ഈ ​പോ​രാ​ട്ടം വാ​രാ​ണ​സി​യി​ലെ രോ​ഗി​ക​ൾ​ക്കു വേ​ണ്ടി

ഇവിടെ എ​യിം​സ് സ്ഥാ​പി​ക്കാ​നാ​കു​മാ​യി​രു​ന്നു. എ​ന്നാ​ൽ ഈ ​മെ​ഡി​ക്ക​ൽ കോ​ള​ജി​ലു​ള്ള​വ​ർ ത​ട​സ്സ​ങ്ങ​ൾ തീ​ർ​ത്തു. ആ​ദ്യം സ​മ്മ​തി​ച്ച കേ​ന്ദ്ര സ​ർ​ക്കാ​ർ പി​ന്നീ​ട് വാ​ക്കു മാ​റ്റി. ക​ഴി​ഞ്ഞ 10 വ​ർ​ഷ​മാ​യി പ്ര​ധാ​ന​മ​ന്ത്രി ​പ്ര​തി​നി​ധാ​നം​ചെ​യ്യു​ന്ന മ​ണ്ഡ​ല​മാ​ണി​തെ​ന്നോ​ർ​ക്ക​ണം

പ്ര​ധാ​ന​മ​ന്ത്രി​യു​ടെ മ​ണ്ഡ​ല​മാ​യ വാ​രാ​ണ​സി തെ​ര​ഞ്ഞെ​ടു​പ്പ് ചൂ​ടി​ല​മ​രു​മ്പോ​ൾ ബ​നാ​റ​സ് ഹി​ന്ദു യൂ​നി​വേ​ഴ്സി​റ്റി മെ​ഡി​ക്ക​ൽ കോ​ള​ജി​ലെ അ​ഴി​മ​തി​ക്കെതി​രെ ആ​ശു​പ​ത്രി​ക്ക​ക​ത്ത് മ​ര​ണം​വ​രെ ഉ​പ​വാ​സ സ​മ​ര​ത്തി​ലാ​ണ് പ്ര​മു​ഖ ഹൃ​ദ്രോ​ഗ വി​ദ​ഗ്ധ​ൻ ഡോ. ​ഓം ശ​ങ്ക​ർ. ആ​രോ​ഗ്യ​മേ​ഖ​ല​യി​ലെ അ​പ​ര്യാ​പ്ത​ത​ക്കെ​തി​രെ ദേ​ശീ​യ​ത​ല​ത്തി​ൽ ത​ന്നെ സ​മ​രം ന​യി​ച്ചി​ട്ടു​ള്ള ഡോ​ക്ട​ർ, സ​മ​ര വേ​ദി​യാ​ക്കി മാ​റ്റി​യ മെ​ഡി​ക്ക​ൽ കോ​ള​ജ് ഹൃ​ദ്രോ​ഗ വി​ഭാ​ഗ​ത്തി​ലെ സ്വ​ന്തം ചേം​ബ​റി​ൽ കി​ട​ന്ന് ‘മാ​ധ്യ​മ’​ത്തി​ന് ന​ൽ​കി​യ അ​ഭി​മു​ഖം

വാ​രാ​ണ​സി​യി​ലെ ഏ​റ്റ​വും വ​ലി​യ ആ​ശു​പ​ത്രി​ക്ക​ക​ത്ത് ഉ​പ​വാ​സ സ​മ​രം ന​യി​ക്കാ​നു​ണ്ടാ​യ സാ​ഹ​ച​ര്യം എ​ന്താ​ണ്?

വൈ​സ് ചാ​ൻ​സ​ല​റു​ടെ ഓ​ഫി​സി​ൽ സ​മ​രം ന​ട​ത്താ​നാ​ണ് നി​ശ്ച​യി​ച്ചി​രു​ന്ന​ത്. വൈ​സ് ചാ​ൻ​സ​ല​ർ സ്ഥ​ല​ത്തി​ല്ല. വി.​സി​യു​ടെ ഓ​ഫി​സി​നു മു​ന്നി​ൽ സ​മ​രം അ​നു​വ​ദി​ക്കി​ല്ലെ​ന്ന് പൊ​ലീ​സ് പ​റ​ഞ്ഞു. അ​​തോ​ടെ, മെയ് 11 മുതൽ ഞാൻ ചേം​ബ​റി​നു​ള്ളി​ൽ സ​മ​രമാരംഭി​ച്ചു. സ​മ​ര​ത്തി​നി​ട​യി​ലും രോ​ഗി​ക​ളെ പ​രി​ശോ​ധി​ക്കുന്നതിൽ മുടക്കം വരുത്തില്ല,. എ​ന്റെ സ​മ​രം രോ​ഗി​ക​ളോ​ട​ല്ല. രോ​ഗി​ക​ൾ​ക്കു​വേ​ണ്ടി​യാ​ണ്. അ​തി​നാ​ൽ അ​വ​രെ പ്ര​യാ​സ​പ്പെ​ടു​ത്താ​നാ​വി​ല്ല. ഇന്ത്യയിലെ മാത്രമല്ല, നേ​പ്പാ​ൾ, ഭൂ​ട്ടാ​ൻ, ബം​ഗ്ലാ​ദേ​ശ് എ​ന്നീ അ​യ​ൽ രാ​ജ്യ​ങ്ങ​ളി​ലെ രോ​ഗി​ക​ളുടെയും ആ​ശ്ര​യ​മാ​ണിവിടം.

എ​ന്താ​ണ് താ​ങ്ക​ളു​ടെ സ​മ​രാ​വ​ശ്യ​ങ്ങ​ൾ?

വാ​രാ​ണ​സി​യി​ലെ മാ​ത്ര​മ​ല്ല ആ​റ് ഉ​ത്ത​രേ​ന്ത്യ​ൻ സം​സ്ഥാ​ന​ങ്ങ​ളി​ലെ ആ​രോ​ഗ്യാ​വ​കാ​ശ​ത്തി​നു​ള്ള സ​മ​ര​മാ​ണി​ത്. ബ​നാ​റ​സ് ഹി​ന്ദു യൂ​നി​വേ​ഴ്സി​റ്റി വൈ​സ് ചാ​ൻ​സ​ല​ർ ഡോ.സുധീർ കുമാർ ജെയിനിനെ സ്ഥാനത്തു നിന്ന് മാ​റ്റി നി​യ​മ​വും ച​ട്ട​വും പാ​ലി​ക്കു​ക. അ​ഴി​മ​തി​ക്കാ​ര​നെ​ന്ന് ക​ണ്ടെ​ത്തി​യ ബി.​എ​ച്ച്.​യു മെ​ഡി​ക്ക​ൽ ​കോ​ള​ജ് ആ​ശു​പ​ത്രി സൂ​പ്ര​ണ്ട് കെ.കെ ഗുപ്തയെ നീ​ക്കം ചെ​യ്യു​ക. മെ​ഡി​ക്ക​ൽ കോ​ള​ജി​ൽ പ​ണി​ത പു​തി​യ ബ്ലോ​ക്കി​ലെ നാ​ലാം​നി​ല നേ​ര​ത്തേ തീ​രു​മാ​നി​ച്ച​പോ​ലെ ഹൃ​ദ്രോ​ഗ ചി​കി​ത്സ​ക്കാ​യി വി​ട്ടു​ന​ൽ​കു​ക. ഇ​ത്ര​യു​മാ​ണ് ആ​വ​ശ്യ​ങ്ങ​ൾ.

അ​ഴി​മ​തി ക​ണ്ടെ​ത്തി​യ ശേ​ഷ​വും സൂ​പ്ര​ണ്ട് സ​ർ​വി​സി​ൽ തി​രി​ച്ചെ​ത്തി​യ​ത് എ​ങ്ങ​നെ​യാ​ണ്?

സ​ർ​വി​സി​ൽ​നി​ന്ന് നീ​ക്കം​ചെ​യ്ത ശേ​ഷം ശി​ക്ഷി​ക്കു​ന്ന​തി​നു പ​ക​രം ആ​ശു​പ​ത്രി​യി​ലെ സു​​പ്ര​ധാ​ന​മാ​യ, ധാ​രാ​ളം പ​ണ​മി​ട​പാ​ട് ന​ട​ക്കു​ന്ന എ​മ​ർ​ജ​ൻ​സി വി​ഭാ​ഗ​ത്തി​ന്റെ ചു​മ​ത​ല ന​ൽ​കി അ​ദ്ദേ​ഹ​ത്തെ തി​രി​കെ കൊ​ണ്ടു​വ​ന്നു. അ​ഴി​മ​തി​യും ക്ര​മ​ക്കേ​ടും ന​ട​ത്തി​യ​തി​നു​ള്ള പ്ര​തി​ഫ​ല​മാ​ണി​ത്. നി​യ​മ​വാ​ഴ്ച​യി​ൽ വി​ശ്വ​സി​ക്കു​ന്ന മ​നു​ഷ്യ​ർ​ക്ക് സ​ങ്ക​ൽ​പി​ക്കാ​ൻ ക​ഴി​യു​ന്ന​താ​ണോ ഇ​ത്?

അ​ഴി​മ​തി​ക്കെ​തി​രെ സം​സാ​രി​ക്കു​ന്ന താ​ങ്ക​ളോ​ടു​ള്ള സ​മീ​പ​നം എ​ങ്ങ​നെ​യാ​ണ്?

എ​ന്നോ​ടു​ള്ള വി​രോ​ധ​ത്താ​ൽ ഹൃ​ദ്രോ​ഗ വി​ഭാ​ഗ​ത്തെ​ത്ത​ന്നെ ത​ക​ർ​ക്കാ​നാ​ണ് ​ശ്ര​മം. പു​തി​യ ബ്ലോ​ക്കി​ൽ ഹൃ​ദ്രോ​ഗ വി​ഭാ​ഗ​ത്തി​ന് അ​നു​വ​ദി​ക്ക​പ്പെ​ട്ട 41 കി​ട​ക്ക​ക​ൾ ​ഉ​ള്ള ഭാ​ഗം വി​ട്ടു​ന​ൽ​കാ​തെ അ​ദ്ദേ​ഹം പൂ​ട്ടി​യി​ട്ടു. വാ​രാ​ണ​സി പോ​ലൊ​രു ന​ഗ​ര​ത്തി​ൽ, ബി.​എ​ച്ച്.​യു പോ​ലൊ​രു സ്ഥാ​പ​ന​ത്തി​ൽ ഇ​ത്ത​ര​മൊ​രു അ​സം​ബ​ന്ധം ന​ട​ക്കു​ന്നു​വെ​ന്ന് കേ​ട്ടാ​ൽ താ​ങ്ക​ൾ​ക്ക് വി​ശ്വ​സി​ക്കാ​നാ​കു​മോ? യ​ഥാ​ർ​ഥ​ത്തി​ൽ എ​ന്നോ​ട​ല്ല, പാ​വ​പ്പെ​ട്ട രോ​ഗി​ക​ളോ​ടാ​ണ് അ​യാ​ൾ അ​തി​ക്ര​മം കാ​ണി​ക്കു​ന്ന​ത്.

ഇ​തി​ന് മു​മ്പും താ​ങ്ക​ൾ സ​മ​ര മു​ഖ​ത്തു​ണ്ടാ​യി​രു​ന്ന​​ല്ലോ. അ​തെ​ന്തി​നാ​യി​രു​ന്നു?

ഇ​തെ​ന്റെ നാ​ലാ​മ​ത്തെ സ​മ​ര​മാ​ണ്. ജ​ന​ങ്ങ​ളു​ടെ ആ​രോ​ഗ്യ അ​വ​കാ​ശം ഉ​റ​പ്പാ​ക്കാ​നു​ള്ള പോ​രാ​ട്ട​മാ​ണ് ഞാ​ൻ ന​ട​ത്തു​ന്ന​ത്. ഇ​തി​ന്റെ ഭാ​ഗ​മാ​യി വാ​രാ​ണ​സി​യി​ൽ എ​യിം​സ് സ്ഥാ​പി​ക്ക​ണ​മെ​ന്ന ആ​വ​ശ്യം ഞാ​ൻ ഉ​ന്ന​യി​ച്ചു. ബ​നാ​റ​സ് ഹി​ന്ദു സ​ർ​വ​ക​ലാ​ശാ​ല മെ​ഡി​ക്ക​ൽ കോ​ള​ജ് കാ​മ്പ​സി​ന്റെ ഭാ​ഗ​മാ​യി എ​യിം​സ് സ്ഥാ​പി​ക്കാ​നാ​കു​മാ​യി​രു​ന്നു. എ​ന്നാ​ൽ ഈ ​മെ​ഡി​ക്ക​ൽ കോ​ള​ജി​ലു​ള്ള​വ​ർ വാ​രാ​ണ​സി​യി​ൽ എ​യിം​സ് വ​രു​ന്ന​തി​ന് ത​ട​സ്സ​ങ്ങ​ൾ തീ​ർ​ത്തു. ആ​ദ്യം സ​മ്മ​തി​ച്ച കേ​ന്ദ്ര സ​ർ​ക്കാ​ർ പി​ന്നീ​ട് വാ​ക്കു മാ​റ്റി. ക​ഴി​ഞ്ഞ 10 വ​ർ​ഷ​മാ​യി പ്ര​ധാ​ന​മ​ന്ത്രി ​പ്ര​തി​നി​ധാ​നം​ചെ​യ്യു​ന്ന മ​ണ്ഡ​ല​മാ​ണി​തെ​ന്നോ​ർ​ക്ക​ണം. ഇ​പ്പോ​ൾ ബി.​എ​ച്ച്.​യു മെ​ഡി​ക്ക​ൽ കോ​ള​ജി​ൽ ബെ​ഡു​ക​ളു​ടെ എ​ണ്ണം കൂ​​ട്ടാ​നും ത​ട​സ്സം നി​ൽ​ക്കു​ന്നു. ഇ​വി​ടെ 3600 രോ​ഗി​ക​ളെ​ത്തു​ന്ന​തി​ൽ 47 കി​ട​ക്ക​ക​ൾ മാ​ത്ര​മാ​ണ് ഹൃ​ദ്രോ​ഗി​ക​ൾ​ക്കു​ള്ള​ത്. 2019ലെ ​സ​മ​ര​ത്തെ തു​ട​ർ​ന്ന് എ​യിം​സ് സാ​ധ്യ​മാ​യി​ല്ലെ​ങ്കി​ലും നി​ല​വി​ലു​ള്ള 47 കി​ട​ക്ക​ക​ൾ​ക്കു പു​റ​മെ 41 കി​ട​ക്ക​ക​ൾ കൂ​ടി അ​നു​വ​ദി​ച്ചു. അ​തി​നാ​ണ് ഇ​പ്പോ​ൾ ത​ട​സ്സ​ങ്ങ​ൾ സൃ​ഷ്ടി​ക്കു​ന്ന​ത്.

സ​ർ​ക്കാ​റി​ന്റെ ഭാ​ഗ​ത്തു​നി​ന്നു​ള്ള പ്ര​തി​കാ​ര ന​ട​പ​ടി ഭ​യ​ക്കു​ന്നി​ല്ലേ?

ഞാ​ൻ അ​തി​നെ​യൊ​ന്നും ഭ​യ​പ്പെ​ടു​ന്നി​ല്ല. 15 ദി​വ​സം നീ​ണ്ടു​നി​ന്ന ആ​ദ്യ സ​മ​ര​ത്തി​​ന്റെ പേ​രി​ൽ എ​ന്നെ 14 മാ​സം സ​സ്​​പെ​ൻ​ഡ് ചെ​യ്തു. വീ​ട്ടു​ത​ട​ങ്ക​ലി​ലാ​ക്കി ഒ​രു ഭീ​ക​ര​നോ​ടെ​ന്ന പോ​ലെ​യാ​ണ് എ​ന്നോ​ട് പെ​രു​മാ​റി​യ​ത്. എ​ല്ലാ പൗ​ര​ർ​ക്കും ആ​രോ​ഗ്യ​ത്തി​നു​ള്ള അ​വ​കാ​ശം ചോ​ദി​ച്ച​താ​ണ് ഞാ​ൻ ചെ​യ്ത കു​റ്റം. സ​സ്പെ​ൻ​ഷ​ൻ കാ​ല​യ​ള​വി​ൽ നി​യ​മ​പ​ര​മാ​യി അ​ർ​ഹ​ത​പ്പെ​ട്ട അ​ല​വ​ൻ​സ് ത​ന്നി​ല്ല. എ​ന്റെ പ്ര​മോ​ഷ​നും ത​ട​ഞ്ഞു​വെ​ച്ചു. അ​തൊ​ന്നും എ​​ന്നെ സ​മ​ര​മു​ഖ​ത്തു​നി​ന്ന് പി​ന്തി​രി​പ്പി​ക്കി​ല്ല.

രാ​ജ്യ​ത്തെ ആ​രോ​ഗ്യ​മേ​ഖ​ല​യെ കു​റി​ച്ചു​ള്ള താ​ങ്ക​ളു​ടെ കാ​ഴ്ച​പ്പാ​ട് എ​ന്താ​ണ്?

ബ​ജ​റ്റി​ന്റെ 10 ശ​ത​മാ​നം വി​ഹി​തം ആ​രോ​ഗ്യ​മേ​ഖ​ല​യി​ലെ വി​ക​സ​ന പ്ര​വ​ർ​ത്ത​ന​ങ്ങ​ൾ​ക്കാ​യി സ​ർ​ക്കാ​ർ നീ​ക്കി​വെ​ക്ക​ണം. ഈ 10 ​ശ​ത​മാ​ന​ത്തി​ന്റെ പ​കു​തി ചെ​ല​വി​ടേ​ണ്ട​ത് പ്രാ​ഥ​മി​ക ആ​രോ​ഗ്യ ​കേ​ന്ദ്ര​ങ്ങ​ൾ​ക്കാ​യാ​ണ്. വാ​ക്സി​നേ​ഷ​ൻ, പോ​ഷ​കാ​ഹാ​ര​ക്കു​റ​വ് നി​ക​ത്ത​ൽ തു​ട​ങ്ങി​യ പ്ര​വ​ർ​ത്ത​ന​ങ്ങ​ൾ ന​ട​ക്കു​​ന്ന​ത് പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ളി​ലാ​ണ്. ര​ണ്ടു ശ​ത​മാ​നം ബ​ജ​റ്റ് വി​ഹി​തം ആ​രോ​ഗ്യ​പ​രി​ര​ക്ഷ​യു​ടെ ദ്വി​തീ​യ ത​ല​ത്തി​ലേ​ക്ക് പോ​ക​ണം. മൂ​ന്നു ശ​ത​മാ​നം ത്രി​തീ​യ-​സൂ​പ്പ​ർ സ്​​പെ​ഷാ​ലി​റ്റി ത​ല​ത്തി​ലേ​ക്കും മാ​റ്റി​വെ​ക്ക​ണം. 3-5 കോ​ടി ജ​ന​ങ്ങ​ൾ​ക്ക് ഒ​ന്ന് എ​ന്ന തോ​തി​ൽ രാ​ജ്യ​ത്തി​ന്റെ എ​ല്ലാ ഭാ​ഗ​ങ്ങ​ളി​ലും എ​യിം​സ് അ​നു​വ​ദി​ക്ക​ണം. രാ​ജ്യ​മൊ​ട്ടു​ക്കും എ​ത്ര ജി​ല്ല ആ​ശു​പ​ത്രി​ക​ളു​ണ്ടോ അ​വ​യെ​ല്ലാം മെ​ഡി​ക്ക​ൽ കോ​ള​ജു​ക​ളാ​ക്ക​ണം.