വൈത്തിരി: വയനാട് ചുരത്തിൽ ശനിയാഴ്ച രാത്രി ചരക്കു ലോറി കേടായതിനെ തുടർന്ന് ഗതാഗതം സ്തംഭിച്ചത് മണിക്കൂറുകൾ. എട്ടാം വളവിനു മുകളിലായി മൾട്ടി ആക്സിൽ ചരക്കു ലോറി രാത്രി ഒൻപതര മണിയോടെ കേടുവരികയായിരുന്നു. വാരാന്ത്യ ദിവസമായത് കൊണ്ട് ചുരം കയറുന്ന നൂറു കണക്കിന് വാഹനങ്ങളുടെ നിര ചുരത്തിൽ അനുഭവപ്പെട്ടു. ഞായറാഴ്ച പുലർച്ചെയും വലിയതോതിൽ ചുരത്തിൽ ഗതാഗതകുരുക്കുണ്ടായിരുന്നു.
ഓണാവധിക്കു പുറപ്പെട്ടവരും ദീർഘദൂര ടൂറിസ്റ്റ് ബസുകളും ചുരത്തിൽ കുടുങ്ങി. വാഹന ബാഹുല്യം കൂടി വന്നപ്പോൾ ഞായറാഴ്ച ഉച്ചവരെ അടിവാരം മുതൽ ലക്കിടി വരെ കുരുക്ക് നീണ്ടു. മണിക്കൂറുകളെടുത്താണ് വാഹനങ്ങൾ ചുരം താണ്ടിയത്. ഓണാവധി കൂടി വരുന്നതോടെ ചുരത്തിൽ വാഹന കുരുക്കുകളുടെ ദിനങ്ങളായിരിക്കും ഇനിയുള്ള ദിവസങ്ങളിൽ അനുഭവപ്പെടുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.