മംഗളൂരു: ദക്ഷിണ കന്നഡ ജില്ലയിലെ പുത്തൂരിൽ സുഹൃത്തായ പെൺകുട്ടിയെ കാണാനെത്തിയ മാൻവി സ്വദേശിയെയും സുഹൃത്തിനെയും തടഞ്ഞുനിർത്തി ചോദ്യം ചെയ്തതിനും ഭീഷണിപ്പെടുത്തിയതിനും അഞ്ചുപേർക്കെതിരെ കേസെടുത്തു. അതിൽ മൂന്നുപേരെ അറസ്റ്റ് ചെയ്തതായി പുത്തൂർ പൊലീസ് അറിയിച്ചു. കഴിഞ്ഞ ബുധനാഴ്ചയാണ് കേസിന് കാരണമായ സംഭവം. മാൻവി സ്വദേശി ഹനുമന്ത്റായ് പെൺകുട്ടിയെ ഇൻസ്റ്റാഗ്രാം വഴി പരിചയപ്പെടുകയും പരിചയം പ്രണയമായി മാറുകയും ചെയ്തു. ഈ പെൺകുട്ടിയെ കാണാൻ പുത്തൂരിൽ കെ.എസ്.ആർ.ടി.സി ബസ്സ്റ്റാൻഡിൽ എത്തുകയും അവിടെയിരുന്ന് സംസാരിക്കുകയും ചെയ്തശേഷം ബസ്സ്റ്റാൻഡിന് സമീപമുള്ള ഒരു ലോഡ്ജിലേക്ക് പോകവേ അഞ്ചംഗ സംഘം വഴിയിൽ തടയുകയും ഭീഷണിപ്പെടുത്തുകയുമായിരുന്നു. പുത്തൂർ സ്വദേശി അബ്ദുൽ മജീദ് (27), സുള്ള്യ സ്വദേശികളായ ഫാറൂഖ് (32), അലെബി (33) എന്നിവരാണ് അറസ്റ്റിലായയത്. കേസിൽ ഉൾപ്പെട്ട മറ്റ് രണ്ടുപേർ ഒളിവിലാണെന്ന് പൊലീസ് വൃത്തങ്ങൾ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.