പാലക്കാട്: വാളയാറിലെ ചെക്പോസ്റ്റ് വിഷയമുള്‍പ്പെടെയുള്ള കാര്യങ്ങളില്‍ തീരുമാനമെടുക്കാന്‍ വകുപ്പ് ഉദ്യോഗസ്ഥരുടെയും ലോറി ഉടമ പ്രതിനിധികളുടെയും സംയുക്ത യോഗം മാര്‍ച്ച് അവസാനം വാളയാറില്‍ ചേരും. മുഖ്യമന്ത്രിയുടെ ഉപദേഷ്ടാവ് ജിജി തോംസണും ലോറി ഉടമ സംഘം ഭാരവാഹികളും തിരുവനന്തപുരത്ത് ചര്‍ച്ച നടത്തിയതിനെ തുടര്‍ന്നാണ് സംയുക്ത യോഗം വാളയാറില്‍ ചേരാന്‍ തീരുമാനിച്ചത്. ഇതിനെതുടര്‍ന്ന് വെള്ളിയാഴ്ച മുതല്‍ ആരംഭിക്കാനിരുന്ന അനിശ്ചിതകാല ലോറി സമരം മാറ്റിവെച്ചു. മോട്ടോര്‍ ട്രാന്‍സ്പോര്‍ട്ട് കോണ്‍ഗ്രസ് ചെയര്‍മാന്‍ ജി.ആര്‍. ഷണ്‍മുഖപ്പ, കെ.എം. രവീന്ദ്രന്‍, എം. നന്ദുകുമാര്‍, അഡീഷനല്‍ സെക്രട്ടറി ഐസക് ഇട്ടി, വാണിജ്യനികുതി വകുപ്പ് അസി. കമീഷണര്‍ പി.എസ്. കിരണ്‍ലാല്‍ എന്നിവര്‍ ചര്‍ച്ചയില്‍ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.