കാഞ്ഞാണി (തൃശൂർ): ടിപ്പർ ലോറി തലയിലൂടെ കയറിയിറങ്ങി വീട്ടമ്മക്ക് ദാരുണാന്ത്യം. ആനക്കാട് പളിത്തറ ശശിയുടെ ഭാര്യ ഷീജ (55) ആണ് മരിച്ചത്. ഭർത്താവിനൊപ്പം ബൈക്കിൽ പോകുമ്പോൾ പിന്നിൽ വന്ന ടിപ്പർ ബൈക്കിൽ ഇടിക്കുകയും വീട്ടമ്മ താഴെ വീഴുകയുമായിരുന്നുവെന്ന് പറയുന്നു. മക്കൾ : അഖിൽ, ഐശ്വര്യ. മരുമകൻ: സതീഷ്.
ടിപ്പറിന്റെ പിൻചക്രം തലയിലൂടെ കയറിയിറങ്ങി ഷീജ സംഭവസ്ഥലത്ത് മരിച്ചു. അപകടത്തെ തുടർന്ന് മണിക്കൂറോളം ഗതാഗതം സ്തംഭിച്ചു. അന്തിക്കാട് എസ്.എച്ച്.ഒ പി.കെ ദാസ്, സബ് ഇൻസ്പെക്ടർ ഹബീബ് എന്നിവരുടെ നേതൃത്വത്തിൽ പൊലീസ് സ്ഥലത്തെത്തി. ഷീജ തൊഴിലുറപ്പ് തൊഴിലാളിയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.