കോട്ടയം: താൽകാലിക നേട്ടത്തിനു വേണ്ടി അവസരം പോലെ സി.പി.എം നടത്തുന്ന നുണപ്രചരണങ്ങൾ ജനങ്ങൾ അവജ്ഞയോടെ തള്ളിക്കളയുമെന്ന് മുൻ മുഖ്യമന്ത്രി ഉമ്മൻ ചാണ്ടി. സംസ്ഥാന സർക്കാറിന്‍റെ വികസന വിരുദ്ധ നിലപാടിനെതിരെ തിരുവഞ്ചൂർ രാധാകൃഷ്ണൻ എം.എൽ.എ കോട്ടയത്ത് നടത്തിയ ഉപവാസ സമരത്തിന്‍റെ സമാപന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
നാടിന്‍റെ വികസനത്തിൽ രാഷ്ടീയം മാത്രം കണ്ട് വിലങ്ങുതടിയാവരുത്. തിരുവഞ്ചൂർ മണ്ഡഡലത്തിൽ കൊണ്ടുവന്ന ഒരു പദ്ധതിയും നടത്താൻ അനുവദിക്കില്ലന്ന് ചിലരൊക്കെ പ്രതിജ്ഞ എടുത്ത കാര്യം കോട്ടയത്തെ ജനങ്ങൾക്കറിയാമെന്നും അദ്ദേഹം പറഞ്ഞു.
കോട്ടയം മണ്ഡലത്തിൽ തുടങ്ങിവെച്ച 17 വൻകിട പദ്ധതികളടക്കം ഒട്ടേറെ വികസന പ്രവർത്തനങ്ങൾക്ക് തടസ്സം നിൽക്കുന്നത് കോട്ടയത്തെ ജനങ്ങളോടുള്ള വെല്ലുവിളിയാണന്ന് തിരുവഞ്ചൂർ രാധാകൃഷ്ണൻ എം.എൽ.എ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.