാ​ണ് എ​ത്താ​തി​രു​ന്ന​ത്?

സ​ർ​ക്കാ​റി​ന്റെ ക്ഷേ​മ പ്ര​വ​ർ​ത്ത​ന​ങ്ങ​ൾ ജ​ന​ങ്ങ​ളി​ലെ​ത്തി​ക്കേ​ണ്ട ബാ​ധ്യ​ത ഈ ​ര​ണ്ട് കൂ​ട്ട​ർ​ക്കു​മി​ട​യി​ൽ നി​ൽ​ക്കു​ന്ന ജ​ന​പ്ര​തി​നി​ധി​ക​ൾ​ക്കാ​ണ്. ജ​ന​ങ്ങ​ളു​ടെ സു​ഖ​ദുഃ​ഖ​ങ്ങ​ൾ​ക്കൊ​പ്പം നി​ൽ​ക്കു​ക​യാ​ണ് ജ​ന​പ്ര​തി​നി​ധി​യു​ടെ പ്ര​ഥ​മ ക​ർ​ത്ത​വ്യം. ജ​ന​ങ്ങ​ളു​ടെ അ​ന്ത​സ്സും ആ​ത്മാ​ഭി​മാ​ന​വും അ​വ​രു​ടെ ജ​ന​പ്ര​തി​നി​ധി കാ​ക്ക​ണം.

അ​വ​രു​ടെ പ്ര​യാ​സ​ങ്ങ​ൾ ദു​രീ​ക​രി​ക്കാ​നും അ​വ പാ​ർ​ല​മെ​ന്റി​ൽ ഉ​ന്ന​യി​ച്ച് സ​ർ​ക്കാ​റി​ന്റെ ശ്ര​ദ്ധ​യി​ൽ കൊ​ണ്ടു​വ​രാ​നും നോ​ക്ക​ണം. ജ​ന​പ്ര​തി​നി​ധി​ക​ൾ അ​ഹ​ങ്കാ​രി​ക​​ളാ​യ​തോ​ടെ ത​ങ്ങ​ൾ വ​ഞ്ചി​ത​രാ​യെ​ന്ന് ജ​നം തി​രി​ച്ച​റി​ഞ്ഞി​രി​ക്കു​ന്നു. ജ​ന​പ്ര​തി​നി​ധി​ക​ൾ ജ​യി​ച്ചു​ക​ഴി​ഞ്ഞാ​ൽ പാ​ർ​ട്ടി നി​ല​പാ​ടു​ക​ൾ മ​റ​ന്ന് മ​ണ്ഡ​ല​ത്തി​നാ​യി നി​ൽ​ക്ക​ണ​മെ​ന്നാ​ണ് ഞാൻ പ​റ​യു​ന്ന​ത്.

ക​ഴി​ഞ്ഞ ​പ്രാ​വ​ശ്യം കൈ​രാ​ന​യി​ൽ​നി​ന്ന് ജ​യി​ച്ചു​പോ​യ എം.​പി​യു​ടെ അ​നു​ഭ​വം ജ​ന​ത്തി​ന് മു​ന്നി​ലു​ണ്ട്. അ​തു​വെ​ച്ചാ​ണ് ഇ​നി എനി​ക്കൊ​ര​വ​സ​രം ന​ൽ​കൂ എ​ന്ന് ഞാ​ൻ ആ​വ​ശ്യ​പ്പെ​ടു​ന്ന​ത്. സു​ഖ​ദുഃ​ഖ​ങ്ങ​ളി​ൽ കൂ​ടെ​നി​ന്ന് അ​ന്ത​സ്സി​നാ​യു​ള്ള പോ​രാ​ട്ട​ത്തി​ൽ ജ​ന​ത്തോ​ടൊ​പ്പ​മു​ണ്ടാ​കു​മെ​ന്നാ​ണ് ഞാ​ൻ പ​റ​യു​ന്ന​ത്. ക​ഴി​ഞ്ഞ അ​ഞ്ചു​വ​ർ​ഷം ഈ ​മ​ണ്ഡ​ല​ത്തി​ലെ ജ​ന​ങ്ങ​ളെ കേ​ൾ​ക്കാ​ൻ ആ​രു​മി​ല്ലാ​യി​രു​ന്നു.