മലപ്പുറം: കോവിഡ് വ്യാപനം രൂക്ഷമായ സാഹചര്യത്തിൽ പ്രത്യക്ഷ സമരങ്ങള്‍ ഒഴിവാക്കാൻ ജാഗ്രത പുലര്‍ത്തുമെന്നും ഈ വിഷയത്തിൽ ഗൗരവമായി ചര്‍ച്ച നടത്തുമെന്നും മുസ്‌ലിം ലീഗ് ദേശീയ ജനറല്‍ സെക്രട്ടറി പി.കെ. കുഞ്ഞാലിക്കുട്ടി എം.പി, സംസ്ഥാന ജനറല്‍ സെക്രട്ടറി കെ.പി.എ. മജീദ് എന്നിവര്‍ വാര്‍ത്ത സമ്മേളനത്തില്‍ അറിയിച്ചു.
കോവിഡ് പ്രതിരോധത്തില്‍ സര്‍ക്കാറിന് നയപരമായ പാളിച്ച സംഭവിച്ചിട്ടുണ്ട്. ഏറ്റവും ഒടുവിലത്തെ ഉദാഹരണമാണ് മഞ്ചേരിയില്‍ ചികിത്സ കിട്ടാതെ ഗര്‍ഭസ്ഥ ശിശുക്കള്‍ മരണപ്പെട്ട സാഹചര്യം. ബെന്നി ബെഹനാന്‍ വ്യക്തിപരമായ കാര്യങ്ങള്‍ ചൂണ്ടിക്കാണിച്ചാണ് യു.ഡി.എഫ് കണ്‍വീനര്‍ സ്ഥാനം രാജിവെച്ചത്.
കോടിയേരി ബാലകൃഷ്ണന്‍ പോരാളി ഷാജിയുടെ നിലവാരത്തിലിറങ്ങിയാണ് മുസ്‌ലിം ലീഗിനെതിരെ പ്രതികരിക്കുന്നത്. തരാതരം പോലെ വര്‍ഗീയ ചീട്ടെടുക്കുകയാണ് സി.പി.എമ്മും പാര്‍ട്ടി സെക്രട്ടറി. മുസ്‌ലിം ലീഗാണ് ബി.ജെ.പിയെ നേരിടുന്നതും പരാജയപ്പെടുത്തുന്നും കുഞ്ഞാലിക്കുട്ടി വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.