ജ്യോതിഷ്കുമാർ, പി.കെ. പ്രസാദ്,
കെ.പി. പ്രശാന്ത്
തൃക്കൊടിത്താനം: ഇതരസംസ്ഥാനക്കാരന്‍റെ മരണവുമായി ബന്ധപ്പെട്ട് മൂന്നുപേർ അറസ്റ്റിൽ. മാടപ്പള്ളി പെരുമ്പനച്ചി പുന്നക്കുന്ന് ഭാഗത്ത് പുന്നക്കുന്നിൽ വീട്ടിൽ ജ്യോതിഷ്കുമാർ (29), പുന്നക്കുന്നിൽ വീട്ടിൽ പി.കെ. പ്രസാദ് (53), എറണാകുളം തലക്കോട് പൈനുങ്കൽപാറ കൊല്ലേവേലിച്ചിറ വീട്ടിൽ കെ.പി. പ്രശാന്ത് (29), എന്നിവരാണ് അറസ്റ്റിലായത്.
21ന് പുലർച്ച 4.15ന് ജ്യോതിഷ് കുമാറിന്റെ വീടിന്റെ അടുക്കള വശത്ത് 40 വയസ്സ് തോന്നിക്കുന്ന അന്തർസംസ്ഥാന സ്വദേശിയെ കൈയിൽ കത്തിയുമായി കണ്ടെത്തി. തുടർന്ന് ഇവർ ഇയാളെ മൺവെട്ടി, ഭരണി, തടിക്കഷണം തുടങ്ങിയവ ഉപയോഗിച്ച് ആക്രമിക്കുകയായിരുന്നു.
പരിക്കേറ്റ ഇയാൾ കോട്ടയം മെഡിക്കൽ കോളജ് ആശുപത്രിയില്‍ ചികിത്സയിലിരിക്കെ കഴിഞ്ഞ ദിവസം മരിച്ചു. എസ്.എച്ച്.ഒ ജി. അനൂപിന്‍റെ നേതൃത്വത്തിലാണ് ഇവരെ അറസ്റ്റ് ചെയ്തത്. കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.