തിരുവനന്തപുരം: മുഖ്യമന്ത്രി രാജി വെക്കണമെന്നാവശ്യപ്പെട്ട് നിയമസഭയിൽ പ്രതിപക്ഷ ബഹളം. സോളാർ കേസിൽ ബുധനാഴ്ച ബിജു രാധാകൃഷ്ണൻ നൽകിയ വിവാദ മൊഴിയുടെ പശ്ചാത്തലത്തിൽ മുഖ്യമന്ത്രി രാജിവെക്കണമെന്നാവശ്യപ്പെടുന്ന പ്ളക്കാർഡുകളും ബാനറുകളുമായാണ് പ്രതിപക്ഷം സഭയിലെത്തിയത്. ചോദ്യോത്തരവേള ആരംഭിച്ചതോടെ മുഖ്യമന്ത്രിക്കെതിരെ പ്രതിപക്ഷം മുദ്രാവാക്യം ഉയർത്തി. എന്നാൽ ചോദ്യോത്തരവേള തടസപ്പെടുത്താൻ പ്രതിപക്ഷം തയാറായില്ല. ഇപ്പോൾ സഭാനടപടികൾ സുഗമമായി പുരോഗമിക്കുന്നു.
എന്നാൽ, ശൂന്യവേളയിൽ പ്രതിപക്ഷം മുഖ്യമന്ത്രിക്കെതിരെ അടിയന്തിര പ്രമേയം അവതരിപ്പിക്കാനുള്ള അനുമതി തേടുമെന്നാണ് സൂചന. വിഷയത്തിൽ പ്രതിപക്ഷം സമരപരിപാടികളുമായി മുന്നോട്ടുപോകുമെന്നാണ് കരുതപ്പെടുന്നത്. ഇന്ന് ഇടതുമുന്നണിയുടെ നേതൃത്വത്തിൽ നിയമസഭയിലേക്ക് മാർച്ച് നടത്തുമെന്നും അറിയുന്നു.
നിയമസഭ സമ്മേളനം ആരംഭിച്ചപ്പോൾ മുതൽ മന്ത്രി കെ.ബാബു രാജിവെക്കണമെന്ന ആവശ്യവുമായി പ്രതിഷേധം ഉയർത്തിയിരുന്ന പ്രതിപക്ഷം പുതിയ സാഹചര്യത്തിൽ മുഖ്യമന്ത്രിയെയായിരിക്കും ലക്ഷ്യമിടുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.