കൊച്ചി: ഫസൽ വധക്കേസിൽ ജാമ്യ വ്യവസ്ഥയിൽ ഇളവ് അനുവദിക്കണമെന്ന് ആവശ്യപ്പെട്ട് കാരായിമാർ നൽകിയ ഹരജി െഹെകോടതി തള്ളി. എറണാകുളം ജില്ല വിടരുതെന്ന ജാമ്യ വ്യവസ്ഥയിൽ ഇളവ് തേടിയാണ് ഹരജി സമർപ്പിച്ചത്.
ജനപ്രതിനിധികൾ എന്ന നിലയിൽ ചുമതലകൾ നിർവഹിക്കാനും കണ്ണൂർ ജില്ലയിൽ പ്രവേശിക്കാനും ജാമ്യവ്യവസ്ഥയിൽ ഇളവ് അനുവദിക്കണമെന്ന് ആവശ്യപ്പെട്ടാണ് പ്രാദേശിക നേതാക്കളായ കാരായി രാജനും കാരായി ചന്ദ്രശേഖരനും ഹരജി നൽകിയത്. എന്നാൽ ഹരജിയെ സി.ബി.ഐ ഹൈകോടതിയിൽ എതിർത്തു.
ജാമ്യവ്യവസ്ഥയിൽ ഇളവനുവദിച്ചാൽ സാക്ഷികളെ ഭീഷണിപ്പെടുത്തി സ്വാധീനിക്കാനിടയുണ്ടെന്നും അതിനാൽ ആവശ്യം അനുവദിക്കരുതെന്നുമായിരുന്നു സി.ബി.ഐയുടെ നിലപാട്. ജാമ്യ വ്യവസ്ഥയെ മറികടക്കാനാണ് പ്രതികൾ തെരഞ്ഞെടുപ്പിൽ മത്സരിച്ചതെന്നും സി.ബി.ഐ വാദിച്ചിരുന്നു. വാദങ്ങൾ അംഗീകരിച്ച ജസ്റ്റിസ് സുനിൽ തോമസ് കാരായിമാരുടെ ഹരജി തള്ളുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.