കോട്ടയം: പാത ഇരട്ടിപ്പിക്കലിനെ തുടർന്ന് കോട്ടയം വഴിയുള്ള ട്രെയിൻ ഗതാഗതത്തിന് നിയന്ത്രണം. എറണാകുളം-കായംകുളം പാസഞ്ചർ (രാവിലെ 11.30 എ.എം), വൈകിട്ടത്തെ കായംകുളം-എറണാകുളം പാസഞ്ചർ, കൊല്ലം-എറണാകുളം മെമു (2.40 പി.എം) എന്നിവ റദ്ദാക്കി.
മംഗലാപുരം-നാഗർകോവിൽ പരശുറാം എക്സ്പ്രസ്, കന്യാകുമാരി-മുംബൈ എക്സ്പ്രസ് എന്നീ ട്രെയിനുകൾ ആലപ്പുഴ വഴി തിരിച്ചുവിടും. ഈ ട്രെയിനുകൾക്ക് എറണാകുളം ജംങ്ഷൻ, ചേർത്തല, ആലപ്പുഴ, അമ്പലപ്പുഴ, ഹരിപ്പാട് എന്നീ സ്റ്റേഷനുകളിൽ പ്രത്യേക സ്റ്റോപ്പ് അനുവദിക്കും.
ഹൈദരാബാദ്-തിരുവനന്തപുരം ശബരി എക്സ്പ്രസ് രണ്ട് മണിക്കൂറും ലോകമാന്യതിലക്-കൊച്ചുവേളി എക്സ്പ്രസ് 35 മിനിറ്റും പിടിച്ചിടും. ന്യൂഡൽഹി-തിരുവനന്തപുരം കേരളാ എക്സ്പ്രസ് തിരുവനന്തപുരത്തിനും കായംകുളത്തിനും ഇടയിൽ ഒന്നേകാൽ മണിക്കൂർ വൈകുമെന്നും സതേൺ റെയിൽവേ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.