നഗരസഭ ചെയർമാൻ സ്ഥാനം പങ്കുവെപ്പ്: ലീഗിൽ വിവാദം

കാ​സ​ർ​കോ​ട്: ന​ഗ​രസ​ഭ ചെ​യ​ർ​മാ​ൻ സ്ഥാ​നം പാ​ർ​ട്ടി​ക്കാ​ർ ത​മ്മി​ൽ പ​ങ്കു​വെ​ക്കു​ന്ന​ത് സം​ബ​ന്ധി​ച്ച് ലീ​ഗി​ൽ വി​വാ​ദം. ക​ഴി​ഞ്ഞ ത​ദ്ദേ​ശ തെ​ര​ഞ്ഞെ​ടു​പ്പി​ൽ കാ​സ​ർ​കോ​ട് ന​ഗ​ര​ഭ​ര​ണം ല​ഭി​ച്ച ലീ​ഗ് വി.​എം. മു​നീ​റി​നെ​യാ​ണ് ചെ​യ​ർ​മാ​നാ​ക്കി​യ​ത്. എ​ന്നാ​ൽ, അ​ന്ന് പാ​ർ​ട്ടി​യി​ൽ ഉ​ട​ലെ​ടു​ത്ത ത​ർ​ക്ക​ത്തെ തു​ട​ർ​ന്ന് മു​നീ​റി​നും ചെ​യ​ർ​മാ​ൻ സ്ഥാ​ന​ത്തി​ന് അ​വ​കാ​ശം ഉ​ന്ന​യി​ച്ച അ​ബ്ബാ​സ് ബീ​ഗ​ത്തി​നു​മാ​യി ര​ണ്ട​ര വ​ർ​ഷം വീ​തം ന​ൽ​കാ​ൻ നേ​തൃ​ത​ല​ത്തി​ൽ തീ​രു​മാ​നി​ച്ചു. മു​നീ​റി​ന്റെ കാ​ലാ​വ​ധി ക​ഴി​ഞ്ഞി​രി​ക്കു​ക​യാ​ണ്. അ​ബ്ബാ​സ് ബീ​ഗ​ത്തി​ന് സ്ഥാ​നം കൈ​മാ​റാ​ൻ ലീ​ഗ് ജി​ല്ല നേ​തൃ​ത്വം തീ​രു​മാ​നി​ച്ച​തോ​ടെ പാ​ർ​ട്ടി അ​ണി​ക​ളി​ൽ ച​ർ​ച്ച ന​ട​ക്കു​ക​യാ​ണ്.

സാ​ധാ​ര​ണ മു​ന്ന​ണി​ക​ൾ ത​മ്മി​ലാ​ണ് കാലാ​വ​ധി വീ​തം​വെ​പ്പ് ന​ട​ത്തു​ക. ഇ​ട​തു​പ​ക്ഷ​ത്തി​ലും ഐ​ക്യ​മു​ന്ന​ണി​യി​ലും ഇ​തു​സം​ബ​ന്ധി​ച്ച് ധാ​ര​ണ​യു​ണ്ടാ​കാ​റു​ണ്ട്.

എ​ന്നാ​ൽ, ഒ​രേ പാ​ർ​ട്ടി​ക്കാ​ർ സ്ഥാ​നം പ​കു​ത്തെ​ടു​ക്കു​ന്ന​ത് ഭാ​വി​യി​ൽ പ്ര​ത്യാ​ഘാ​ത​മു​ണ്ടാ​ക്കു​മെ​ന്നാ​ണ് ഒ​രു വി​ഭാ​ഗം പ​റ​യു​ന്ന​ത്.

ഇ​ന്ന് ന​ഗ​ര​സ​ഭ​യി​ൽ പാ​ർ​ട്ടി ഗ്രൂ​പ്പു​ക​ൾ​ക്ക് വേ​ണ്ടി​യെ​ടു​ത്ത തീ​രു​മാ​നം നാ​ളെ ഗ്രാ​മ പ​ഞ്ചാ​യ​ത്ത്, ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റ് സ്ഥാ​ന​ങ്ങ​ളി​ലേ​ക്കും സ്വ​യം പ​കു​ത്തെ​ടു​ക്കു​ന്ന സ്ഥി​തി​വ​രും. നേ​തൃ​ത്വ​ത്തി​ന്റെ ആ​ജ്ഞാ​ശ​ക്തി​യെ ദു​ർ​ബ​ല​മാ​ക്കു​മെ​ന്നും എ​ല്ലാ ഘ​ട​ക​ങ്ങ​ളി​ലും ഗ്രൂ​പു പ്ര​വ​ർ​ത്ത​ന​ങ്ങ​ൾ സ​ജീ​വ​മാ​ക്കു​മെ​ന്നും ആ​ശ​ങ്ക​പ്പെ​ടു​ന്നു.

ന​ഗ​ര​സ​ഭ തെ​ര​ഞ്ഞെ​ടു​പ്പി​ൽ വി​ജ​യം കൈ​വ​രി​ച്ച​തി​നു പി​ന്നാ​ലെ അ​ബ്ബാ​സ് ബീ​ഗ​ത്തി​ന്റെ പേ​ര് ജി​ല്ല നേ​തൃ​ത്വം മു​ന്നോട്ടുവെച്ചു. ഐ.​എ​ൻ.​എ​ല്ലി​ൽ നി​ന്ന് ലീ​ഗി​ലേ​ക്ക് തി​രി​കെ വ​ന്ന അ​ബ്ബാ​സ് ബീ​ഗം ന​ഗ​ര​സ​ഭ​യി​ൽ ലീ​ഗി​ന്റെ അ​ടി​ത്ത​റ പു​നഃ​സ്ഥാ​പി​ക്കു​ന്ന​തി​ന് നി​ർ​ണാ​യ​ക പ​ങ്കു​വ​ഹി​ച്ചു​വെ​ന്ന​താ​ണ് പാ​ർ​ട്ടി​യി​ൽ ബീ​ഗ​ത്തി​നു​ള്ള സ്വാ​ധീ​ന​ത്തി​നു കാ​ര​ണം.

ഇ​ട​ക്കാ​ല​ത്ത് ന​ഗ​ര​ഭ​ര​ണം ലീ​ഗി​ന് കൈ​വി​ട്ടി​രു​ന്നു. അ​ത് തി​രി​ച്ചെ​ത്തി​ക്കു​ന്ന​തി​ൽ ബീ​ഗ​ത്തി​ന്റെ പ​ങ്ക് വ​ലു​താ​യി കാ​ണു​ന്ന​വ​രു​മു​ണ്ട്. എ​ൻ.​എ. നെ​ല്ലി​ക്കു​ന്ന് എം.​എ​ൽ.​എ​യു​ടെ ശ​ക്ത​മാ​യ പി​ന്തു​ണ​യു​ള്ള നേ​താ​വാ​ണ് അ​ബ്ബാ​സ് ബീ​ഗം.

പ​ങ്കു​വെ​പ്പി​നു​ള്ള പ്ര​ധാ​ന കാ​ര​ണം എം.​എ​ൽ.​എ​യു​ടെ പി​ൻ​ബ​ലം കൂ​ടി​യാ​ണ്. വി.​എം. മു​നീ​റി​നെ ര​ണ്ട​ര വ​ർ​ഷ​ത്തി​നു ശേ​ഷം നീ​ക്കു​മെ​ന്ന​ത് പാ​ർ​ട്ടി​യി​ലെ നേ​തൃ​ത​ല​ത്തി​ലു​ള്ള ധാ​ര​ണ​യാ​ണ്. ഇ​ത് അ​ണി​ക​ളി​ൽ പ​ല​ർ​ക്കും അ​റി​യു​ന്ന​ത് ഈ ​അ​ടു​ത്ത​കാ​ല​ത്താ​ണ്. ഇ​തി​നെ​തി​രെ ഖാ​സി​ലേ​ൻ വാ​ർ​ഡ് ക​മ്മി​റ്റി ചെ​യ​ർ​മാ​ൻ വി.​എം. മു​നീ​റി​ന് ക​ത്ത് ന​ൽ​കി​യി​ട്ടു​ണ്ട്. ചെ​യ​ർ​മാ​ൻ സ്ഥാ​നം രാ​ജി വെ​ക്കു​ക​യാ​ണെ​ങ്കി​ൽ വാ​ർ​ഡ് കൗ​ൺ​സി​ല​ർ സ്ഥാ​ന​വും രാ​ജി​വെ​ക്ക​ണ​മെ​ന്ന് ഖാ​സി​ലേ​ൻ വാ​ർ​ഡ് ക​മ്മി​റ്റി ആ​വ​ശ്യ​പ്പെ​ട്ടി​ട്ടു​ണ്ട്.

സ്ഥാ​നം പ​ങ്കു​വെ​ക്കു​ന്ന​തി​നെ​തി​രെ ഖാ​സി​ലേ​ൻ വാ​ർ​ഡ് ക​മ്മി​റ്റി നേ​ര​ത്തേ നേ​തൃ​ത്വ​ത്തി​ന് ക​ത്ത് ന​ൽ​കി​യി​രു​ന്നു. ഇ​ത് അം​ഗീ​ക​രി​ക്കാ​ത്ത​തി​ലു​ള്ള പ്ര​തി​ഷേ​ധ​മാ​ണ് കൗ​ൺ​സി​ൽ​സ്ഥാ​നം രാ​ജി​വെ​ക്ക​ണ​മെ​ന്ന ആ​വ​ശ്യ​ത്തി​ന് പി​ന്നി​ൽ. പ​തി​ന​ഞ്ചി​ന​കം രാ​ജി​വെ​ക്കാ​നാ​ണ്​ തീ​രു​മാ​നം.