സംസാരശേഷിയില്ലാത്ത യുവതി വെന്തു മരിച്ച സംഭവം: ആത്മഹത്യയെന്ന്​ പ്രാ​ഥ​മി​ക നി​ഗ​മ​നം

കൊ​ല്ല​ങ്കോ​ട്: മു​ത​ല​മ​ട കു​റ്റി​പ്പാ​ട​ത്ത് അ​ഗ്​നി​ക്കി​ര​യാ​യ വീ​ടി​ന​ക​ത്ത് ക​ത്തി​ക്ക​രി​ഞ്ഞ നി​ല​യി​ൽ ക​ണ്ടെ​ത്തി​യ സു​മ​യു​ടെ മ​ര​ണ​കാ​ര​ണം ആ​ത്മ​ഹ​ത്യ​യാ​കാ​മെ​ന്നാ​ണ് പൊ​ലീ​സിന്‍റെ പ്രാ​ഥ​മി​ക നി​ഗ​മ​നം. സം​സാ​ര​ശേ​ഷി​യി​ല്ലാ​ത്ത സു​മ (25) എന്ന യുവതിയെയാണ്​ ക​ഴി​ഞ്ഞ​ ദി​വ​സ​ം​ ക​ത്തി​യ​മ​ർ​ന്ന വീ​ടി​ന​ക​ത്ത് ​മ​രി​ച്ച നി​ല​യി​ൽ ക​ണ്ടെ​ത്തി​യ​ത്. പോ​സ്​​റ്റ്​​മോ​​ർ​ട്ട​വും ശാ​സ്​​ത്രീ​യ പ​രി​ശോ​ധ​ന റി​പ്പോ​ർ​ട്ടും ല​ഭി​ച്ച ശേ​ഷ​മേ കൂ​ടു​ത​ൽ വി​വ​ര​ങ്ങ​ൾ ല​ഭ്യ​മാ​കൂ​വെ​ന്ന് പൊ​ലീ​സ് അ​റി​യി​ച്ചു.

മുതലമട കുറ്റിപ്പാടം മണലിയിൽ കൃഷ്ണൻ-രുഗ്​മിണി ദമ്പതികളുടെ മകളാണ്​ ഊമയും ബധിരയുമായ സുമ. ഇവരുടെ ഇരട്ടപ്പെൺകുട്ടികളിലൊരാളാണ്​. അടുത്തമാസം വിവാഹം നടക്കാനിരിക്കെയാണ്​ സുമയുടെ മരണം. അച്​ഛനുമമ്മയും സഹോദരനും പുറത്തു പോയ സമയത്താണ്​ ദുരന്തം. ഈ സമയം വീട്ടിൽ സുമ തനിച്ചായിരുന്നു. തീയും പുകയും പടരുന്നതു കണ്ട നാട്ടുകാരാണ്​ ആദ്യം എത്തിയത്. പിന്നീട്​ മടങ്ങിയെത്തിയ കൃഷ്​ണനാണ്​ മകൾ വീട്ടിനകത്തുണ്ടെന്ന്​ നാട്ടുകാരെ അറിയിച്ചത്​. അപ്പോഴേ​ക്ക്​ വീട്​ പൂർണമായും കത്തിയമർന്നിരുന്നു. 

വീടിന്‍റെ വാതിലുകൾ അകത്തു നിന്ന് അടച്ച നിലയിലായിരുന്നു. ആത്​മഹത്യയാണെന്ന്​ സംശയിക്കാനുള്ള പ്രധാനകാരണം അതാണ്​. തീപിടുത്തത്തിൽ വയറിങ്ങും ഇലക്​ട്രിക്​ ഉപകരണങ്ങളും അഗ്​നിക്കിരയായിട്ടുണ്ടെങ്കിലും ഷോർട് സർക്യൂട്ട് അല്ലെന്നാണ്​ കെ.എസ്.ഇ.ബി അധികൃതരുടെ റിപ്പോർട്ട്.

'10 ല​ക്ഷം രൂ​പ ന​ഷ്ട​പ​രി​ഹാ​രം ന​ൽ​ക​ണ​ം'

കൊ​ല്ല​ങ്കോ​ട്: കു​റ്റി​പ്പാ​ടം മ​ണ​ലി​യി​ൽ പൊ​ള്ള​ലേ​റ്റു മ​രി​ച്ച സു​മ​യു​ടെ കു​ടും​ബ​ത്തി​ന് മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ൽ നി​ന്നും 10 ല​ക്ഷം രൂ​പ അ​നു​വ​ദി​ക്ക​ണ​മെ​ന്ന് നെ​ന്മാ​റ മ​ണ്ഡ​ലം യു.​ഡി.​എ​ഫ് സ്ഥാ​നാ​ർ​ഥി സി.​എ​ൻ. വി​ജ​യ​കൃ​ഷ്ണ​ൻ ആ​വ​ശ്യ​പ്പെ​ട്ടു. മ​രി​ച്ച യു​വ​തി​യു​ടെ മാ​താ​പി​താ​ക്ക​ളെ​യും സ​ഹോ​ദ​ര​ങ്ങ​ളെ​യും വി​ജ​യ​കൃ​ഷ്ണ​ൻ വീ​ട്ടി​ലെ​ത്തി ആ​ശ്വ​സി​പ്പി​ച്ചു. വീ​ട് ക​ത്തി​യ​തി​നെ തു​ട​ർ​ന്ന് ക​ല്യാ​ണ​ത്തി​നാ​യി സൂ​ക്ഷി​ച്ച ആ​റ് പ​വ​ൻ സ്വ​ർ​ണാ​ഭ​ര​ണം, 25000 രൂ​പ, റേ​ഷ​ൻ കാ​ർ​ഡ്, ആ​ധാ​ർ കാ​ർ​ഡ്, സ്ഥ​ല​ത്തി‍െൻറ പ​ട്ട​യം, ഗൃ​ഹോ​പ​ക​ര​ണ​ങ്ങ​ൾ, വ​സ്ത്ര​ങ്ങ​ൾ എ​ന്നി​വ ക​ത്തി​ന​ശി​ച്ചി​രു​ന്നു. റ​വ​ന്യു വ​കു​പ്പ് കു​ടും​ബ​ത്തി​ന് അ​ടി​യ​ന്ത​ര ധ​ന​സ​ഹാ​യം അ​നു​വ​ദി​ക്ക​ണ​മെ​ന്നും സി.​എ​ൻ. വി​ജ​യ​കൃ​ഷ്ണ​ൻ ആ​വ​ശ്യ​പ്പെ​ട്ടു.