കാസർകോട്: ജില്ല റവന്യൂ സ്കൂൾ കലോത്സവത്തിന്റെ ഭാഗമായിട്ടുള്ള സംഘാടക സമിതി യോഗം ജില്ല പഞ്ചായത്ത് പ്രസിഡന്റ് പി. ബേബി ബാലകൃഷ്ണൻ ഉദ്ഘാടനം ചെയ്തു. കാറഡുക്ക ബ്ലോക്ക് പഞ്ചായത്ത് പ്രസിഡന്റ് സിജി മാത്യു അധ്യക്ഷത വഹിച്ചു. കലോത്സവം ഡിസംബർ അഞ്ചുമുതൽ ഒമ്പതുവരെ കാറഡുക്ക ജി.വി.എച്ച്.എസ്.എസ് സ്കൂളിൽ നടക്കും. 12 വേദികളിലായി മത്സരങ്ങൾ അരങ്ങേറും.
21 വർഷത്തെ കാലയളവിന് ശേഷമാണ് കാറഡുക്ക ജി.വി.എച്ച്.എസ്.എസ് സ്കൂളിലേക്ക് കലോത്സവം എത്തുന്നത്. കലോത്സവത്തിന്റെ നടത്തിപ്പിനായി വിപുലമായ സംഘാടക സമിതി രൂപവത്കരിച്ചു. കാറഡുക്ക ഗ്രാമപഞ്ചായത്ത് പ്രസിഡന്റ് അഡ്വ.ഗോപാലകൃഷ്ണ ഭട്ട്, ജില്ല പഞ്ചായത്ത് ഡിവിഷൻ അംഗം ഷഫീഖ്, ജില്ല പഞ്ചായത്ത് അംഗം സി.ജെ. സജിത്ത് തുടങ്ങിയവരും യോഗത്തിൽ സംബന്ധിച്ചു. ഹെഡ്മാസ്റ്റർ എം. സഞ്ജീവ സ്വാഗതവും സ്റ്റാഫ് സെക്രട്ടറി എം. പത്മകുമാർ നന്ദിയും പറഞ്ഞു.
ഭാരവാഹികൾ: രാജ്‌മോഹന്‍ ഉണ്ണിത്താന്‍ എം.പി, എം.എല്‍.എമാരായ എ.കെ.എം. അഷ്റഫ്, സി.എച്ച്. കുഞ്ഞമ്പു, ഇ. ചന്ദ്രശേഖരൻ, എം. രാജഗോപാലന്‍, ജില്ല പഞ്ചായത്ത് പ്രസിഡൻറ് പി. ബേബി ബാലകൃഷ്ണൻ, ജില്ല കലക്ടര്‍ കെ. ഇമ്പശേഖര്‍, ജില്ല പൊലീസ് മേധാവി ഡോ. വൈഭവ് സക്‌സേന, കാറഡുക്ക ബ്ലോക്ക് പഞ്ചായത്ത് പ്രസിഡൻറ് സിജി മാത്യു (രക്ഷാധികാരികൾ), എൻ.എ. നെല്ലിക്കുന്ന് എം.എൽ.എ (ചെയര്‍.), ജില്ല പഞ്ചായത്ത് പ്രസിഡൻറ് പി. ബേബി ബാലകൃഷ്ണൻ (വർക്കിങ് ചെയർ.), ഡി.ഡി.ഇ എൻ. നന്ദികേശൻ (ജന.കൺ.).
ജില്ല പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൻ അഡ്വ. എസ്.എൻ. സരിത (വൈസ് ചെയർ.), വി.എച്ച്.സി അസി.ഡയറക്ടർ ഉദയകുമാരി, ഹയർ സെക്കൻഡറി ആർ.ഡി.ഡി മണികണ്ഠൻ, പ്രിൻസിപ്പൽ ഡയറ്റ് കാസർകോട് രഘുറാം ബട്ട്, ഡി.പി.സി എസ്.എസ്.കെ നാരായണ ദേലംപാടി, കാറഡുക്ക ജി.വി.എച്ച്.എസ്.എസ് എച്ച്.എം എം.സഞ്ജീവ, കാറഡുക്ക ജി.വി.എച്ച്.എസ്.എസ് പ്രിൻസിപ്പൽ മീരാ ജോസ് (ജോ.കൺ.), ഡി.ഇ.ഒ ദിനേശ് (ട്രഷ.).
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.