ബ്ലാക്ക് ​ഫംഗസ്​: മരുന്നെത്തി, പ്രതിസന്ധിക്ക്​ താൽക്കാലിക പരിഹാരം

തി​രു​വ​ന​ന്ത​പു​രം: ബ്ലാ​ക്ക്​ ഫം​ഗ​സ്​ രോ​ഗ​ത്തി​നു​ള്ള മ​രു​ന്ന്​ ക്ഷാ​മ​ത്തി​ന്​ താ​ൽ​ക്കാ​ലി​ക ആ​ശ്വാ​സം. കേ​ന്ദ്ര​സ​ർ​ക്കാ​ർ അ​നു​വ​ദി​ച്ച ആ​ൻ​റി ഫം​ഗ​ൽ മ​രു​ന്നാ​യ ആം​ഫോ​ടെ​റി​സി​ൻ- ബി ​സം​സ്ഥാ​ന​ത്തെ​ത്തി. രോ​ഗി​ക​ളു​ടെ എ​ണ്ണം കൂ​ടു​ക​യും ആ​വ​ശ്യ​ത്തി​ന്​ മ​രു​ന്ന്​ ല​ഭ്യ​മ​ല്ലാ​താ​കു​ക​യും ചെ​യ്​​ത​തോ​ടെ സം​സ്ഥാ​ന​ത്തെ ബ്ലാ​ക്ക്​ ഫം​ഗ​സ്​ ചി​കി​ത്സ പ്ര​തി​സ​ന്ധി​യി​ലാ​യി​രു​ന്നു. 240 വ​യ​ൽ മ​രു​ന്നാ​ണ് അ​നു​വ​ദി​ച്ച​ത്. ഇ​ത് ആ​ശു​പ​ത്രി​ക​ളി​ലേ​ക്ക് കേ​ര​ള മെ​ഡി​ക്ക​ൽ സ​ർ​വി​സ്​​ കോ​ർ​പ​റേ​ഷ​ൻ വി​ത​ര​ണം ചെ​യ്യും. അ​തേ​സ​മ​യം നി​ല​വി​ലെ പ്ര​തി​സ​ന്ധി​ക്ക്​ താ​ൽ​ക്കാ​ലി​ക പ​രി​ഹാ​ര​മാ​കു​മെ​ങ്കി​ലും ഇ​നി​യും കൂ​ടു​ത​ൽ ല​ഭ്യ​മാ​കേ​ണ്ട​തു​​ണ്ടെ​ന്നാ​ണ്​ അ​ധി​കൃ​ത​ർ വ്യ​ക്ത​മാ​ക്കു​ന്ന​ത്.

സം​സ്ഥാ​ന​ത്തി​ന്​ പു​റ​ത്തു​നി​ന്ന​ട​ക്കം നി​ര​വ​ധി രോ​ഗി​ക​ൾ വി​വി​ധ മെ​ഡി​ക്ക​ൽ കോ​ള​ജു​ക​ളി​ൽ ചി​കി​ത്സ തേ​ടി​യെ​ത്തു​ന്നു​ണ്ട്. തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ൽ ത​മി​ഴ്​​നാ​ട്ടി​ൽ​നി​ന്നു​ള്ള​വ​ര​ട​ക്കം ചി​കി​ത്സ​യി​ലു​ണ്ട്. മ​രു​ന്ന് തീ​ര്‍ന്ന​തോ​ടെ കൂ​ടു​ത​ല്‍ രോ​ഗി​ക​ളെ പ്ര​വേ​ശി​പ്പി​ക്കാ​ൻ ക​ഴി​യാ​ത്ത അ​വ​സ്ഥ​യി​ലാ​യി​രു​ന്നു. ര​ക്ത​ത്തി​ലെ ഫം​ഗ​സ് സാ​ന്നി​ധ്യം ഇ​ല്ലാ​താ​ക്കാ​നും മ​റ്റ്​ ശ​രീ​ര​ഭാ​ഗ​ങ്ങ​ളി​ലേ​ക്ക്​ വ്യാ​പി​ക്കാ​തി​രി​ക്കാ​നു​മാ​ണ്​ ആ​ൻ​റി ഫം​ഗ​ൽ ഇ​ൻ​ജ​ക്​​ഷ​ൻ മ​രു​ന്നാ​യ ആം​ഫോ​ടെ​റി​സി​ൻ- ബി ​ന​ൽ​കു​ന്ന​ത്.

ഇ​തി​നി​ടെ സം​സ്ഥാ​ന​ത്ത്​ കോ​വി​ഡ് വ​ന്നു​പോ​യ​ശേ​ഷം ബ്ലാ​ക്ക് ഫം​ഗ​സ്​ ബാ​ധി​ക്കു​ന്ന​വ​രു​ടെ എ​ണ്ണം കൂ​ടു​ക​യാ​ണെ​ന്ന്​​ ആ​രോ​ഗ്യ​വ​കു​പ്പ്​ വ്യ​ക്ത​മാ​ക്കു​ന്നു. രോ​ഗം കൂ​ടു​ത​ല്‍ അ​വ​യ​വ​ങ്ങ​ളി​ലേ​ക്ക് ബാ​ധി​ക്കാ​തി​രി​ക്കാ​ന്‍ നേ​ര​ത്തേ ക​ണ്ടെ​ത്തി ചി​കി​ത്സ തു​ട​ങ്ങു​ക നി​ർ​ണാ​യ​ക​മാ​ണ്.