ഗുരുവായൂർ അർച്ചനക്ക് വിഷ്ണുഭട്ടി​െൻറ സംഗീതത്തിന് നൂറുദിനം

ഗുരുവായൂർ അർച്ചനക്ക് വിഷ്ണുഭട്ടി​ൻെറ സംഗീതത്തിന് നൂറുദിനം കാസർകോട്: ഗുരുവായൂർ അർച്ചനക്ക്​ വെള്ളിക്കോത്ത് വിഷ്ണുഭട്ടി‍ൻെറ സംഗീതത്തിന് നൂറാംനാൾ. കോവിഡ് കാല അടച്ചിടലിനെ തുടർന്ന് ഭക്തർക്ക് ഗുരുവായൂരിലേക്കുള്ള പ്രവേശനം നിഷേധിച്ചിരുന്നു. എന്നാൽ, പൂജയും അർച്ചനയും മുടങ്ങാതെ നടന്നു. ഇത് ഭക്തർക്ക് ലഭിച്ചത് കീഴ്​ശാന്തിക്കാരൻ ഓൺലൈനായി നൽകുന്ന ഗദ്യ വർണനയിലൂടെയാണ്. കണ്ണ‍​ൻെറ മുന്നിലെത്തുന്ന ആയിരങ്ങൾക്ക് ഏറെ പ്രിയപ്പെട്ടതായിരുന്നു അർച്ചനാ വർണന. ഈ വർണന ഗദ്യരൂപത്തിൽ ഒാൺലൈനായിെട്ടങ്കിലും അനുഭവിക്കാൻ ലോകത്തി‍ൻെറ വിവിധ ഭാഗങ്ങളിൽ ഗുരുവായൂർ ഭക്തർ കാത്തുനിൽക്കുന്നുണ്ടാവും. അവർക്കു മുന്നിലേക്കാണ് വർണനക്ക്​ സംഗീതം നൽകി വിഷ്ണുഭട്ട് എത്തിച്ചത്. അർച്ചനയുടെ വർണന കൃഷ്​ണസ്​തുതിയാണ്​. ഇത്​ മറ്റൊരാൾ പുനരവതരിപ്പിക്കുന്നത്​ കീഴ്​വഴക്കമില്ലെങ്കിലും സംഗീതം നൽകുന്നതിൽ തെറ്റില്ലെന്ന നിലപപാടാണ്​ ഗുരുവായൂർ അധികൃതർക്കെന്ന്​ വിഷ്​ണുഭട്ട്​ പറഞ്ഞു. ഭട്ടി‍ൻെറ ഈ ശ്രമത്തിന് ഇന്നേക്ക് നൂറുദിനം പൂർത്തിയാവുകയാണ്. ഗുരുവായൂർ കീഴ്ശാന്തിയായ തിരുവാലൂർ ശ്രീകുമാരൻ നമ്പൂതിരിയാണ് ഉച്ചപൂജയുടെ വർണന നടത്തുന്നത്​. ഇൗ ഗദ്യവർണന ബംഗളൂരു രവിശങ്കർ ആശ്രമത്തിലെ ജയശ്രീ രഘുനാഥാണ് വിഷ്ണുഭട്ടിന് അയച്ചുകൊടുത്തത്. വർണനക്ക്​ സംഗീതം നൽകി ജയശ്രീ മുഖേന കീഴ്​ശാന്തിക്കും ദേവസ്വത്തിനു കീഴിലെ നവമാധ്യമ ഗ്രൂപ്പിലേക്കും എത്തിച്ചു. അങ്ങനെയാണ്​ ശ്രുതിമധുരമായ വർണനാസംഗീതം ലോകത്തെമ്പാടുമുള്ള ഗുരുവായൂർ ഭക്​തർക്ക്​ ലഭ്യമായത്​. എല്ലാ ദിവസവും ഉച്ചക്ക്​ ഒരുമണിക്ക് ലഭിക്കുന്ന വർണന രണ്ടു മണിക്കൂർ നേരത്തെ പരിശ്രമം കൊണ്ടാണ് സംഗീതമാക്കി മാറ്റുന്നത്. കല്യാണി, മോഹനം തുടങ്ങി 30ഒാളം ഭക്​തിരസ പ്രധാനമായ രാഗങ്ങൾ ഉപയോഗിച്ചാണ്​ അർച്ചന ചിട്ടപ്പെടുത്തുന്നതെന്ന്​ വിഷ്​ണുഭട്ട്​ പറഞ്ഞു. ആഗസ്​റ്റ്​ ഒമ്പതിന്​ തുടങ്ങിയ ഇൗ വർണനക്ക് സംഗീതം നൽകാൻ പരസഹായമില്ല. ഇത് തനിക്ക് ലഭിച്ച പുണ്യമായി കരുതുകയാണ്. ഗുരുവായൂരപ്പോനോട് ​േനരിട്ട്​ സംസാരിക്കുന്ന അനുഭൂതിയാണ് എനിക്കുണ്ടായിരിക്കുന്നത് -അദ്ദേഹം പറഞ്ഞു. കഴിഞ്ഞ വർഷം വെള്ളിക്കോത്ത് മഹാകവി പി. സ്മാരക സ്കൂളിൽനിന്ന്​ സംഗീതാധ്യാപകനായി വിരമിച്ചതാണ് വിഷ്ണുഭട്ട്. മതനിരപേക്ഷതക്കുവേണ്ടി ജനകീയ സംഗീതയാത്ര സംഘടിപ്പിച്ചിരുന്നു. രവീന്ദ്രൻ രാവണേശ്വരം vishnubhat