ഉപ്പള (കാസര്‍കോട്): ലാവലിന്‍ കേസുമായി ബന്ധപ്പെട്ട പുതിയ വിവാദത്തില്‍ ശ്രദ്ധ കേന്ദ്രീകരിക്കാന്‍ ജനങ്ങള്‍ക്ക് താല്‍പര്യമില്ളെന്നും യു.ഡി.എഫ് കുഴിച്ച കുഴിയില്‍ വീഴാന്‍ സി.പി.എമ്മിനെ കിട്ടില്ളെന്നും കോടിയേരി ബാലകൃഷ്ണന്‍. ഉപ്പളയില്‍ നവകേരള മാര്‍ച്ചിന്‍െറ ഉദ്ഘാടന പരിപാടിയില്‍ സംസാരിക്കുകയായിരുന്നു. നവകേരള മാര്‍ച്ചിന്‍െറ ശ്രദ്ധ തെറ്റിച്ച്, യാത്രാവിഷയം ലാവലിനാക്കി മാറ്റാനാണ് കോണ്‍ഗ്രസ് ഇപ്പോള്‍ ഇത് എടുത്തിട്ടത്. പ്രതികരിക്കാന്‍ സി.പി.എം നേതാക്കളെ കിട്ടില്ല. സംഘ്പരിവാര്‍ നേതാക്കള്‍ കാലുതൊട്ടു വണങ്ങുമ്പോള്‍ നിന്നുകൊടുക്കരുതെന്ന്, കുമ്മനം രാജശേഖരന്‍ ബിഷപ്പിന്‍െറ കാലുതൊട്ടു വണങ്ങിയതിനെ സൂചിപ്പിച്ച് കോടിയേരി പറഞ്ഞു. മഹാത്മാഗാന്ധി, കല്‍ബുര്‍ഗി എന്നിവരെ കാലുതൊട്ടു വന്ദിച്ച ശേഷമാണ് സംഘ്പരിവാര്‍ കൊലപ്പെടുത്തിയതെന്നും കോടിയേരി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.