ആ​ത്മ​ക​ഥ വി​വാ​ദ​ത്തി​ൽ പൊ​ലീ​സ്​ അ​ന്വേ​ഷ​ണം തു​ട​ങ്ങി; ‘കഥ’യറിയാതെ രണ്ടാംദിനം

തി​രു​വ​ന​ന്ത​പു​രം: ആ​ളി​ക്ക​ത്തി​യി​ട്ടും ‘ക​ഥ’​യെ​ന്തെ​ന്ന്​ തി​രി​ച്ച​റി​യാ​നാ​കാ​തെ പു​റ​ത്തു​വ​ന്ന്​ ര​ണ്ടാം​ദി​ന​ത്തി​ലും ഇ.​പി. ജ​യ​രാ​ജ​ന്‍റെ ആ​ത്മ​ക​ഥ വി​വാ​ദം. ഇ.​പി. ജ​യ​രാ​ജ​നും ര​വി ഡി.​സി​യും ന​ട​ത്തി​യ പ്ര​തി​ക​ര​ണ​ങ്ങ​ൾ വി​ഷ​യം കൂ​ടു​ത​ൽ സ​ങ്കീ​ർ​ണ​മാ​ക്കി. പു​റ​ത്തു​വ​ന്ന​ത്​ ത​ന്‍റെ ജീ​വി​ത​ക​ഥ​​യ​ല്ലെ​ന്ന്​ വ്യാ​ഴാ​ഴ്ച പ​ല​കു​റി ആ​വ​ർ​ത്തി​ച്ച ഇ.​പി, വി​വാ​ദ​ത്തി​ന്​ പി​ന്നി​ൽ രാ​ഷ്ട്രീ​യ ഗൂ​ഢാ​ലോ​ച​ന​യെ​ന്ന ആ​ക്ഷേ​പ​വും ഉ​യ​ർ​ത്തി. അ​തേ​സ​മ​യം, ഗൂ​ഢാ​ലോ​ച​ന​ക്ക്​ പി​ന്നി​ൽ ആ​രെ​ന്ന്​​ വ്യ​ക്ത​മാ​ക്കു​ന്നു​മി​ല്ല.

ഡി.​സി ബു​ക്സ് ഫെ​സി​ലി​റ്റേ​റ്റ​ര്‍ മാ​ത്ര​മാ​ണെ​ന്ന്​​ വി​വാ​ദ​ത്തി​ൽ നേ​രി​ട്ട്​ പ്ര​തി​ക​രി​ച്ച ഡി.​സി ബു​ക്സ്​ ഉ​ട​മ ര​വി ഡി.​സി പ​റ​ഞ്ഞു. പൊ​തു​രം​ഗ​ത്ത് നി​ല്‍ക്കു​ന്ന​വ​രെ ബ​ഹു​മാ​നി​ക്കു​ന്നെ​ന്നും കൂ​ടു​ത​ല്‍ പ്ര​തി​ക​ര​ണ​ത്തി​നി​ല്ലെ​ന്നും പ​റ​ഞ്ഞ അ​ദ്ദേ​ഹം, പു​റ​ത്തു​വ​ന്ന പു​സ്ത​കം ഇ.​പി​യു​ടേ​ത്​ ത​ന്നെ​യെ​ന്ന്​ പ​റ​യാ​തെ പ​റ​ഞ്ഞു​വെ​ച്ചു. അ​തേ​സ​മ​യം, ത​ന്‍റെ അ​റി​വി​ല്ലാ​തെ ആ​ത്മ​ക​ഥ പു​റ​ത്തി​റ​ക്കി​യെ​ന്ന ഇ.​പി​യു​ടെ പ​രാ​തി​യി​ൽ പൊ​ലീ​സ്​ പ്രാ​ഥ​മി​ക അ​ന്വേ​ഷ​ണം തു​ട​ങ്ങി. കോ​ട്ട​യം ജി​ല്ല പൊ​ലീ​സ്​ മേ​ധാ​വി​ക്കാ​ണ്​ അ​ന്വേ​ഷ​ണ ചു​മ​ത​ല. ഇ.​പി. ജ​യ​രാ​ജ​ന്‍റെ പ​രാ​തി​യി​ൽ ആ​രു​ടെ​യും​ പേ​ര്​ പ​രാ​ർ​ശി​ക്കാ​ത്ത​തി​നാ​ൽ എ​ഫ്.​ഐ.​ആ​ർ​ ര​ജി​സ്റ്റ​ർ ചെ​യ്തി​ട്ടി​ല്ല. സി.​പി.​എ​മ്മി​ന്‍റെ പ​തി​വ്​ സെ​ക്ര​ട്ടേ​റി​യ​റ്റ്​ യോ​ഗം വെ​ള്ളി​യാ​ഴ്ച ചേ​രു​മ്പോ​ൾ വി​ഷ​യം ച​ർ​ച്ച​ക്ക്​ വ​ന്നേ​ക്കും. ഇ.​പി. ജ​യ​രാ​ജ​നെ വി​ശ്വാ​സ​ത്തി​ലെ​ടു​ത്തു​ള്ള പ്ര​തി​ക​ര​ണ​മാ​ണ്​ പാ​ർ​ട്ടി നേ​തൃ​ത്വം ഇ​തു​വ​രെ ന​ട​ത്തി​യ​ത്. എ​ന്നാ​ൽ, വോ​ട്ടെ​ടു​പ്പ്​ ദി​ന​ത്തി​ൽ പാ​ർ​ട്ടി​യെ പൊ​ള്ളി​ച്ച​ ഇ.​പി​യു​ടെ ന​ട​പ​ടി​യി​ൽ പി​ണ​റാ​യി വി​ജ​യ​ന​ട​ക്ക​മു​ള്ള​വ​ർ​ക്ക്​ അ​തൃ​പ്തി​യു​ണ്ട്. അ​ത്​ മ​ന​സ്സി​ലാ​ക്കി​യാ​ണ്​ ഇ.​പി ആ​വ​ർ​ത്തി​ച്ച്​ മാ​ധ്യ​മ​ങ്ങ​ൾ​ക്കു മു​ന്നി​ലെ​ത്തി ആ​ത്മ​ക​ഥ ത​ള്ളി​പ്പ​റ​യു​ന്ന​ത്. ആ​ത്മ​ക​ഥ​യി​ൽ വ​യ്യാ​വേ​ലി​യെ​ന്ന്​ വി​ശേ​ഷി​പ്പി​ച്ച പി. ​സ​രി​ന്​ വോ​ട്ടു​പി​ടി​ക്കാ​ൻ വ്യാ​ഴാ​ഴ്ച പാ​ല​ക്കാ​ട്ട്​​ എ​ത്തി​യ​തും നേ​തൃ​ത്വ​ത്തി​ന്‍റെ രോ​ഷം ത​ണു​പ്പി​ക്കാ​നാ​ണ്. പു​സ്ത​കം എ​ങ്ങ​നെ പു​റ​ത്തു​പോ​യി എ​ന്ന്​ പാ​ർ​ട്ടി​യും അ​ന്വേ​ഷി​ക്കു​ന്നു​ണ്ട്​.

എ​ഴു​താ​ൻ സ​ഹാ​യി​ച്ച ക​ണ്ണൂ​രി​ലെ ദേ​ശാ​ഭി​മാ​നി ലേ​ഖ​ക​നെ അ​വി​ശ്വ​സി​ക്കു​ന്നി​ല്ലെ​ന്ന്​ പ​റ​ഞ്ഞ ഇ.​പി, ത​ന്‍റെ സ​ഹാ​യി​യി​ൽ​നി​ന്ന്​ ചോ​ർ​ന്നോ​യെ​ന്ന്​ അ​​ന്വേ​ഷി​ക്കു​ന്നു​ണ്ടെ​ന്ന്​ വി​ശ​ദീ​ക​രി​ച്ചു. പു​റ​ത്തു​വ​ന്ന​ത്​ താ​ൻ എ​ഴു​തി​യ​ത​ല്ലെ​ന്ന്​ ഉ​റ​പ്പി​ച്ച്​ പ​റ​യു​ന്ന ഇ.​പി അ​തേ ശ്വാ​സ​ത്തി​ൽ താ​ൻ എ​ഴു​തി​യ​ത്​ ചോ​ർ​ന്ന​ത്​ എ​ങ്ങ​നെ​യെ​ന്ന്​ അ​ന്വേ​ഷി​ക്ക​ണ​മെ​ന്ന്​ ആ​വ​ശ്യ​​പ്പെ​ട്ടു. പാ​ർ​ട്ടി​യു​ടെ അ​ന്വേ​ഷ​ണ​ത്തി​ൽ ഇ.​പി​യും ദേ​ശാ​ഭി​മാ​നി ലേ​ഖ​ക​നും സം​ശ​യ​നി​ഴ​ലി​ലാ​ണ്.