തിരുവനന്തപുരം: സംസ്ഥാനത്ത് വ്യാഴാഴ്ച 3324 പേർക്ക് കോവിഡ് സ്ഥിരീകരിച്ചു. 17 മരണം റിപ്പോർട്ട് ചെയ്തു. രോഗികൾ കൂടുതൽ എറണാകുളം ജില്ലയിലാണ് -736. ഇവിടെ ഏഴുപേർ മരിച്ചു. തൊട്ടടുത്ത് തിരുവനന്തപുരം ജില്ലയാണ് -731.
ഇവിടെ മൂന്ന് മരണവും തൃശൂരിൽ നാല് മരണവും വ്യാഴാഴ്ച റിപ്പോർട്ട് ചെയ്തു. വിവിധ ജില്ലകളിലായി 14,559 പേർക്ക് പകർച്ചപ്പനിയും സ്ഥിരീകരിച്ചു. എറണാകുളത്ത് 12 പേർക്ക് ഡെങ്കിപ്പനിയും തിരുവനന്തപുരത്ത് മൂന്നുപേർക്ക് എലിപ്പനിയും സ്ഥിരീകരിച്ചു.
കോവിഡിൽ ആശങ്കവേണ്ടെന്ന് നിയമസഭയിലടക്കം ആരോഗ്യമന്ത്രി പറയുമ്പോഴും ഒരാഴ്ചക്കിടെ 24,264 പേർക്ക് കോവിഡ് സ്ഥിരീകരിച്ചു. 81 മരണം റിപ്പോർട്ട് ചെയ്തു. എല്ലാ പനികേസുകളിലും കോവിഡ് പരിശോധന വേണമെന്ന് നിർദേശിച്ചതായാണ് ആരോഗ്യവകുപ്പ് പറയുന്നത്. എന്നാൽ, ഒരിടത്തും പരിശോധന കാര്യക്ഷമമല്ലെന്ന് ആക്ഷേപമുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.