നേമം: അമിത വേഗതയിൽ എത്തിയ ടിപ്പർ ലോറിയിടിച്ച് ബൈക്ക് യാത്രികനായ യുവാവ് മരിച്ചു. പെരുമ്പഴുതൂർ കീളിയോട് ആര്യശാലകോണം തെക്കുംകര വീട്ടിൽ ബി.എ ക്രിഫ്സ് (ബൈജുലാൽ- 47) ആണ് മരിച്ചത്. വ്യാഴാഴ്ച രാവിലെ എട്ടര മണിക്ക് നരുവാമൂട്- മുക്കംപാലമൂട് റോഡിൽ പാലപ്പൊറ്റ വളവിലാണ് അപകടം.
കൈമനത്തെ ടൂവീലർ ഷോറൂമിലെ ജീവനക്കാരനായ ക്രിഫ്സ് ജോലിക്കു വരുമ്പോൾ അതേ ദിശയിൽ അമിത വേഗതയിൽ വന്ന ടിപ്പർ സ്കൂട്ടറിന്റെ പിന്നിൽ ഇടിക്കുകയായിരുന്നു. ഗുരുതരമായി പരിക്കേറ്റ ക്രിഫ്സിനെ തിരുവനന്തപുരം മെഡിക്കൽ കോളജിൽ എത്തിച്ചെങ്കിലും ജീവൻ രക്ഷിക്കാനായില്ല. ഭാര്യ: എസ്. പ്രീത (കോൺഫിഡൻഷ്യൽ അസിസ്റ്റന്റ്, കേരള പൊലീസ്, പട്ടം) മക്കൾ: വൈഗ, വൈഷ്ണവ്. സംസ്കാരം വെള്ളിയാഴ്ച രാവിലെ 10 മണിക്ക് വീട്ടുവളപ്പിൽ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.