തിരുവനന്തപുരം: മുഖ്യമന്ത്രിക്കെതിരെ കരിങ്കൊടി പ്രതിഷേധങ്ങൾ ശക്തമാകുന്ന സാഹചര്യത്തിൽ വി.ഐ.പി സുരക്ഷക്ക് ഡെപ്യൂട്ടി കമീഷണറുടെ പ്രത്യേക തസ്തിക സൃഷ്ടിച്ച് സർക്കാർ ഉത്തരവിറക്കി. ആംഡ് പൊലീസ് ബറ്റാലിയൻ കമാൻഡന്‍റ് ജി. ജയ്ദേവിനെയാണ് സുരക്ഷക്കു നിയോഗിച്ചത്. പൊലീസ് ആസ്ഥാനത്തെ അസി. ഇൻസ്പെക്ടർ ജനറൽ തസ്തികക്ക് തുല്യമായ എക്സ്കേഡർ തസ്തിക സൃഷ്ടിച്ചാണ് നിയമനം.
വി.ഐ.പി സുരക്ഷക്കു നിയോഗിക്കപ്പെടുന്ന ഡെപ്യൂട്ടി കമീഷണർക്ക് കേരളം മുഴുവൻ അധികാര പരിധിയുണ്ട്. ഇന്‍റലിജൻസ് എ.ഡി.ജി.പിയുടെ കീഴിലായിരിക്കും ഈ തസ്തിക. മുഖ്യമന്ത്രിയുടെ സുരക്ഷ മേൽനോട്ടം തന്നെയായിരിക്കും പ്രധാന ദൗത്യം. മുഖ്യമന്ത്രിയുടെ സുരക്ഷക്ക് എസ്.പി തസ്തികയിലുള്ള ഉദ്യോഗസ്ഥനെ പ്രത്യേക ചുമതല നൽകി നിയോഗിക്കണമെന്ന് പൊലീസ് ആസ്ഥാനത്തുനിന്ന് ആഭ്യന്തര വകുപ്പിന് ശിപാർശ നൽകിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.